1 Tawarika 7 - Wunta Mempori

Suku susuano

¹ Luwuno anano i Isakari, onaemo i Tola, i Pua, i Yasuba ka i Simironi; porokono opaa mia.

² Inuleno i Tola, onaemo i Usi, i Repaya, i Yerieli, i Yahimai, i Yibisami ka i Samueli, luwuno petewawado pepe'etuano i Tola, luwuno sorodadu anu moroso ntu'u. Montonda buriano uleado, porokodo tempono i Daudi rua pulu ka orua nsowu ka nomo etu mia.

³ Inuleno i Usi, onaemo i Yisirahaia ka luwuno anano i Yisirahaia, onaemo i Mikaeli, i Obaja, i Yo'eli ka i Yisia; olima ira onaemo luwuno petewawa.

⁴ Hinao mbo'u, montonda buriano inuledo anu mpepe'etu, tolu pulu ka onoo nsowu mia luwuno sorodadu, hangano kombiado ka luwuno anado mehadio ira.

⁵ Luwuno pepaekompodo inso a luwuno suku Isakari, onaemo luwuno sorodadu anu moroso ntu'u. Luwuno halu pulu ka opitu nsowu mia anu teburi a laro mpotudano tumuwu.

⁶ Luwuno anano i Benami, onaemo i Bela, i Bekeri ka i Yediaeli, porokono otolu mia.

⁷ Inuleno i Bela, onaemo i Eseboni, i Usi, i Usieli, i Yerimoti ka i Iri, porokono olima mia. Ondae onaemo luwuno petewawado anu mpepe'etu, luwuno sorodadu anu moroso ntu'u. Ondae anu teburi a laro mpotudano tumuwu, rua pulu ka orua nsowu ka tolu pulu ka opaa mia.

⁸ Luwuno anano i Bekeri, onaemo i Semira, i Yoasi, i Elieseri, i Elio'enai, i Omiri, i Yeremoti, i Abia, i Anatoti ka i Alemeti. Luwuno atuu anano i Bekeri,

⁹ ka anu teburi a laro mpotudano tumuwu a inuledo, gagi luwuno petewawa a mpepe'etuado, luwuno sorodadu anu moroso ka mosia, porokono rua pulu nsowu ka rua etu mia.

¹⁰ Inuleno i Yediaeli, onaemo i Bilihani ka luwuno anano i Bilihani, onaemo i Yeusi, i Benami, i Ehudi, i Kena'ana, i Setani, i Tarisisi ka i Ahisahari.

¹¹ Luwuno atuu, onaemo inuleno i Yediaeli, luwuno petewawado anu mpepe'etu, luwuno sorodadu anu moroso ka mosia; luwuno mia anu mpepatinda ira mpetea, hinao hopulu ka opitu nsowu ka rua etu.

¹² I Supimi ka i Hupimi, onaemo inuleno i Iri; I Husimi, onaemo inuleno i Aheri.

¹³ Luwuno anano i Napatali, onaemo i Yahasieli, i Guni, i Yeseri ka i Salumi, luwuno ana'ueno i Biliha.

¹⁴ Inuleno i Manase, onaemo i Asirieli anu pine'anaakono kombia mongurano, beine to Arami. Onae me'anaakono i Makiri, amano i Gileadi.

¹⁵ I Makiri mo'alaako ira kombiado i Supimi ka i Husimi. Neeno pepaekompodo beine, onaemo i Ma'aka. Neeno anano anu ko'orua, onaemo i Selapehadi. I Selapehadi butu beine luwu anano.

¹⁶ Sine i Ma'aka, kombiano i Makiri me'anaako asa ana ntama ka ineeakono i Peresi. Neeno pepaekompono tama, onaemo i Seresi ka luwuno anano i Seresi, onaemo i Ulami ka i Rekemi.

¹⁷ Inuleno i Ulami, onaemo i Bedani. Onaemo atuu inuleno i Gileadi anano i Makiri anano i Manase.

¹⁸ Pepaekompono beine, i Moleketi me'anaakono i Isohodi, i Abieseri ka i Mahala.

¹⁹ Luwuno anano i Semida, onaemo i Ahiani, i Sekemi, i Likihi ka i Aniami.

²⁰ Inuleno i Eparai onaemo i Sutelahi ka anano i Sutelahi onaemo i Bereti, ana'ueno i Tahati ka ana'ue ntukono i Elada, ka i'amba i Tahati,

²¹ i Sabadi, i Sutelahi, i Eseri ka i Elada anu pinepatedo to Gati anu hina i wita atuu, hangano ondae melako merontuo pinotuwudo mia atuudo.

²² I Eperai, amado mompemasusa ba'opia oleo, ranta luwuno pepaekompono aiwa mentareroo.

²³ Umarino atuu, ipewowaliakono kombiano, ka i'amba beine atuu mentia ka me'anaako asa ana ntama. Ineeakono i Beria, hangano somborino i'aluomo masolaa.

²⁴ Anano beine, onaemo i Seera anu wanguo Beti-Horoni-Hiliri ka Beti-Horoni-Hulu saru Useni-Seera.

²⁵ Ana ntamano i Beria, onaemo i Repahi, ka i'amba i Resepi. Anano i Resepi, onaemo i Telahi, ana'ueno i Tahani,

²⁶ ana'ue ntukono i Ladani, ka i'amba luwuno inule: i Amihudi, i Elisama,

²⁷ i Nuni ka i Yosua.

²⁸ Wita tiado ka po'iangado, onaemo Beteli saru luwuno kota kodeino, Naarani i sabaano oleo, Geseri saru luwuno kota kodeino i sumooano oleo, Sikemi saru luwuno kota kodeino hawe i Aya saru luwuno kota kodeino;

²⁹ ka a ntida witado inuleno i Manase tewinso Beti-Seani saru luwuno kota kodeino, Taanaki saru luwuno kota kodeino, Megido saru luwuno kota kodeino, Dori saru luwuno kota kodeino. A luwuno po'ianga atuu dompo'ia inuleno i Yusupu, anano i Isaraeli.

³⁰ Luwuno anano i Asere, onaemo i Yimina, i Yisiwa, i Yisiwi ka i Beria; i Sera onaemo pepaekompodo beine.

³¹ Luwuno anano i Beria, onaemo i Heberi ka i Malakieli; onaemo amano i Birasaiti.

³² I Heberi hinao anano i Yapeleti, i Someri ka i Hotami, saru i Sua, pepaekompodo beine.

³³ Luwuno anano i Yapeleti, onaemo i Pasaki, i Bimihali ka i Asawati. Onaemo atuu luwuno anano i Yapeleti.

³⁴ Luwuno anano i Semeri, onaemo i Ahi, i Rohiga, i Yehuba ka i Arami.

³⁵ Luwuno anano i Helemi, pepaekompono tama, onaemo i Sopahi, i Yimani, i Selesi ka i Amali.

³⁶ Luwuno anano i Sopahi, onaemo i Suahi, i Harineperi, i Siuali, i Beri ka i Yimira,

³⁷ i Beseri, i Hodi, i Sama, i Silisa, i Yitarani ka i Beera.

³⁸ Luwuno anano i Yeteri, onaemo i Yepone, i Pisipa ka i Ara.

³⁹ Luwuno anano i Ula, onaemo i Arahi, i Hanieli ka i Risia.

⁴⁰ Onaemo atuu luwuno inuleno i Asieri, luwuno petewawa a mpepe'etuado, luwuno mia tebiniki, sorodadu memoroso ka mosia, luwuno petewawa langkai. Porokono anu teburi a laro mpotudano tumuwudo gagi puu mpetea, onaemo rua pulu ka onoo nsowu mia.