1Rus 2 - Hdi

Zwana Israʼila

¹ Wya hguha zwana Israʼila: I Rubeŋ, nda Simghuŋ, nda Levi, nda Yuda, nda Yisakar, nda Zəvuluŋ,

² nda Daŋ, nda Yusufu, nda Biŋyamiŋ, nda Naftali, nda Gat, nda Aser həŋ.

Zwana Yuda

³ Ka mutsaftá Yuda ta zwani hkən nda Batʼsuwa, makwa la Kanʼana: I Gher, nda Unaŋ, nda Sela. Ama Gher, zumala Yuda ná, káka nda sida ni ta wa ira Yawe, ka dzatá tsi.

⁴ Ka yanatá Tamar, ghwaʼala ni ta i Perets nda Zerah. Hutaf gwagwatá zwana Yuda.

⁵ Zwana Perets na: I Hetsruŋ nda Hamul həŋ.

⁶ Zwana Zerah na: I Zimri, nda Itaŋ, nda Hemaŋ, nda Kalkul, nda Dara. Hutaf gwagwata həŋ.

⁷ Zwaŋa Karmi na: Ghahar ta klanaktá hwazlaɓaku ta la Israʼila kabga ɓlanapta ni ta zlahu, nda ma klafta ni ta skwi ka dzahay ksaŋta.

⁸ Zwaŋa Itaŋ na: Ghazariya ya.

⁹ Zwani mutsaf Hetsruŋ na: I Yərahmeʼel, nda Ram, nda Kəluvay həŋ.

¹⁰ Ram ta yatá Ghaminadav. Ghaminadav ta yatá Nahsuŋ mala ga həga ma la Yuda.

¹¹ Nahsuŋ ta yatá Salma. Salma ta yatá Bughaz.

¹² Bughaz ta yatá Ghuvet. Ghuvet ta yatá Yisay.

¹³ Yisay ta yatá Iliʼav zumala ni, Avinadav mahisa ni, Simghaʼ mahkəna ni,

¹⁴ Netaŋʼel mafwaɗa ni, Raday mahutafa ni,

¹⁵ Utsem mamkuʼa ni, Dawuda mandəfáŋa ni.

¹⁶ Kwaghama taŋ ná, i Tseruya nda Abigayel həŋ. Hkən zwana Tseruya: I Avisay, nda Yuʼav, nda Ghasaʼel.

¹⁷ Abigayel ta yatá Ghamasa, Yeter mnda la Yismaghel da ni ma Ghamasa.

¹⁸ Ka yayatá Kalep zwaŋa Hetsruŋ ta zwani nda markwa taŋ Ghazuva, nda ya nda Yərighut: Wya zwani mutsaf tsi nda Ghazuva: I Yeser, nda Suvav, nda Arduŋ həŋ.

¹⁹ Manda mtuta Ghazuva, ka klaftá Kalep ta Ifrata ka marakw, ka yanatá tsi ta Hur.

²⁰ Hur ta yatá Uri, Uri ta yatá Betsalʼel.

²¹ Mkuʼ mbsak ima Hetsruŋ ta klaftá tsi ka marakw ta makwa Mahir, da ni ma Gilghat. Ka mutsaftá tsi ta zwaŋa zgun. Seguv hga ni.

²² Seguv ta yatá Yaʼir, ka mutsaftá tsi ta luwaha hisambsak hkən mida ma kwakwara Gilghat.

²³ Ama ka hlaghutá la Gesur nda la Aram ta zwana luwaha Yaʼir, nda luwa Kenat, nda luwaha mista ni. Luwaha mkuʼ mbsak gwagwata ni. Inda gwal ta nzakw mida ná, mndəra la Mahir, da ni ma Gilghat həŋ.

²⁴ Tahula mtutá Hetsruŋ ma Kalepʼifrata, ka yanatá markwa taŋ Aviya ta Asur, ta zlrafta luwa Tekuwa.

²⁵ Zwana Yərahmeʼel, zumala Hetsruŋ na: Ram zumali, ka fiŋtá Bunah, nda Ureŋ, nda Utsem, nda Ahiya.

²⁶ Mamu sana markwa Yərahmeʼel, Ghatara hga ni. Tsatsi ma ni ma Unam.

²⁷ Zwana Ram, zumala Yərahmeʼel na: Tsaha ya Maghats, ka fiŋtá Yamiŋ nda Gheker.

²⁸ Zwana Unam na: I Samay nda Yada həŋ. Zwana Samay na: I Nadav nda Avisur həŋ.

²⁹ Avihayil hga markwa Avisur, ka yayanatá tsi ta i Ahbaŋ nda Mulit.

³⁰ Zwana Nadav na: I Selet nda Afayim həŋ. Ka mtutá Selet kul fatá mndu.

³¹ Zwaŋa Afayim na: Yisghi ya. Zwaŋa Yisghi na: Sesaŋ ya. Zwaŋa Sesaŋ na: Ahlay ya.

³² Zwana Yada, zwaŋama ni ma Samay na: I Yeter nda Yunataŋ həŋ. Ka mtutá Yeter kul fatá mndu.

³³ Zwana Yunataŋ na: I Pelet nda Zazaʼ həŋ. Tsaha ya zivira Yərahmeʼel.

³⁴ Ya a Sesaŋ ta zgun wu, ama kuʼaha yeya yaya tsi. Mamu sana mnda la Masar ka vuʼa Sesaŋ, Yarha hga ni.

³⁵ Ka vlaŋtá Sesaŋ ta makwa ni ta vuʼa ni Yarha ka marakw, ka yanatá tsi ta Ghatay.

³⁶ Ghatay ta yatá Nataŋ, Nataŋ ta yatá Zavat,

³⁷ Zavat ta yatá Iflal, Iflal ta yatá Ghuvet,

³⁸ Ghuvet ta yatá Yehu, Yehu ta yatá Ghazariya,

³⁹ Ghazariya ta yatá Helets, Helets ta yatá Ilghasa,

⁴⁰ Ilghasa ta yatá Sismay, Sismay ta yatá Salum,

⁴¹ Salum ta yatá Yəkamiya, Yəkamiya ta yatá Ilisama.

⁴² Zwana Kalep, zwaŋama ni ma Yərahmeʼel na: Tsaha ya i Mesa, zumala ni, da ni ma Zif, ka fiŋtá Maresa, da ni ma Hevruŋ.

⁴³ Zwana Hevruŋ na: I Kurah, nda Tapuwah, nda Rekem, nda Sema həŋ.

⁴⁴ Sema ta yatá Raham, Raham da ni ma Yurkugham. Rekem ta yatá Samay.

⁴⁵ Samay ta yatá Maghuŋ, Maghuŋ da ni ma Betʼtsur.

⁴⁶ Ghefa, markwa sanagha ga Kalep ta yayatá i Haraŋ, nda Mutsaʼ, nda Gazez. Haraŋ ta yatá Gazez.

⁴⁷ Zwana Yahəday na: I Regem, nda Yutam, nda Gesaŋ, nda Pelet, nda Ghefa, nda Saghaf həŋ.

⁴⁸ Ka yayatá Maghaha sani ma markwa sanagha ga Kalep ta i Sever nda Tirhana.

⁴⁹ Ka yatá tsi guli ta Saghaf, da ni ma Madmana, nda Səwaʼ, da ni ma i Mahbena, nda Givghaʼ. Mamu makwa Kalep guli ka Ghahsa hga ni.

⁵⁰ Tsaha ya zivira Kalep. Zwana Hur zumala Ifrata markwa Kalep na: Tsaha ya i Suval, da ni ma Kiriyatʼyegharim,

⁵¹ nda Salma, da ni ma Betʼlehem, nda Haref, da ni ma Betʼgader.

⁵² Zwana Suval, da ni ma Kiriyatʼyegharim na: I Haruʼeh nda rita la Mənuhut.

⁵³ Wya la Kiriyatʼyegharim ta uʼa taŋ ta uʼa taŋ: La Yitri, nda la Put, nda la Sumat, nda la Misra həŋ. Ma tsa hahəŋ ya saba la Tsurgha nda la Istaʼul.

⁵⁴ Zwana Salma na: I Betʼlehem, nda la Nətufa, nda la Ghatrutʼbetʼyuʼav, nda rita mndəra la Manahat ta nzakway ka la Tsurgha ya,

⁵⁵ nda gwal vindi ta uʼa taŋ ma Yaghbets ná, la Tirgha, nda la Simgha, nda la Suhat həŋ. Hahəŋ la Keŋ ta sagha ma Hamat, dzidza la Rehav.