Salmu 23 - ꞌRe Ihâimana Uꞌâsi Mono Zadawa Wasuꞌu

'Re ihâimana u'âsi mono hã, pone'ẽrebâ 'madâ'â'wa ne ihâimanazé wasu'u

Dawihi nho're.

¹ Uburé Danhib'apito, ĩte pone'ẽrebâ 'madâ'â'wa. Marĩ zô ĩwi rowaptâ'â waihu'u õ di.

² Ta hã te te 're ĩnhimizusi, du i'uzéi pese wa, 're ĩwa'utu mono da. Â rési ãna 're isa'wari mono u te duré te te 're ĩzaprõni.

³ Ta hã te apâ te te 're ĩnhiptete u'âsi. Duré bâdâdi i'uwaibaba na si, te te 're ĩzaprõni wẽ u'âsi, te te iropisutuzéb zarina.

⁴ Wa hã ẽtẽ nhi'riti 're romharé na robra uptabi na 're ĩne mono nherẽ, marĩ ma, ĩpahi waihu'u õ di, Uburé Danhib'apito a hã ĩsiré 're aimorĩ wa. Robzahi wi, asiwazusizé hã te duré ĩ'wawimhã 're simapa.

⁵ Dasa isa'ẽne hã te ĩma 're i'a'manharĩ u'âsi mo, ĩnhitob'ru norĩ tõmo nho'a hã. A hã te ĩpire na 're ĩnhimizusi mo. Te duré ĩnhimihâsizé hã ĩma 're i'masisi mo, taré 're ipu'u mono zéb u.

⁶ Tô ĩma waihu'u pese di, asimi'manharĩ wẽ zé, duré asimizawizé hã za ĩ'ãma 're ihâimana u'âsi zahuré mono na hã, ĩhâiba ré 're ĩmorĩ ré hã. Duré Uburé Danhib'apito, asõrõwa ãma wa za õne u'âsi 're ĩnhamra.