Matthaiga 7 - Winnebego Bible Portions 1907

¹ Inke hae‐wahiwinianje, inke hae‐nihiranikjawige.

² Jagu wira‐erawigi, hiraeni‐hirekjanihawina. Egi wigus jagura hisha wiragiguswigi, hishge wigus e shige hinigigus‐hirekjanihawina.

³ Egi jasgegaja rakhinubra hishjasu harnieja no‐ruxageninganka hashjashe, eshi hishjasu hashinieja noi‐kunuganka inke hiraperesni?

⁴ Egi jasgeranaga rakhinubra waraganashe hishjasu hashinieja no‐ruxagninganka ningit’u‐shoroijena, egi horuxujre noikunugisha hishjasu hashiniejagra.

⁵ Phiranakhik’iranina, jorni hishjasu hashinieja noikunuganka nigehot’unare, egi hageja phihashjarnana rakhinubra hishjasu harnieja no‐ruxagninganka nige horagi t’usharanana.

⁶ Inke washa wakanjangra shung‐eja wogawinianje. Egi shige inke perira xguxguishe jowehireja wogit’unawinianje, nigete e warnashi‐uinarnaga egi hijapahi nashirarnaga egi niruxaxab‐hirekjaniha’wina.

⁷ Tawire egi hornikuinekjanihawina. Horniwine egi hish’e‐kjanihawina. Gikogwire egi ningiruhas‐hirekjanihawina.

⁸ Higu jarnaga taga, rusnankshana, egi hisha horniga hiejena, egi hisha gikoghi giruhas‐hirekjanena.

⁹ Egi wang‐jagurisha horogregi harajegi, e hinigra waisgabtuj gitagi inira hisha hokunashe?

¹⁰ Shige hora hisha gitagi wakhara hisha hokunashe?

¹¹ Worniwank harajera reshge, ninkjank washiniwira washa phi wokarakura hiraperes‐harajena hiraijeraxjinakshana Hianjrawiga wangreginagre washa Phi wogarnankshana, jarnaga gitaga.

¹² Esge washara harnaj jagurisha wankshigra ningiuinawigi raiphiwinagi, ne shesge wagigiwiaje, woehire de‐e herena egi prophetra.

¹³ Jhirob hokirashirieja hokawawiaje. Jhirobra xetejegi egi nagura parasanki hot’eja warnihinana egi roha eja howaragshana.

¹⁴ Hisgexji jhirobra hokirashirijena, egi nagura hokirashirina e wankshig‐hoieja warnihina, egi jarnagkhira hiena.

¹⁵ Prophet woretungra hinakewe wakhiwianje, e jhasgaha hornashi hiranijirekjanihawina eshi rogra shunkjank wajexi waunagikjanena.

¹⁶ Has warnineja wawiraperes‐hikjanihawina. Jasge wankshigra napahieja habsinsh sto‐hinankshe, shige figra waxageja sto‐wahinankshe?

¹⁷ Deshesgena na‐phira has phi haminag‐hirena, eshi na‐shishigra has shishig haminag‐hirena.

¹⁸ Na‐phira inke has shishig haminag ruxurug‐hiranina, inke shige na‐shishigra has phi haminag ruxurug‐hiranina.

¹⁹ Nara jarnaga inke has phi haminag hiranigi waiwank‐hirekjanena, egi pej‐eja wot’unairekjanena.

²⁰ Esge has warnineja wawiragi‐kjanihawina.

²¹ Inke jarnaga Hirukanara, Hirukanara hingairegi harnaj hung‐ma wangregi‐nagre hokawairanikjanena, eshi hisha Jajiga wangreginagre woshga harnira giungi.

²² Hambeja roha waigekjanena, Hirukanara, Hirukanara, jasge inke rash hashinira wihowakhuwinishe? Egi rash hashinira hiauwianaga waxopinishishig jangra hopahaswinishe? Egi rash hashinira hiauwianaga wowakanjangra roha hauwinishe?

²³ Egi wawagekjanena inkaga hinipereswinina, hijahi howarewire washa wowonk u‐harajane.

²⁴ Esge higu peshe jagu hihare naxgungi, egi wawaungi, wang wanaiksab hisha hikisge hakjanena, e jhira ini hihageja karakanagnana.

²⁵ Egi nishu hakirianaga egi nijara jianaga egi maintajehi hakirianaga egi jhinaka hirajigi egi inke khananinana, ini haminaganaka esge.

²⁶ Egi jarnaga jagu hihare naxguanaga egi inke waunigishi, wang wanai‐wowonk hisha hikisgarnana, e jhi harnira pusake hihageja karakanagnana,

²⁷ Egi nishu hakirianaga egi nijara jiarnaga egi maintajehi hakirianaga egi jhinaka hirajigi egi khananana, egi hoshibrera rokananana.

²⁸ Egi herena jaja Jesus washa de‐e e‐rashjangi, wankshigra gixixhirena wogus harnira hawau.

²⁹ Washa wagigusra hisha homashja hani hikisge wena, egi inke wowagax hiperesra hikisgarnina.