Mazamure Maxaafaa 43 - Wolaytta Bible

Qoraaha naatu timirttiyaa

¹ Abeet Xoossau, tana shatintta. Xoossaa erenna deretuura ta mootuwaa neeni mootetta. Cimmiya iita asatuppe tana neeni ashsha.

² Xoossai, taani naagetta attiyo miixai nena. Neeni tana aibissi aggai? Taani aissi ta morkkiyan naaqettada azzanaidda hemettoo?

³ Ne poo7uwaanne ne tumaa taayyo kiitta; eti tana kaalettona. Ne geeshsha deriyaa neeni de7iyoosaa efoona.

⁴ He wode taani ta Xoossaa yarshshuwaasaa, tana ufaissiya Xoossaakko baana. Abeet Xoossau, ta Xoossau, taani diittaa diixxaidda, nena sabbana.

⁵ Tanooshsho, taani aissi azzaniyaanaa? Qassi aissi jabbukettiyaanaa? Taani Xoossan ufaissaa wottana. Aissi giikko, taani ha77ikka tana ashshiyaagaanne ta Xoossaa galatana.