Bijdwz Ngeih 1 - Gij Baujcingq Moq Caeuq Geij Bonj Gij Baujcingq Daeuzdaeuz

¹ Gou dwg Sihmaenz-Bijdwz, dwg bouxhoiq Yehsuh Gihduz, caemh dwg boux dwzbaijyienz de he. Gou sij saenq hawj faenhsou doenghheij caeuq gyoengqraeuz doxdoengz vih Cangqdiq raeuz, bouxcawj gouq vunz dih Yehsuh Gihduz, ndwn ndaej cingq hih hwj ndaej miz aen sim dijbauj sinq Gihduz hih hwj sij hih.

² Muengh faenhsou yied rox Cangqdiq caeuq bouxcawj raeuz Yehsuh, faenhsou couh yied ndaej daengz de doiq faenhsou haijliengh caeuq ndaej bingzan!

Cangqdiq nyok hawj raeuz soj yungh hih

³ Cangqdiq yungh gij akak rengzrengz de ma dawz gyoengqraeuz ij goq cungj saenghhoz hab'eiq habhoz de he soj yungh hih nyok hawj gyoengqraeuz lo. Gyoengqraeuz soj ndaej hih dwg vih gyoengqraeuz rox de, boux senj gyoengqraeuz daeuj hawj gyoengqraeuz ndaej miz faenh gij najrongh de caeuq ndaej yangjcouq gij haijliengh de dih Cangqdiq.

⁴ Aenvih de yienghneix veijdaq, haijliengh, sojhij de couh baujcingq nyok hawj gyoengqraeuz ceiq dijbauj ceiq veijdaq he, hawj gyoengqraeuz ndaej duet ok aen seiqgyaiq neix hih siengjmuengh yalw hawj vunz ngaiz satsoq he hwj hawj gyoengqraeuz ndaej miz faenh miz gij baenjsingq Cangqdiq.

⁵ Couh vih yienghneix hwj faenhsou ij engqgya lai roengzrengz; faenhsou mbouj danhcij ij miz aen sim sinq Gihduz he, caemh vanzlij ijaeu byimjdwz ndei; byimjdwz ndei, caemh vanzlij ijaeu miz ciqsiz cij ndaej;

⁶ miz ciqsiz lo, caemh ijaeu gag rox haed bonjfaenh cij ndaej; rox gag haed bonjfaenh lo, caemh ijaeu rox naenxsim cij ndaej; rox naenxsim lo, caemh ijaeu yawjnaek Cangqdiq cij ndaej;

⁷ yawjnaek Cangqdiq lo, caemh ij miz aen sim aiq beixnuengx he cij ndaej; miz aen sim aiq beixnuengx he lo, caemh ij rox aiq vunzlai cij ndaej.

⁸ Hauhnaeuz faenhsou miz doenghgij byimjdwz neix lo, caiq gyacangq mbouj dingz hih gyahgyangz roengzbae lo, yienghneix faenhsou rox bouxcawj raeuz Yehsuh Gihduz cij miz yungh, cij ndaej hawj faenhsou guh ndeisaeh.

⁹ Hoeng, hauhnaeuz faenhsou mbouj miz doenghgij byimjdwz neix nex, faenhsou couh dwg ginqciqyenj yawj mbouj ndaej gyae, couh dangq rafangz lo, yawj mbouj raen Yehsuh Gihduz vih faenhsou soj guh hih saeh lo, lumz gaxgonq bonjfaenh faenhsou dih coih gaenq ndaej duet lo.

¹⁰ Sojhij, gak boux beixnuengx hax, faenhsou wnggai engqgya lailai roengzrengz, guh daengz gwnz neix dih geij yiengh neix; yienghneix couh ndaej cingqmingz faenhsou saedsaeh dwg Cangqdiq soj dingh soj senj hih vunz lo. Hauhnaeuz faenhsou yienghneix guh, couh gaengjdingq yungjyenj mbouj ngaiz byaij loek lo.

¹¹ Mbouj danhcij yienghneix, faenhsou vanzlij ndaej miz gienz ndaej gaep haeuj aen guek bouxcawj gouq raeuz Yehsuh Gihduz mbouj rox cied he, caemh dwg ndaej daengz vuenhringz raixcaix he.

¹² Yiengq, gannaeuz faenhsou gaenq rox daengz gij saeh neix caeuq baujciz sinq gij saedsaeh Cangqdiq mbouj bienq sim he lo, hoeng, gou vanzlij dwg ij siengzseiz daezsingj faenhsou.

¹³ Gou naemj hax, gou vanzlij dwg cijaeu gou vanzlij lix youq ngoenz he, couh ij wnggai siengzseiz daezsingj faenhsou, hawj faenhsou ndaejgeiq,

¹⁴ aenvih bouxcawj raeuz Yehsuh Gihduz gaenq hawj gou rox cingsuj, mbouj geijlwh caez gou couh ij rai gvaqseiq lo.

¹⁵ Sojhij gou couh ij cwnqliengq roengzrengz hawj faenhsou daengz gou rai le vanzlij yungjyenj ndaejgeiq doenghgij saeh neix.

Cingqmingz Gihduz veijdaq

¹⁶ Gaxgonq gyoengqraeuz gangj naeuz sou ni bouxcawj raeuz Yehsuh Gihduz dih bonjsaeh caeuq de dauq daeuj hih saeh hih gaenhbaenj mbouj dwg gag cauh goqsaeh cej daixbauq, dauq dwg gyoengqraeuz caenra raen de dih veijdaq lah,

^17-18 aenvih mwh de dajlaeng Cangqdiq Bohmbwn mwnq ndaej daengz najrongh hih mwhde, [18]gyoengqraeuz caemh caeuq de youq aen bya Cangqdiq mwnq caenrwz dingqri [17b]miz gij sing daj gwnzmbwn rongh sagsag cenz okdaeuj he doiq de naeuz: “Boux neix dwg lwg gou. Gou gig aiq de; de hawj gou roxnginh hab'eiq habhoz he.”

¹⁹ Couh vih yienghneix hwj hawj gyoengqraeuz engqgya sinq boux cenz gij vah Cangqdiq gangj goq hih vah; sojhij faenhsou ij wnggai louzsim dingq gij vah gyoengqde, aenvih gij vah gyoengqde caenh luj aen daeng rongh youq ndaw laep he, itcig rongh daengz ranzrongh, daengz ndauhaet youq ndaw sim faenhsou ok daeuj hih mwhde.

²⁰ Hoeng, faenhsou ij wnggai sien rox ndaw Singqgingh ndaw de soj sij hih vah cungj mbouj dwg boux cenz gij vah Cangqdiq dih iqswh hih,

²¹ aenvih gij vah Cangqdiq hawj boux cenz gij vah de gangj okdaeuj hih coengzlaiz cungj mbouj dwg ciuq vunz dih cawjeiq ma gangj hih, dauq dwg Hoenzsaenz Cangqdiq hawj de angq hwj gangj okdaeuj hih lah.