Yehesikieli 15 - Wunta Mempori

Yerusale, keu anggoro anu nahi mentudu 15:1-8

¹ Ka i'amba haweomo pau-Do i Ue ndi ongkue,

² ”Hei anano mia, hapake polaluano keuno anggoro inso a luwuno keu mesampa anu kongko i olono luwuno keu a ntobu?

³ Nde dome'alao miake keuno ka iwineweu te'asa rupa inso ndi onae ke weweuo pondoea inso ndi onae ndoeano mperupa-rupa parewa?

⁴ Mentee ntu'u, keu atuu pinetadiako a laro api ka itinunu. Orua tompano pingko ikaano api ka a ntongano melanga. Da mentuduke atuu ba iwineweu te'asa rupa?

⁵ Kitao, i tempono da moondo, onae nahi pinake maupo pombio, tamoako umariomo ikaano api ka mo'ai; Nde da moikoke ipinake a hapamo koa?

⁶ Onaemo pu'uno kanandiomo pau-Do Ue Ala: Kana keuno anggoro i olodo luwuno keu a ntobu, anu Kupetadiakono a laro api ka itinunu, kanatuumo Kuweweuo a mpalilino Yerusale.

⁷ Ongkue isa'a umewai ira. Maupo domentola inso a api, sine api ta kumaa ira. Komiu mento'orio nine Ongkuemo Ue, tempono Ku'ewai ira.

⁸ Aku mokogagio wita atuu boni-boni, hangano mpelelu nahi dompetenunu, kanandiomo pau-Do Ue Ala.”