Gohlimzdoh It 5 - Gij Baujcingq Moq Caeuq Geij Bonj Gij Baujcingq Daeuzdaeuz

Gangj daengz youq gyauqveiq miz vunz famh coih

¹ Gou dingq naeuz faenhsou mwnq gingqyienz miz vunz caeuq daxmehlaeng de guhyoux. Cungj ya'mboujlw neix daiqlienz doenghheij aen seiqgyaiq neix hih vunz cungj mbouj miz cungj saeh neix hwx.

² Hoeng, faenhsou vanzlij daekeiq vaujvauq, dauq mij vih miz cungj saeh neix hwj simnyap, mij dawz boux guhyoux yalw neix boenq ok gyauqveiq bae.

³ Gou gannaeuz mij youq faenhsou mwnq, hoeng, aen sim gou cungj dwg youq faenhsou mwnq, caenh lujnaeuz youq mwnq cinhswq saemjbuenq boux guh gij saeh yalw mwnq lo.

⁴ Yiengq, daengz faenhsou doxcomz hih mwhde, aenvih gou caemhdangq caeuq faenhsou youq bang faenhsou, caeuq miz gij rengz bouxcawj raeuz Yehsuh Gihduz caeuq faenhsou youq, faenhsou couh ij hij gij mingzhiq Yehsuh bouxcawj raeuz ma

⁵ dawz cungj vunz neix gyau hawj Sajdanq fangzvuengz, hawj Sajdanq fangzvuengz nyoegnyamx aen ndangnoh de, hawj gij hoenzsaenz de ndaej youq Yehsuh bouxcawj raeuz dauq daeuj hih ngoenz mwnq ndaej gouq.

⁶ Faenhsou mwnq miz vunz guh gij saeh yalw hih lo, hoeng, faenhsou cungj lij gag haenh bonjfaenh; yienghneix dwg mbouj deng hih. Nanzdauh faenhsou mbouj rox dihdi yauqmuj he couh ndaej fat baenx haujlai mbamienh lo mah?

⁷ Faenhsou vaiqdi dawz boux mwnq boenq ok gyauqveiq bae; boux de couh dangq luj gij yauqmuj gaeuq he, wnggai gveng deuz, aenvih aen ciet Bienqgoqbae dih yiengzlwg, Gihduz, vih ij guh gij dajbwiz hwj gaenq ngaiz gaj lo. Yienghneix faenhsou couh baenx gyoengq cungj ndaej bienqbaenz mij gijmaz uekcueg yalw he youq gwnz ndang faenhsou lo; gizsaed faenhsou couh dwg luj ngauq mbamienh moq mij yauqmuj fat goq he.

⁸ Sojhij gyoengqraeuz wnggai yungh gij bingj moq mij fat goq mij miz doeg he ma goq aen ciet neix. Couh dwg naeuz ndaw sim gyoengqraeuz mbouj wnggai miz doegdoeg siebsieb, dauq ij miz saedsaeh sinq ndaej goq he cij ndaej.

⁹ Gaxgonq gou gaenq sij saenq naeuz sou ni goq, naeuz mbouj hawj faenhsou caeuq doengh boux ndaengndwet guh gij yalw he laizvangj lo.

¹⁰ Gou yienghneix naeuz mbouj dwg naeuz ceij lajmbwn sojmiz guh yalw ndaengndwet he, cixnaeuz damsim, coemx vunz aeu doxgaiq, caeuq baiq you he hih vunz law; hauhnaeuz dwg yienghneix nex, faenhsou gaejyungh lix youq aen seiqgyaiq neix lo.

¹¹ Hoeng, gou seizneix sij saenq hawj faenhsou dih iqswh dwg naeuz, hauhnaeuz miz vunz gag nginhnaeuz bonjfaenh de dwg haeuj gij vunz Gihduz he, hoeng, dauq dwg guh gij ndaengndwet yalw, damsim, baiq you, yug vunz, gw laeuj fiz, coemx vunz, luj doenghgij vunz neix, faenhsou mbouj ndaej caeuq gyoengqde miz laizvangj.

¹² Aenvih saemjbuenq doenghgij vunz mbouj haeuj Gihduz he mbouj dwg gou dih saeh. Hoeng, saemjbuenq gij vunz haeuj Gihduz he mbouj dwg faenhsou hih saeh mah?

¹³ Doenghgij vunz mbouj haeuj Gihduz he, Cangqdiq swhmboujyienz saemjbuenq gyoengqde, hoeng faenhsou nej, faenhsou wnggai gag daj ndaw faenhsou mwnq boenq boux doegsieb mwnq okbae.