Salmos 124 - New Testament Psalms and Proverbs in Mixtec Magdalena Peñasco

Salmo 124 Sukan ndakuan‑ta'vi o nuu Su'si ma ja ni chindee ña'a ya te ni kaku o nuu ja u'vi ma

¹ Nute ñatuu ni iyo Su'si ma ji'in o ma ja chindee ña'a ya ma, ―sa'a jin ndaka'an ni ja ka kuu ni ñayii ñuu Israel ma―,

² vaa nute ñatuu ni iyo Su'si ma ji'in o nuu ni ka kenda koo ñayii ma ja jin kanaa i ji'in o ma,

³ chi vaa jin kaa téku ña'a i nkuu, vaa ni ka ndakiti xeen ini i nuu o ma.

⁴ Nute ni wa'a ya tnu'u chi kuenda tnu'u ja nuu ndute kua'a ma ka ñunee o nkuu, te ñu'u ña'a de.

⁵ Xi kuenda tnu'u ja jin kivi koo o nuu kínuu tna'a ndute ma, te jin sa'vi ndi'i o nkuu, nute ñatuu na Su'si ma ka iyo ji'in o ma.

⁶ Iya va'a xeen ini kúu Su'si o a. Vaa ñatuu ni wa'a ya tnu'u ja jin kayi'i ña'a ñayii ma.

⁷ Te ni ka kaku o, sukan ka kaku lasaa ma nuu nda'a tee ndúku ti ma, vaa ñatuu ni kuu sukan ka ñu'u ini i ma, te ni ka kaku o.

⁸ Vaa Su'si iya ni sa'a andivi ma ji'in ñu'ú ya kúu iya ni sa'a ja ni ka kaku o nuu ñayii ñatuu ka kunimani nuu o ma.