Lukga 16 - Winnebego Bible Portions 1907

¹ Egi hironag hirera hishge wawagena: Eja wankshig hitajeisha nankshana e jhi‐rakaraisha harnina, jhi, rakarajega washinaraj‐hirena washara shena wagigikjeshe higairena.

² Egi gigorna egi wagena: Jasgeshe washa de‐e nanixguna? Higikarabre jhira hirarakararajane washara jasgakhi epa inke shige jhi‐hirarakaranikjanena.

³ Egi jhi‐rakarajega wakigena: Jasge hakjanegaja? Hirukana harnira jhi‐rakarara hingirusgi? Inke mang’ge duxurugnigaja, jhiokinina hiroishig‐shana.

⁴ Jasge hakjera hiaperessana, jaja jhirakarara rushjaingigiregi jhinagra shesgeja hokewe‐ingigirekjanegaja.

⁵ Egi jarnaga hirukana harnira wagiwagaxankhi wagigorna, egi jegejajega wagena: Hirukana harnira jarnaga ragishurushagshe?

⁶ Egi wena: Wikinira wigus hogihisha. Egi wagena: Wawagaxra kurusre egi xapge minagke egi kerepanasaja hija wagaxre.

⁷ Egi hijanejega wagena: Jarnaga shurushagshe? Egi wena: Waisgab higusra hogihisha. Egi wagena: Wawagaxra kurusre egi kerepanaharuank hija wagaxre.

⁸ Egi hirukanara jhi‐rukana wowonkjega karajankshana, wouphi waunge esge. Ninkjang ma‐egi herera hornihe she‐e hijaira wanaiksabhirena, hornihe hohambra ninkjang warnira worujis‐hirena.

⁹ Egi wanigawina, hijakoro wirakhiwina mamon wowongeja, egi jaja horakikurushakhi manegus hojhireja nirus‐hirekjanihawina.

¹⁰ Hisha washa xunuxjinigeja wogisoghi hishge washa xeteja wogisognana. Egi hisha washa xunuxjinigeja wowonkhi, hishge washa xeteja wowongnana.

¹¹ Esge inke mamon wowongeja wogisog hish’uwinigi peshe washa phira hirakara‐nigigikjeshe?

¹² Egi inke wornigisogwinigi wankshig hijahi washa warnineja, peshe wa’shinigi wornik’unkjeshe?

¹³ Warera hisha inke hirukanara nup wagire ruxurugninana, hisha hosh’iganaga egi hijanejega wogixetenana, egi shige hisha hakishuxji‐uanaga egi hijanejega t’unarnana. Inke Maura egi shige mamonra wawagire shuruxurugwinina.

¹⁴ Egi Pharisera hishge hitajenainena, washa de‐e harnaj naxguinena, egi igixjairena.

¹⁵ Egi Jesus wawagena: Neninewine, e wankshignagre jowehireja phi harakikarashiniwina, eshi najge washiniwira Maura wawiperesnankshana. Egi washanisha wankshignagre horogregi gish’agjihirega, Maura hajara mashja hosh’ignakshana.

¹⁶ Woehira egi prophetra Johnga egi hipa herena, epa Maura hungma harnira wihokhunankshana, egi harnaj hokewe‐naixjinena.

¹⁷ Egi wowategshana maxihoshuagre egi mara maisinsh wahira, eshi wojexina (Maura) woehi (warnira) wijantira hishankira xawarnihira.

¹⁸ Higu peshe hijawina karat’unegi, egi hijahina hisha kanakhi, kikhanagra rushe waunana, egi higu peshe hinug t’unairega kanakhi hishge kikhanagra rushe waunana.

¹⁹ Egi wankshig hitajeisha ejanankshana, waini shujjexi egi linen phi hikikaxanaga egi hambga wogishawanakshana waruj phinashana ruj.

²⁰ Egi eja jhiokinikeisha nankshana Lasarus higairena, wankshig hitajenaka jhirob harnieja t’umbhirena ju hoshushu.

²¹ Egi hitajenanka waruj harnieja waruj hoxjug shibrairegi, ruj roguxji waunankshana, eshi shungra hirajiranaga egi ju hoshura wagissirip‐hirena.

²² Egi herena jhiokinikanaka d’ena, egi waxopiniwarajire harni harairanaga Abraham ruangigirena. Hitajenaka hishge d’ena egi xairena.

²³ Egi pej‐shishigeja hahi hawera rokanagi, wangeja horuxujshana, egi Abraham hajarna hiroharixji, egi Lasarus ruanakshana.

²⁴ Egi uwana, wena: Jaji Abraham, najungijane, egi Lasarus hugigire, nab hissawara nieja howashunjanaga egi resi harnira siningigikjena, pejregi hawananke.

²⁵ Eshi Abraham wena: Hinighaxji wewirehire wankshig‐shineja washa phira harnaj hashinina, egi hishge Lasarus washa shishig harnina, eshi shegunegi rukheghirena, egi harawena.

²⁶ Egi de‐e hirassarna hojakena hihiwiregi hoshorosh rogshi xeteishankshana, esge hosh’ushanaka inke hisha eja hi‐ruxurugnina egi nangre, egi shige ejananka inke hisha egi ji‐ruxurugnina.

²⁷ Egi hitajenaka wena: Jaji ningikarajshana jajiga hojhieja howare‐ragigigishi,

²⁸ Saja hakhinubra wawogiraikjege, hawanagre inke egi hishge hajiranikjege esge.

²⁹ Abraham wagena: Mosesga harninakshana egi prophetra, e warnaxguwagigire.

³⁰ Egi wena: Inke shesgarnina, jaji Abraham, eshi hisha d’arnagre egi howagigi, washa woishana najgerawakarateg hiranana.

³¹ Egi wagena: Inke Mosesga egi prophetra warnaxgu hiranigi, hisha d’eregi howagishge inke waraxurugninana.