Mazamure Maxaafaa 129 - Wolaytta Bible

Pudettaa kiyiiddi yexxido yettaa

¹ Israa7eela asai hagaadan yaago; “Eti ta yelagatettaasappe doommidi, tana huqqunnidosona.

² Ee, eti ta yelagatettaasappe doommidi, tana huqqunnidosona; shin eti tana xaissibookkona.

³ Ta zokkuwaa xurqqayyiyan shocii shocidi, goyido shooqaa milatissidosona” yaago.

⁴ SHin GODAI xillo gididaagee iitatu qashuwaappe tana birshshi yeddiis.

⁵ Xiyoone ixxiya ubbai yeellatidi guyye simmo.

⁶ Keettaa huuphiyan mokkidi, diccanaappe kasetidi meliya maataa mala gido.

⁷ He maataa buuccanau kushen dankkiyai woikko mirqqe qachchiyai ooninne baawa.

⁸ He ogiyaara aadhdhiyaageeti, “GODAI wolqqaa immo” gin, cakkiyaageeti, “GODAI anjjo” giyoobai de7enna.