Po'unde-unde 84 - Wunta Mempori

Tekewoi a mpo'ianga-Do Ue Ala 84:1-13

¹ Tiano petewawado anu mpenani. Montonda nanino Gititi. Penani po'unde-undeno inuleno i Kora.

² Tedoa kukekewoio po'ianga-Miu, oo Ueno luwuakoano!

³ Mokoko'undu aroaku hangano kumekewoi ira kintala-Do i Ue; sumanga ka koroiku kokora-kora mo'unde ndi Ondae Ue Ala anu tuwu.

⁴ Sekono manu-manu dena mohaweomo asa raha, ka manu-manu wowitu asa seno, naapado anano, umpeda a meda pontunua pesomba ndi Omiu, oo Ueno luwuakoano, oo Mokoleku ka Ue Alaku!

⁵ Me'ura iramo mia anu mpo'ia a raha-Miu, anu polio umunde-unde Komiu mpiha. Sela

⁶ Me'uraomo mia anu rosono i laro-Miu, anu montoo lumako mekoho!

⁷ Tewala melaloo Lembono Baka, domeweweuo gagi po'ianga anu memata uwoi; oo, usa pompu'uano tempo tumutuwiakono ronso.

⁸ Dompelempa kotehi-tehineno komoro-morosodo, ira mpe'aro ndi Ondae Ue Ala i Sioni.

⁹ Oo Ue, Ue Alano luwuakoano, Irongeomo pekakaiku, ta'oomo biri, oo Ue Alano i Yako. Sela

¹⁰ Ikitaomo kantamami, oo Ue Ala, Ikitaomo rupado mia anu inurapi-Miu!

¹¹ Hangano moikoopo asa oleo a kintala-Miu sekonopo asa nsowu oleo a mpo'ianga susua; moikoopo kongko i arono pewowano raha-Do Ue Alaku sekonopo mo'ia a ngkemado mia mosa'o gaudo.

¹² Hangano Ondae Ue Ala onaemo mata'oleo ka kanta; pe'aroa ka marambaa Dopeweengakono; nahi Do'ontoo moikoa a mia anu tuwu nahina tataano.

¹³ Oo Ue Alano luwuakoano, me'uraomo mia anu me'ala-ala Komiu!