1Rus 8 - Hdi

Zivira Biŋyamiŋ ma Ursalima

¹ Biŋyamiŋ ta yatá Belagh zumala ni, Asbel mahisa ni, Ahrah mahkəna ni.

² Nuha mafwaɗa ni, Rafaʼ mahutaf ni.

³ Ka yayatá Belagh ta zwani: I Adar, nda Geraʼ, nda Avihut,

⁴ nda Avisuwagh, nda Naghamaŋ, nda Ahuwah,

⁵ nda Geraʼ, nda Səfufaŋ, nda Huram.

⁶ Wya zwana Ihut, mala ga həga mataba la Gevagh, ka mblaghatá lu ta həŋ da Manahat. Wya hga taŋ:

⁷ I Naghamaŋ, nda Ahiya, nda Geraʼ həŋ. Tsa mndu ta mblaghatá həŋ ya, ka yayatá tsi ta i Ghuza nda Ahihut.

⁸ Tahula ghazliŋta Saharayim ta miʼa ni, i Husim nda Bagharaʼ, ka yayatá tsi ta zwani ta haɗika Muwav.

⁹ Ka yayanatá markwa taŋ Hudes ta: I Yuvav, nda Tsivyaʼ, nda Mesaʼ, nda Malkam,

¹⁰ nda Yəghuts, nda Sahya, nda Mirma. Tsaha ya zwana ni ka mala ga həgaha.

¹¹ Yayana yaya markwa taŋ Husim guli ta i Avituv nda Ilpaghal.

¹² Zwana Ilpaghal na: I Ghever, nda Misgham, nda Semet həŋ. Semet ta baftá Unu, nda Lut, nda luwaha ta wanafta.

¹³ I Bərigha nda Sema na mala ga həgaha ga la Ayaluŋ. Hahəŋ ta ŋawaftá la Gat.

¹⁴ Zwana Bərigha na: I Ahyu, nda Sasak, nda Yəremut,

¹⁵ nda Zəvadiya, nda Gharat, nda Gheder,

¹⁶ nda Mikaʼel, nda i Yispa, nda Yuhaʼ həŋ. Tsaha ya zwana Bərigha.

^17-18 Zwana Ilpaghal na: I Zəvadiya, nda Məsulam, nda Hizki, nda Hever, nda Yisməray, nda Yizliʼa, nda Yuvav həŋ.

^19-21 Zwana Simghi na: I Yakim, nda Zihri, nda Zavdi, nda Ilighenay, nda Tsiltay, nda Iliʼel, nda Ghadaya, nda Bəraʼya, nda Simrat həŋ.

^22-25 Zwana Sasak na: I Yispaŋ, nda Ghever, nda Iliʼel, nda Ghavduŋ, nda Zihri, nda Hanaŋ, nda Hananiya, nda Ghelam, nda Ghaŋtutiya, nda Yifdəyah, nda Pənuʼel həŋ.

^26-27 Zwana Yəruham na: I Samsəray, nda Səharyah, nda Ghataliya, nda Yagharesyah, nda Iliya, nda Zihri həŋ.

²⁸ Inda tsaha həŋ ya mala ga həgaha ma zivira taŋ. Ta nzakw ma Ursalima həŋ.

²⁹ Ma tsa vli ya si ta nzakwa mndu ta thaftá Givghuŋ. Maghaha hga markwa taŋ.

³⁰ Ghavduŋ hga zumala ni, ka fiŋtá Tsur, nda Kis, nda Baghal, nda Nadav,

³¹ nda Gədur, nda Ahyu, nda Zeher,

³² nda Miklut ta yatá Simʼa ya. Ka nzatá hahəŋ guli ndusa nda zwana ma taŋ ma Ursalima.

³³ Ner ta yatá Kis, Kis ta yatá Sawulu, Sawulu ta yayatá i Yunataŋ, nda Malkiʼsuwa, nda Avinadav, nda Isbaghal.

³⁴ Mərivʼbaghal, zwaŋa Yunataŋ. Mərivʼbaghal ta yatá Mika.

³⁵ Zwana Mika na: I Pituŋ, nda Melek, nda Taʼreyagh, nda Ahaz.

³⁶ Ahaz ta yatá Yəhughada, Yəhughada ta yayatá i Ghalemet, nda Ghazmavet, nda Zimri. Zimri ta yatá Mutsaʼ.

³⁷ Mutsaʼ ta yatá Biŋghaʼ, Biŋghaʼ ta yatá Rafa, Rafa ta yatá Ilghasa, Ilghasa ta yatá Atsel.

³⁸ Ka yayatá Atsel ta zwani mkuʼ, wya hga taŋ: I Ghazrikam, nda Buhru, nda Yismaghel, nda Səghariya, nda Ghuvadiya, nda Hanaŋ həŋ. Tsaha ya demdem zwana Atsel.

³⁹ Zwana zwaŋa ma ni Ghesek ná, wya həŋ: Ulam zumala ni, Yəghus mahisa ni, Ilifelet mahkəna ni.

⁴⁰ Ka nzakw zwana Ulam ka gwal viɗviɗ ma vulu, nda sna həŋ ta ha hava. Ka yayatá həŋ ta ndəghata zwani, nda zighiha, dərmək nda hutaf mbsak (150). Inda tsaha ya ná, zivira Biŋyamiŋ həŋ.