Mazamure Maxaafaa 93 - Wolaytta Bible

¹ GODAI kawotiis! Bonchchuwaa maayiis; wolqqaa gixxiis. Sa7ai minnidi eqqiis; mulekka qaaxxenna.

² Ne kawotaa araatai beniisappe eqqiis; neeni merinaasappe de7aasa.

³ Abeet GODAU, ciimma haattai guummiis; ee, ciimma haattai ba gunttaa xoqqu oottiis.

⁴ Saluwan de7iya GODAI daro haattaa gunttaappekka, abbaa dambbalaappekka aadhdhida wolqqaama.

⁵ Abeet GODAU, neeni yootidobai ammanettiyaagaa; ne keettaayyo geeshshatettai merinaayyo bessees.