Lizsij dih Gaihcij 40 - Gij Baujcingq Moq Caeuq Geij Bonj Gij Baujcingq Daeuzdaeuz

Yozswz cek loq

¹ Yiengq, goq duenh he le, boux guenj gij laeuj caeuq boux guenj guh gij menqbauh goengjvuengz he, song boux neix cungj daekcoih goengjvuengz.

² Guh hwj goengjvuengz ndatheiq ij rai,

³ couh dawz song boux de bae laeng boux guenj gyenhyuz hih ndaw lauz de, hawj de guenj. Yozswz caemh dwg youq mwnq ngaiz de guenj.

⁴ Gajlaeng, boux guenj gyenhyuz baij Yozswz swqhaeuh song boux de. Song boux neix ngaiz youq mwnq haujlai caez le,

⁵ miz ngwnz he, song boux de cungj fangxngwnzloq, hoeng, gag vunz gag fangxngwnzloq mbouj doxdoengz, gag gaiq gag miz iqswh.

⁶ Haet daixngeih, Yozswz haeuj bae yawj gyoengqde, raen gyoengqde heiq memmem le,

⁷ couh cam gyoengqde naeuz: “Ngoenzneix faenhsou vihmaz heiq memmem lah?”

⁸ Gyoengqde dingq le, han naeuz: “Raeuz song boux cungj fangxngwnzloq, hoeng, mij vunz ndaej bang raeuz cek gij iqswh de.” Gajlaeng, Yozswz naeuz: “Cek fangxngwnzloq, mbouj dwg Cangqdiq cij ndaej maz? Faenhsou loqraen gijmaz hawjm'z naeuz gou ni yawj hux.”

Gij loq goeng guenj laeuj

⁹ Yiengq boux guenj laeuj mwnq couh gangj naeuz Yozswz ni de loqraen gijmaz. De naeuz: “Gou loqraen youq dangqnaj gou miz go buzdauz he.

¹⁰ Go de miz sam nga, cij ngamqngamq did, couh hoi va giet mak cix sug lo.

¹¹ Ndaw fawz gou dawz aen cenjlaeuj goengjvuengz, caiq mbaet buzdauz ma caenj aeu gij raemx de roengz ndaw cenjlaeuj bae, couh ndenq hawj goengjvuengz.”

¹² Yozswz dingq le, naeuz: “Gij fangxngwnzloq mwngz gij iqswh de dwg yienghneix: Sam nga couh dwg naeuz sam ngoenz.

¹³ Youq ndaw sam ngoenz neix, goengjvuengz ij heuh mwngz bae, ij hawj mwngz doiqyungz ndaej guh gij hong gaxgonq; mwngz vanzlij dwg caem laeuj, ndenq laeuj hawj goengjvuengz luj gaxgonq yienghmwnq.”

¹⁴ Yozswz vanzlij naeuz: “Daengj mwngz ndaej ok maj doiqyungz guh gij hong gaxgonq nex, mwngz ij ndaejgeiq gou vwq, bang gou mbat he; cingj mwngz youq dangqnaj goengjvuengz bang gou gangj vah ndei, hawj de coengq gou okmaj.

¹⁵ Gou saedsaeh dwg daj mwnq dieg Hihbwzlaiz vunz mwnq ngaiz gaemh daeuj daengz neij he. Gou youq dineix cungj mij guh gijmaz vaihsaeh hah, hoeng, mbouj rox hih vih guxmaz ngaiz gyaeng haeuj ndaw lauz neix daeuj.”

Gij loq goeng guenj guh menqbauh

¹⁶ Boux guenj guh menqbauh mwnq raen Yozswz cek gij loq cek ndaej baenxlai ndei, couh doiq Yozswz naeuz: “Gou caemh fangxngwnzloq hwj, loqraen gwnz dingjraeuj bonjfaenh dingj miz sam loz menqbauh.

¹⁷ Loz ceiq baixgwnz de dwg coux hawj goengjvuengz gw he, miz gak cungj gak mbouj doengz, hoeng, miz roeg daeuj ding hwj ding hwj gw gij menqbauh ndaw loz.”

¹⁸ Yiengq, Yozswz couh han naeuz: “Ox, gij loq mwngz, gij iqswh de dwg yienghneix: Sam aen loz, caemhdangq lujnaeuz sam ngoenz.

¹⁹ Ndaw sam ngoenz neix, goengjvuengz ij heuh mwngz bae, dawz mwngz venj hwnjdaeuj, venj hwnj gwnz faex bae, hawj gij roeg daeuj ding gw, dot gw gij noh mwngz.”

Lumz Yozswz

²⁰ Daengz daixsam ngoenz, ngamqngamq luj letlet goengjvuengz guh ngoenzseng. De cingj doenghheij gyoengq daqcwnz de daeuj gw laeuj, caiq heuh boux guenj laeuj caeuq boux guenj guh menqbauh mwnq dajlwh ndaw lauz bae daengz dangqnaj gyoengq daqcwnz.

²¹ Boux guenj laeuj mwnq doiqyungz ndaej guh gij hong gaxgonq, caem laeuj hawj goengjvuengz,

²² hoeng, boux guenj guh menqbauh mwnq dauqfanj ngaiz venj hwnj gwnz faex bae, caemh ngamqngamq luj letlet luj Yozswz gaxgonq cek naeuz gyoengqde ni hih yienghmwnq.

²³ Boux guenj laeuj mwnq ndaej doiqyungz guh gij hong gaxgonq boiz le, gaenhbaenj mbouj dawz haeuj rwz Yozswz gaxgonq youq ndaw lauz raengq de dih vah.