Salmos 128 - New Testament Psalms and Proverbs in Mixtec Magdalena Peñasco

Salmo 128 Ja vava'a kúu ñayii yu'u Su'si ma te sa'a i sukan játna ini ya ma

¹ ¡Naka vii naka va'a ka kuu ñayii ka sa'a sukan kúni Su'si ma te ka ndikin i ichi maa ya ma te ñatuu na ja u'vi‑ka ka sa'a i, vaa ka yu'u i ya ja ndakan ndaa ya kuenda nuu i ma!

² Te ora satniñu ni ji'in nda'a ni ma, sana ní'i ni nawa jaa ni ma chi, ¡naka vava'a‑ka kuu ni, te va'a‑ni ko kuu ni!

³ Te ñasi'i ni ma, ko kuu ña sukan kúu tnu uva ma ja vivii kúun nde'ya tnu ma. Sukan ko kuu ña ve'e ni ma. Te sukan kúu tnu olivo ma, sukan jin ko kuu sa'ya ni ma, te jin ndakonduu i nuu ka nukoo ni ja ka jaa ni xita ma.

⁴ Ndaka ja vii ja va'a ya'a ni'i tee yu'u Su'si ma te sa'a de sukan tátnuni ya ma.

⁵ Te maa Su'si Iya Tátnuni ma, iya iyo onde ñuu Sion ma, na skuta'vi ña'a ndaka ja vii ja va'a ma te na kuni ni ndaka ja va'a ko kuu ñuu Jerusalén ma ndaka kivi koteku ni ma.

⁶ Na koteku kani ni, te na kuni ni sukan jin koo vii jin koo va'a sa'ya tata ni ma. Na koo kuee te kóo vii kóo va'a ñuu Israel a.