Yosua 12 - Wunta Mempori

Luwuno mokole anu tenangi

¹ Ndiomo luwuno mokole anu tenangi ia nto Isaraeli ka witado dompentorokio to Isaraeli i asatowano Yarade te'alaako i sabaano oleo, inso ia koro Aranoni hawe i torukuno Heremoni, ka luwuno Araba-Yarade i sabaano oleo:

² Onaemo i Sihoni mokoledo to Amori, anu mo'ia i Hesiboni anu meparenta ia wita inso i Aro'eri anu i wiwino koro Aranoni, ia tia oruano korono atuu, ka entongano Gileadi, hawe ia koro Yaboko, tida witado to Amoni,

³ ka iwawono Araba-Yarade hawe i sabaano oleo rano Kinero ka hawe i sabaano oleo Tahi Araba, onaemo Tahi Mate, ngkoraane Beti-Yesimo, ka ngkoraane i selata hawe i pu'uno korimbino Pisiga.

⁴ Umarino tuu mokole Ogo, mokole i Basani, asa mia inso ia toreano to Repaimi. Mokole andio mo'ia i Asitaro ka i Ederei,

⁵ ka meparenta i torukuno Heremoni, i Salika, ka luwuno Basani hawe i wita to Gesuri ka mia Maaka ka entongano wita Gilea hawe i witado Sihoni mokole Hesiboni.

⁶ I Musa tetenaa-Do i Ue atuu saru to Isaraeli donangi iramo, ka i Musa, tetenaa-Do i Ue atuu ipeweengakonomo wita atuu a nto Rube, to Gadi ka ia tongku Manase anu asantia atuu gagi tiado.

⁷ Ndiomo mokole anu ninangino i Yosua saru to Isaraeli i sumooano oleo Koro Yarade, inso i Ba'ala-Gadi i lembono torukuno Libano hawe ia torukuno Gundu anu morake lumako i Seiri, wita andio ipeweengakono i Yosua a nto Isaraeli gagi tiado, montonda petiaado,

⁸ ia mentorukuno, i Sepela, i Araba-Yarade, i Korimbino Torukuno, i Pada One ka i Wita Nege, i witado to Heti, to Amori, to Kana'a, to Perisi, to Hewi ka to Yebusi.

⁹ Ndiomo mokole atuudo: Mokole wita Yeriko, aasa; mokole i kota Ai i asambalino Beteli, aasa;

¹⁰ mokole wita Yerusale, aasa; mokole wita Heberoni, aasa;

¹¹ mokole wita Yaramu, aasa; mokole wita Lakisi, aasa;

¹² mokole wita Egelo, aasa; mokole wita Geseri, aasa;

¹³ mokole wita Debiri, aasa; mokole wita Gederi, aasa;

¹⁴ mokole wita Herema, aasa; mokole wita Aradi, aasa;

¹⁵ mokole wita Libina, aasa; mokole wita Adulami, aasa;

¹⁶ mokole wita Makeda, aasa; mokole wita Beteli, aasa;

¹⁷ mokole wita Tapua, aasa; mokole wita Heperi, aasa;

¹⁸ mokole wita Apeki, aasa; mokole wita Lasaro, aasa;

¹⁹ mokole wita Madoni, aasa; mokole wita Hasori, aasa;

²⁰ mokole wita Simiro Meroni, aasa; mokole wita Akasa, aasa;

²¹ mokole wita Ta'anaki, aasa; mokole wita Megido, aasa;

²² mokole wita Kedesi, aasa; mokole wita Yokonea, umpeda torukuno Karameli, aasa;

²³ mokole wita Dori, i wita pongku Dori, aasa; mokole wita Goimi i Galilea, aasa;

²⁴ mokole wita Tirisa, aasa. Gagi luwuno mokole atuu tolu pulu ka asa mia.