1 Gara Ximotewoosii 4 - WAADAA LAMMATAA

Barsiisota Sobaa

^1-2 Ayyaanni ammoo adima bara maayeesa keessa namoonni gari gariin barumsa ayyaana sobdoota uf tuultootaatii fi jinni'ii keennamu caqasa'aa, amantaa ganan jedha; yaanni akkanaa kun worra sammuu isaanii akka waan guba'aan gubameetitti hadoode irraa dhufa.

³ Worri sobu kun akka namni wol hin fuune dhooggan, worri amananii dhugaa beekan galata woliin akka fudhatanii hin nyaanne, nyaata Rabbi isaanii uume irraa akka fagaatan godhan.

⁴ Wonti Rabbi uume martinuu mishaa waan ta'eef, galata woliin yoo fudhatan wonti gatamu hin jiru.

⁵ Ka dubbii Rabbiitii fi faate'een woyyoome waan ta'eef.

Hojjataa Mishaa Yesuus Kiristoosii Ta'uu

⁶ Kanaafuu obboleeyyan uduu yaadachiftee amanta'aa fi dubbii barumsa mishaa hordofteen yoo dubbii barsiifte, tajaajilaa mishaa Yesuus Kiristoosii taata.

⁷ Haata'uu ammoo tapha xuraayaa adunyaa tanaatii fi oduu dubartoota jaartee irraa fagaadhu; bikka san jireenna Rabbitti tolu jiraachu'uuf tattaaffadhu.

⁸ Nafa jabeessu'uuf uf leenjisuun bu'aa diqqoo qaba. Jiruu Rabbi fedhu jiraatu'uuf uf leenjisuun ammoo jiruu ammaatii fi ta dhuftuttillee abdii waan qabduuf gara maraanuu bu'aa qaba.

⁹ Dubbiin kun amanama'a, namni martuu fudhatuu barbaachisa.

¹⁰ Nu Waaqa jiraataa fayyisaa nama maraa ta'e; keessumatu ka worra amananiititti waan abdanuuf, hin dadhabna, hin arabamnalle'e.

^11-12 Kanniin ajaji barsiisille'e dubbii jireennaan jaalalaa fi amanta'aan qulqulluma'aan, worra amanan maraafuu fakkeenna ta'i malee, ijoollummaa keetiif eennullee si hin tuffatin.

¹³ Haga ani dhufuuf, dubbisuu, gorsuu, barsiisuu irratti jabaadhu.

¹⁴ Kennaa hennaa manguddoonni harka sirra keettee sii kadhattee sii kenname, raaga sii dubbatamee fi kennaa badhaadhaa ka si keessa jirutti lash hin jedhin.

¹⁵ Guddinni kee waan maraanuu akka mudhatu yaadi; waan kanniinitti hennaa maraa jabaadhu.

¹⁶ Waan keetiif barumsa kee midhaassii qabi; kanniin irrattillee jabaadhu kana yoo goote, ufiif worra si dhagayanillee hin fayyifta.