Yook 113 - Yomgkom

¹ Yariman ye aningko kankoonime. O Yariman ye demedan, ye aningko kankoonime. Yariman ye aningko kankoonime.

² Yariman ye aningko kuu amun kerundok, kibikiib aron koremiib.

³ Aron yaro minimaun angkambed wene aron kubunimaun kuye okad aombed Yariman ye aningko kuu kankooni yeman.

⁴ Yariman kuu ambibkin koremdan yaa kuu yembedmo darewoob arimbed. Ye nambiri kuu Ewen burudande darewoob arimbed keroon.

⁵ Kane kuu Yariman nub God areb? Dowan. Ye kuu miin ambab arimbed dibere oonoonman.

⁶ Ye kuu dibere nikbe kan yiri kerene Eweniib okadiib yaa kerendombirimaan ye karub.

⁷ Yembed kamboknondan okad ingkud yiri dangiwen kuu benkoobimaan, kwane yembed nub yaa awandok andidan kuu yi yaa dabab angkeen yaa benkoobimaan.

⁸ Yi kuu ongmaane king ye karub dana meed yoom dibirimaib, yi ambibkin mimodan yi korok korok yoom dibirimaib kui.

⁹ Yembed nima kurong kuu ongmaane danayiib kere kubenib yi ambiwoom dobirimaib. Yariman ye aningko kankoonime.