Po'unde-unde 70 - Wunta Mempori

Pekakai mo'ema Ondae i Ue ronga montulungi

¹ Tiano petewawado anu mpenani, Inso ndi Daudi, i tempono mompesombaako pesomba pepopoto'oria.

² Oo Ue Ala, Ipotola akumo! Ue Irongamo tumulingi aku

³ Po'ineeomo domempinokoko'ii ka mpohawe pontata ondae anu mingki mebutao penaaku; po'ineeomo domposuka ka ikona ira mokoko'iia ondae anu inehedo ka kumasola;

⁴ po'ineeomo dompewolili hangano mokoko'ii anu mpotae, ”Losoko! Losoko!”

⁵ Po'ineeomo domemawongko ka mpo'unde hangano Omiu luwuno mia anu umungke Komiu; po'ineeomo ondae anu mpokekewoi tekaduduia inso ndi Omiu wela mpotae, ”Ondae Ue Ala langkai!”

⁶ Sine ongkue andio marasai ka mongkokolaro; oo Ue Ala, Ipontuturakomo aiwa! Omiumo anu tumulungi aku ka motola aku; oo Ue, Iliumo hawe!