Lizsij dih Gaihcij 23 - Gij Baujcingq Moq Caeuq Geij Bonj Gij Baujcingq Daeuzdaeuz

Yaqbwzlahhanj cawx diegmoh

¹ Sajlah souh ndaej bak ngeihcaet bi,

² caemh dwg rai youq dieg Gyahnamz dih Gihlez-Yaqbah, couh dwg seizneix hih Hihbwzlwnz. Yaqbwzlahhanj youq mwnq daej mehyah de, daej haemz daej gik, soujlingz mehyah de.

³ Gajlaeng, Yaqbwzlahhanj daj henz guenjcaiz mehyah de ok bae, bae gouz gij vunz Hwz cuz bonjdeih mwnq hih gij vunz gangj vah couh baenz he, naeuz:

⁴ “Gou dwg doz youq dieg faenhsou hih vaihdieg vunz he. Gouz faenhsou hai gaiq dieg he hawj gou, hawj gou aeu ma guh diegmoh, hawj gou ndaej aeu ma moek mehyah gou.”

⁵ Yiengq, gij vunz Hwz cuz han de naeuz:

⁶ “Ox, beix hax, mwngz dwg boux vunz soenhgingq, vunz beiqfug he dih vunz! Mwngz raen mwnq diegmohlawz ndei, couh aeu ma moek mehyah mwngz bax. Raeuz dineix mij'z vunz naeuz mbouj hawj diegmoh hawj mwngz law.”

⁷ Yaqbwzlahhanj dingq gyoengqde yienghneix naeuz le, couh gvih roengzma sax gyoengqde,

⁸ doiq gyoengqde naeuz: “Hauhnaeuz faenhsou nyienh'eiq hawj gou youq dineix moek mehyah gou nex, gou couh cingj faenhsou bang gou bae naeuz Hijfuzlwnz, daeglwg Sojyaz,

⁹ cingj de dawz conghgamj youq Mwzbijlah mwnq hai hawj gou; conghgamj mwnq couh dwg youq raeuj reih de. Conghgamj de dij geijlwh ngaenz, couh hai hawj gou geijlwh ngaenz bax, hawj gou ndaej aeu ma guh diegmoh.”

¹⁰ Yaqbwzlahhanj doiq gyoengqde yienghneix naeuz hih mwhde, Hijfuzlwnz cingq naengh youq baksingz ndaw gyoengq vunz mwnq. De dingqri yienghneix le, couh youq dangqnaj vunzlai han Yaqbwzlahhanj naeuz:

¹¹ “Ox! Goengjau hax, mboujyungh hoi ngaenz law. Cingj mwngz dingq gou gangj; gyoengq vunz caemh youq dineix dingqri. Gou dawz gaiq reih caeuq conghgamj mwnq cungj soengq hawj mwngz, soengq hawj mwngz aeu ma moek mehyah mwngz.”

¹² Yaqbwzlahhanj dingq le, youhcaiq gvih roengzma sax gyoengq vunzlai,

¹³ caemh doiq Hijfuzlwnz naeuz: “Docih lo, docih lo, hoeng caemh cingj mwngz dingq gou naeuz. Gou ij cawx gij reih mwngz aeu lah; cingj mwngz sou gij ngaenz gou bax! Yiengq gou couh ndaej youq mwnq moek mehyah gou lo.”

¹⁴ Yiengq Hijfuzlwnz han de naeuz:

¹⁵ “Goengjau, gou caiq cingj mwngz dingq gou gangj. Gij reih mwnq cijmboujgoq ngamq dij saek gouj gaen hih ngaenz hwj mah. Di ngaenz neix, doiq raeuz song boux ma gangj, suenq guxmaz ngaenz nex? Mwngz caenhrox dawz boux vunzrai mwngz moek roengzbae sat lo!”

¹⁶ Yaqbwzlahhanj dingq le, caemh dungziq Hijfuzlwnz gangj hih yiengh gyaq neix, couh youq dangqnaj vunzlai aeu aen mwhde gij vunz dajhaicawx yungh hih caengh ma caengh gouj gaen naek hih ngaenz hawj Hijfuzlwnz.

¹⁷ Couh yienghneix, Hijfuzlwnz youq gaenh Manqliq dih gij reih Mwzbijlah daiqlienz conghgamj mwnq caeuq doenghheij faex seiqhenz de

¹⁸ cungj gvi hawj Yaqbwzlahhanj liux lo. Gij saeh neix couh dwg youq dangqnaj gyoengq Hwz cuz vunz youq baksingz mwnq dingh roengzma he.

¹⁹ Gajlaeng Yaqbwzlahhanj couh dawz mehyah de moek youq conghgamj mwnq.

²⁰ Couh yienghneix, gij reih caeuq conghgamj mwnq couh bienqbaenz Yaqbwzlahhanj dih diegmoh lo.