3 Ergaa Yohaannis 1 - WAADAA LAMMATAA

¹ Ana manguddoo irraa: Ka dhuga'aan jaaladhu jaalatamaa Gayiyoosiif:

² Jaalalloo kiyya, lubbuun tee akka misha'atti akka jiraattu, wonti maruu akka wol-siiqixxaayatuuf akka fayyaa qabaattu Rabbiin sii kadhadha.

³ Obboloonni dhufanii akka ati dhuga'atti jiraattu, waan dhugaa keetii naa rannaani guddisee gammade.

⁴ Wonti akka ijoolleen tiyya dhuga'atti jiraachuu isaanii dhagayu'uu na gammachiisu waan hin jirreef.

Gaayiyoos Galateeffame

⁵ Jaalalloo kiyya siif keessummaa yoo ta'anillee ati waan obboleeyyanii gootu maraan amanama'a.

⁶ Waan jaalala keetiitiif isaaniif woldaa amantootaa afo'otti rageera. Akka Rabbi jaalatutti imala isaaniititti yoo isaan gargaarte, waan mishaa goote.

⁷ Worra Yihuudii hin taane irraa womaa uduu hin fudhanne maqaa Yesuusiitiif jedhanii waan bayaniiraniif.

⁸ Eegasuu nu dhugaa woliin akka hojjannuuf namoota akkanaa kanniin keessummummaa haa simannuu.

Diyootreefesii Fi Dimeexroos

⁹ Mana amanta'aatiif barreessee ture, haata'uu ammoo, Diyootreefesiin sooressa ta'uu barbaadu nu hin fedhu.

¹⁰ Kanaafuu ani yoo dhufee hujii hamaa inni huja'aa odeessu hin dubbadha. Kunuu isa hanqatee, obboleeyyanillee ufitti hin dhiyeessu. Worra isaan simatullee dhooggee woldaa keessaa isaan baasa.

¹¹ Jaalalloo kiyya waan mishaa malee hamaa hin fakkaatin. Ka waan mishaa godhu Rabbiin Ka hamaa godhu ammoo Rabbiin hin argine.

¹² Dimeexiroosiif namni maruu ragaa bayaaf, dhugaanillee ragaa baatiif, nullee akkasuma hin rannaaf. Ragaan keennallee dhugaa akka ta'e hin beettan.

Dhaamsa Dhumaa

¹³ Waan sii barreessu baayi'ee qaba. Haata'uu ammoo bi'iiri'ii fi qalamaan sii barreessuu hin barbaanne.

¹⁴ Hennaa dhiyoo keessatti si argee akka woliin qaandhu abdii godha.

¹⁵ Nageenni siif haa ta'u. Goshoonni tee nagaya sii dhaamaniiran. Goshoo kee marattuu nagaya naa himi.