Po'unde-unde 67 - Wunta Mempori

Po'oluako mo'unde-unde a poronso-Do i Ue

¹ Tiano petewawado anu mpenani. Saru pemaeno katapi. Penani po'unde-unde. Penani.

² Po'ineeomo Dopehohawa kita Ue Ala ka rumonso kita, po'ineeomo Dopansariakita rupa-Do, Sela

³ kai tino'ori i tolino pesalaa-Miu, ka pongkadudui-Miu i olodo luwuno tongku.

⁴ Po'ineeomo luwuno tongku mpo'unde-unde ndi Omiu, oo Ue Ala; po'ineeomo luwuno tongku mpo'unde-unde ndi Omiu.

⁵ Po'ineeomo domemawongko suku tongku ka mengkokora-kora mpo'unde, hangano moleo Iparentao luwuno tongku, ka tumaate ira suku tongku i tolino. Sela

⁶ Po'ineeomo dome'unde-unde Komiu tongku, oo Ue Ala, po'ineeomo dome'unde-unde Komiu luwuno tongku.

⁷ Wita mompowee hasilino; Ondae Ue Ala, Ue Alato rumonso kita.

⁸ Po'ineeomo Ondae Ue Ala rumonso kita mpiha; kai luwuno tompano tolino doito ndi Omiu!