Mazamure Maxaafaa 11 - Wolaytta Bible

Daawiti xaafidoogaa

¹ Taani GODAA giddon baqata qosetta attais. Yaatin, intte tana aissi, “Kafodan ne deriyaa baqata” yaageetii?

² Hekko nagaranchchati wozanaa geeshshata caddanaassi, xuman bantta wonddafiyaa baqettaa bollan zubbiyaa toloosona.

³ Baasoi bayiyo wode, xilloi ai oottanau danddayii?

⁴ GODAI ba geeshsha Beeta Maqidasiyan de7ees; ba saluwaa kawotaa araatan GODAI asaa xeellees; GODAA aifee asaa qorees.

⁵ GODAI xilluwaa qorees. SHin iitatanne hanttaarabaa siiqiyaageeta i keehippe ixxees.

⁶ GODAI iitatu bollan eexxiya tamaa bonqquwaanne eexxiya dinniyaa bukissana. Xuuggiya gote carkkuwan eta qaxxayana.

⁷ GODAI xillo gidido gishshau, xillotettaa dosees. Suure asati a sinttaa be7ana.