1Rus 6 - Hdi

Sanlaha ma zivira Levi

¹ Zwana Levi na: I Gersum, nda Kehat, nda Mərari həŋ.

² Wya hga zwana Gersum: I Livni nda Simghi həŋ.

³ Zwana Kehat na: I Ghamram, nda Yitshar, nda Hevruŋ, nda Ghuziʼel həŋ.

⁴ Zwana Mərari na: I Mahli nda Musi həŋ. Tsaha ya la Levi ta uʼa taŋ, manda ya ta dzidzíha taŋ.

⁵ Wya zivira la Gersum ta sabi ma dzidza taŋ: Tsaya i Livni, nda Yahat, nda Zima,

⁶ nda Yuʼah, nda Ghidu, nda Zerah, nda Yəʼutray.

⁷ Zwana Kehat na: I Ghaminadav, nda Kurah, nda Asir,

⁸ nda Ilkana, nda Ivyasaf, nda Asir,

⁹ nda Tahat, nda Uriʼel, nda Ghuziya, nda Sawulu həŋ.

¹⁰ Zwana Ilkana na: I Ghamasay, nda Ahimut,

¹¹ nda Ilkana, nda Tsufay, nda Nahat,

¹² nda Iliʼav, nda Yəruham, nda Ilkana, nda Samuyel həŋ.

¹³ Zwana Samuyel na: Yuʼel zumali, mahisa ni Aviya.

¹⁴ Zwana Mərari na: I Mahli, nda Livni, nda Simghi, nda Ghuza,

¹⁵ nda Simghaʼ, nda Hagiya, nda Ghasaya həŋ.

Gwal fa laha ma həga Yawe

¹⁶ Wya gwal pgha Dawuda ŋa nzakway ka mali ta ghəŋa gwal fa laha ma həga Yawe, manda famta ta akwata dzratá wi.

¹⁷ Ka nzakw həŋ ka gwal fa laha, ta kəma həga tumpul, tumpula guyaku, ha ka lagha ta fitika bafta Salumuŋ ta həga Yawe ma Ursalima, ka hɗamtá həŋ ta slna taŋ taɓta skwi mnaf lu ŋa magay.

¹⁸ Wya tsa gwal ta hɗamtá tsa slna ya, nda zwana taŋ. Mataba zwana la Kehat na: I Hemaŋ mnda fa laha, zwaŋa Yuʼel, zwaŋa Samuyel,

¹⁹ zwaŋa Ilkana, zwaŋa Yəruham, zwaŋa Iliʼel, zwaŋa Tuwah,

²⁰ zwaŋa Tsuf, zwaŋa Ilkana, zwaŋa Mahat, zwaŋa Ghamasay,

²¹ zwaŋa Ilkana, zwaŋa Yuʼel, zwaŋa Ghazariya, zwaŋa Səfanya,

²² zwaŋa Tahat, zwaŋa Asir, zwaŋa Ivyasaf, zwaŋa Kurah,

²³ zwaŋa Yitshar, zwaŋa Kehat, zwaŋa Levi, zwaŋa Israʼila.

²⁴ Asaf tekw mataba mndəra taŋ ta sladata nda ga zeghwa Hemaŋ: Tsa Asaf ya zwaŋa Berekyahu, zwaŋa Simghaʼ,

²⁵ zwaŋa Mikaʼel, zwaŋa Baghaseyah, zwaŋa Malkiya,

²⁶ zwaŋa Itni, zwaŋa Zerah, zwaŋa Ghadaya,

²⁷ zwaŋa Itaŋ, zwaŋa Zima, zwaŋa Simghi,

²⁸ zwaŋa Yahat, zwaŋa Gersum, zwaŋa Levi.

²⁹ Nda ga zlaɓa taŋ ná, mamu zwana ma taŋ, zwana Mərari: Itaŋ zwaŋa Kisi, zigha Ghavdi, zivira Maluh,

³⁰ zwaŋa Hasavya, zwaŋa Amatsiya, zwaŋa Hilkiya,

³¹ zwaŋa Amtsi, zwaŋa Bani, zwaŋa Semer,

³² zwaŋa Mahli, zwaŋa Musi, zwaŋa Mərari, zwaŋa Levi.

³³ Maga inda sanlaha ma slna ma həga tumpul, həga Lazglafta ŋa zwanama taŋ, la Levi.

³⁴ Ama i Haruna nda zwana ni ta hɗamtá inda slnaha ta nghanatá vli ta ghuɓuta, ka vla skwa pla ghəŋ ta gwir ŋa dray tsuh tsuh, nda urdiha ŋa dray nda dra ta gwir, ŋa slərɓa zughu ŋa la Israʼila, manda va inda skwi ya mnaf Musa, kwalva Lazglafta.

³⁵ Wya zivira Haruna: I Ilghazar, nda Pinhas, nda Avisuwagh,

³⁶ nda Buki, nda Ghuzi, nda Zərahya,

³⁷ nda Mərayut, nda Amarya, nda Ahituv,

³⁸ nda Tsaduk, nda Ahimaghats həŋ.

Luwaha vlaŋ lu ta la Levi

³⁹ Wya vla nzakwa zivira Haruna nda ghuɓa taŋ nda ghuɓa taŋ, ta kwakwara taŋ ta kwakwara taŋ. Zwana Haruna ta uʼa la Kehat ya, hahəŋ taŋtaŋa gwal vlaŋ lu ta mayaka taŋ, nda ma vzaftá vindima.

⁴⁰ Ka vlaŋtá lu ta həŋ ta Hevruŋ ma haɗika la Yuda, nda vliha ngha rini ta wanafta.

⁴¹ Ama vwahha tsa luwa ya nda zwana luwaha ni, ka vlaŋtá lu ta Kalep, zwaŋa Yəfune.

⁴² Ka vlaŋtá lu ta zivira Haruna ta luwaha hwaya mataray: Tsaya Hevruŋ, nda Livna, nda vliha ŋa ngha rina ni, nda Yatir, nda Istemuwa, nda vliha ŋa ngha rina ni,

⁴³ nda Hileŋ, nda vliha ŋa ngha rina ni, nda Dəvir, nda vliha ŋa ngha rina ni,

⁴⁴ nda Ghasaŋ, nda vliha ŋa ngha rina ni, nda Betʼsemes, nda vliha ŋa ngha rina ni.

⁴⁵ Ta kwakwara mndəra la Biŋyamiŋ: Gevagh, nda vla ngha rina ni, nda Ghalemet, nda vla ngha rina ni, nda Ghanatut, nda vla ngha rina ni. Gwagwata luwaha taŋ na: Luwaha ghwaŋpəɗ hkən ŋa taŋ ta uʼa taŋ.

⁴⁶ Pɗakwa zwana Kehat ná, mutsaf mutsa həŋ nda ma vzaftá vindima ta luwaha ghwaŋ ma kwakwara rita mndəra la Mənase ta uʼa taŋ ta uʼa taŋ.

⁴⁷ Mndəra la Gersum, ta uʼa taŋ ta uʼa taŋ ná, mutsaf mutsa həŋ ta luwaha ghwaŋpəɗ hkən ta kwakwara mndəra la Yisakar, nda mndəra la Aser, nda mndəra la Naftali, nda mndəra la Mənase ta nzata ma Basaŋ ya.

⁴⁸ Mutsaf mutsa zwana Mərari ta uʼa taŋ ta uʼa taŋ, nda ma vzaftá vindima ta luwaha ghwaŋpəɗ his, ta kwakwara mndəra la Rubeŋ, nda mndəra la Gat, nda mndəra Zəvuluŋ.

⁴⁹ Ka vlaŋtá la Israʼila ta tsa luwaha ya, nda vla ngha rina taŋ ta la Levi.

⁵⁰ Ka vlaŋtá həŋ nda ma vzaftá vindima ta tsa luwaha tsaf lu ta hga taŋ tida ta nzakway ta kwakwara mndəra la Yuda, nda ŋa la Simghuŋ, nda ŋa la Biŋyamiŋ ya.

⁵¹ Ka mutsaftá sanlaha ma la Kehat ta uʼa taŋ ta uʼa taŋ ta luwaha ta kwakwara mndəra la Ifrayim.

⁵² Ka vlaŋtá lu ta həŋ ta luwaha ŋa hwaya mataray: Ta Səkem, nda vliha ngha rina ni ma kwakwar ta ghwá Ifrayim, nda Gezer, nda vliha ŋa ngha rina ni,

⁵³ nda Yukməgham, nda vliha ŋa ngha rina ni, nda Betʼhuruŋ, nda vliha ŋa ngha rina ni,

⁵⁴ nda Ayaluŋ, nda vliha ŋa ngha rina ni, nda Gatʼrimuŋ, nda vliha ŋa ngha rina ni.

⁵⁵ Ma kwakwara rita mndəra la Mənase: Ghaner, nda vliha ŋa ngha rina ni, nda Bilgham, nda vliha ŋa ngha rina ni. Inda tsaha ya ná, ŋa sanlaha ma la Kehat ta uʼa taŋ həŋ.

⁵⁶ Ka vlaŋtá lu ta la Gersum ma kwakwara rita mndəra la Mənase: Ta Gulaŋ ma Basaŋ, nda vliha ŋa ngha rina ni, nda Ghastarut, nda vliha ŋa ngha rina ni.

⁵⁷ Ma kwakwara mndəra la Yisakar: Ta Kedes, nda vliha ŋa ngha rina ni, nda Davrat, nda vliha ŋa ngha rina ni,

⁵⁸ nda Ramut, nda vliha ŋa ngha rina ni, nda Ghanem, nda vliha ŋa ngha rina ni.

⁵⁹ Ma kwakwara mndəra la Aser: Ta Masal, nda vliha ŋa ngha rina ni, nda Ghavduŋ, nda vliha ŋa ngha rina ni,

⁶⁰ nda Hukuk, nda vliha ŋa ngha rina ni, nda Rəhuv, nda vliha ŋa ngha rina ni.

⁶¹ Ma kwakwara mndəra la Naftali: Ta Kedes ma Galili, nda vliha ŋa ngha rina ni, nda Hamuŋ, nda vliha ŋa ngha rina ni, nda Kiriyatayim, nda vliha ŋa ngha rina ni.

⁶² Ka vlaŋtá lu ta pɗakwa sanlaha ma la Mərari ma kwakwara mndəra la Zəvuluŋ: Ta Rimunu, nda vliha ŋa ngha rina ni, nda Tavur, nda vliha ŋa ngha rina ni,

⁶³ nda ta ɓla Yardeŋ, ndusa nda Yeriku, nda təv safa fitik ma Yardeŋ ma kwakwara mndəra la Rubeŋ: Ta Betser ma mtak, nda vliha ŋa ngha rina ni, nda Yahtsa, nda vliha ŋa ngha rina ni,

⁶⁴ nda Kedemut, nda vliha ŋa ngha rina ni, nda Mefaghat nda vliha ŋa ngha rina ni.

⁶⁵ Ma kwakwara mndəra la Gat: Ta Ramut ma Gilghat, nda vliha ŋa ngha rina ni, nda Mahanayim, nda vliha ŋa ngha rina ni,

⁶⁶ nda Hesbuŋ, nda vliha ŋa ngha rina ni, nda Yaghzer, nda vliha ŋa ngha rina ni.