Po'unde-unde 58 - Wunta Mempori

Te'aro a mia langkai potorono anu lambaha 58:1-12

¹ Tiano petewawado anu mpenani. Montonda nanino Si Poropu. Mikitami inso ndi Daudi.

² Mentee ntu'uke omiu mpoputusi anu moleo' hei luwuno anu pabawa? Saru moleoake imebitara ira anano mia?

³ Tendeano mpoweweu komiu mosa'o i laro aroamiu, kaemiu mompatinda sala mpoweweu pompokonsiia i tolino.

⁴ Mompu'u domehina mia mosa'o gaudo mepansia iramo, mompu'u inso a mpe'anakaa puu mpegaupi ntesaa iramo.

⁵ Ipodo mengkena kana ipono ule, ondae kana ule mo'ito mobongo anu umonsoo birino,

⁶ ranta nahi rongeo suarano puu mpesumpa ke suarano puu mpobasa tino'ori anu pande.

⁷ Oo Ue Ala, Ipurooako iramo ngisido a laro ngangado, puduako iramo luwuno ngisido singa mongura, oo Ue!

⁸ Po'ineeomo dontetadi kana uwoi anu waa tampula! Po'ineeomo domegagi moleu kana ewo a nsala!

⁹ Po'ineeomo domengkana uho anu gagi meraa, kana anadalo anu te'onini anu nahi kitao mata'oleo.

¹⁰ Se'eluno luwuno kuro mpompembasai apino ewo rui, ba molowulu ke mokari, po'ineeomo i'alu ira.

¹¹ Mia mentee ta mo'unde, hangano onae kumitao pombaloa, onae ta wo'ohio karuno a laro reano mia mosa'o gauno.

¹² Ka mia ira mpotae, ”Menteeano hinao tambono mia mentee, menteeano hinao Ue Ala anu mompowee moleoa i tolino.”