1Rus 25 - Hdi

Bakuha gwal fa laha

¹ Ka zabaptá i Dawuda nda maliha gwal vulu ŋa maga slna ta sanlaha ma la Asaf, nda la Hemaŋ nda ya nda la Yədutuŋ. Ka klə həŋ ta lwa Lazglafta ka dzaʼa nda dza kəzliŋkəzliŋ, nda htimbil, nda ndeŋndeŋ. Wya mbsaka mnduha ta maga tsa slna ya:

² Mataba la Asaf: Tsaha ya i Zakur, nda Yusufu, nda Nətaŋya, nda Asarʼela. Zwana Asaf ná, Asaf ta pgha həŋ, ta kla lwa Lazglafta manda ya ta mnafta mgham.

³ Mataba la Yədutuŋ na: I Gədalyahu, nda Tsəri, nda Yəsaghyahu, nda Simeʼi, nda Hasavya, nda Matitiya. Mkuʼ həŋ, mista da taŋ Yədutuŋ ta kla lwa Lazglafta ka dzaʼa nda dza kəzliŋkəzliŋ nda rfu nda zləzləva Yawe.

⁴ Mataba la Hemaŋ: Zwana Hemaŋ na: I Bukiyahu, nda Mataniya, nda Ghuziʼel, nda Səvuʼel, nda Yəremut, nda Hananiya, nda Hanani, nda Iliʼata, nda Gidalti, nda Rumamtiʼghezer, nda Yusbəkasa, nda Maluti, nda Hutir, nda Mahaziʼut həŋ.

⁵ Inda tsaha ya ná, zwana Hemaŋ, slayaŋa mgham ta ghəŋa skwi ta nghanatá Lazglafta ŋa kapa mbrakwa ni həŋ. Ka vlaŋtá Lazglafta ta Hemaŋ ta zwana zgwana ghwaŋpəɗ fwaɗ nda kuʼaha hkən.

⁶ Inda taŋ ná, da taŋ ta pgha həŋ, ŋa falaha ma həga Yawe, ka dzaʼa nda dza ndeŋndeŋ, nda htimbil, nda kəzliŋkəzliŋ, ŋa maga slna ma həga Lazglafta. I Asaf, nda Yədutuŋ, nda Hemaŋ ná, mgham ta pgha həŋ.

⁷ His dərmək nda tghas mbsak tghas mida (288) gwagwata mbsaka taŋ nda zwana ma taŋ ka midala ta fa laha, nda inda huzla skalu ŋa Yawe.

⁸ Ka vzaftá həŋ ta vindima ŋa dagaptá slna, nda zwani tani nda galata mnduha tani, nda mitir nda gwal ta tagha skwi.

⁹ Taŋtaŋa vindima ka ŋa Asaf na: Ka dɗaftá tsi ta Yusufu, nda zwana ma ni, nda zwana ni. Ghwaŋpəɗ his həŋ. Mahisa ni, ka dɗaftá tsi ta Gədalyahu, tsatsi, nda zwana ma ni, nda zwana ni. Ghwaŋpəɗ his həŋ.

¹⁰ Mahkəna ni, ka dɗaftá tsi ta Zakur, nda zwana ni, nda zwana ma ni. Ghwaŋpəɗ his həŋ.

¹¹ Mafwaɗa ni, ka dɗaftá tsi ta Yitsri, nda zwana ni, nda zwana ma ni. Ghwaŋpəɗ his həŋ.

¹² Mahutafa ni, ka dɗaftá tsi ta Nətaŋya, nda zwana ni, nda zwana ma ni. Ghwaŋpəɗ his həŋ.

¹³ Mamkuʼa ni, ka dɗaftá tsi ta Bukiyahu, nda zwana ni, nda zwana ma ni. Ghwaŋpəɗ his həŋ.

¹⁴ Mandəfáŋa ni, ka dɗaftá tsi ta Yəsarʼela, nda zwana ni, nda zwana ma ni. Ghwaŋpəɗ his həŋ.

¹⁵ Matghasa ni, ka dɗaftá tsi ta Yəsaghyahu, nda zwana ni, nda zwana ma ni. Ghwaŋpəɗ his həŋ.

¹⁶ Matəmbaya ni, ka dɗaftá tsi ta Mataniya, nda zwana ni, nda zwana ma ni. Ghwaŋpəɗ his həŋ.

¹⁷ Maghwaŋa ni, ka dɗaftá tsi ta Simghi, nda zwana ni, nda zwana ma ni. Ghwaŋpəɗ his həŋ.

¹⁸ Maghwaŋpəɗ ndeŋa ni, ka dɗaftá tsi ta Ghazarʼel, nda zwana ni, nda zwana ma ni. Ghwaŋpəɗ his həŋ.

¹⁹ Maghwaŋpəɗ hisa ni, ka dɗaftá tsi ta Hasavya, nda zwana ni, nda zwana ma ni. Ghwaŋpəɗ his həŋ.

²⁰ Maghwaŋpəɗ hkəna ni, ka dɗaftá tsi ta Suvaʼel, nda zwana ni, nda zwana ma ni. Ghwaŋpəɗ his həŋ.

²¹ Maghwaŋpəɗ fwaɗa ni, ka dɗaftá tsi ta Matitiya, nda zwana ni, nda zwana ma ni, ghwaŋpəɗ his həŋ.

²² Maghwaŋpəɗ hutafa ni, ka dɗaftá tsi ta Yəremut, nda zwana ni, nda zwana ma ni. Ghwaŋpəɗ his həŋ.

²³ Maghwaŋpəɗ mkuʼa ni, ka dɗaftá tsi ta Hananiya, nda zwana ni, nda zwana ma ni. Ghwaŋpəɗ his həŋ.

²⁴ Maghwaŋpəɗ ndəfáŋa ni, ka dɗaftá tsi ta Yusbəkasa, nda zwana ni, nda zwana ma ni. Ghwaŋpəɗ his həŋ.

²⁵ Maghwaŋpəɗ tghasa ni, ka dɗaftá tsi ta Hanani, nda zwana ni, nda zwana ma ni. Ghwaŋpəɗ his həŋ.

²⁶ Maghwaŋpəɗ təmbaya ni, ka dɗaftá tsi ta Maluti, nda zwana ni, nda zwana ma ni. Ghwaŋpəɗ his həŋ.

²⁷ Mahisambsaka ni, ka dɗaftá tsi ta Iliʼata, nda zwana ni, nda zwana ma ni. Ghwaŋpəɗ his həŋ.

²⁸ Mahisambsak ndeŋ mida ni, ka dɗaftá tsi ta Hutir, nda zwana ni, nda zwana ma ni. Ghwaŋpəɗ his həŋ.

²⁹ Mahisambsak his mida ni, ka dɗaftá tsi ta Gidalti, nda zwana ni, nda zwana ma ni. Ghwaŋpəɗ his həŋ.

³⁰ Mahisambsak hkən mida ni, ka dɗaftá tsi ta Mahaziʼut, nda zwana ni, nda zwana ma ni. Ghwaŋpəɗ his həŋ.

³¹ Mahisambsak fwaɗ mida ni, ka dɗaftá tsi ta Rumamtiʼghezer, nda zwana ni, nda zwana ma ni. Ghwaŋpəɗ his həŋ.