Po'unde-unde 23 - Wunta Mempori

Ondae i Ue , puu mpopakambiku anu moiko 23:1-6

¹ Penani po'unde-undeno i Daudi. Ondaemo i Ue puu mpopakambiku, nahi ta hina makuraku.

² Ondae mombole aku a mpada anu ewono molowulu. Dotaate aku a uwoi anu maante;

³ Ondae mokorosoo sumangaku. Ondae tumaate aku a mpesalaa anu mentee a nee-Do.

⁴ Maupo kupelempa a lembono wongi-wongia, nahina dinoitoakoku, hangano Omiu kumongkomi aku; tarasulu-Miu ka tuko-Miu, onaemo anu mokoroso aku.

⁵ Omiu mompatindaakune kaanga, i arodo iwaliku; Omiu umurapiakono lana uluku; pialaku buke lulua.

⁶ Moikoa ka pompehohawa mpena ta tumondari aku, asa ntinuwuku; ka aku mo'ia a laro raha-Do i Ue asa ntinuwu.