Lukga 15 - Winnebego Bible Portions 1907

¹ Egi Publikanra egi washa woishana ura harnaj haruxa hiwusunsh howahuirena harnaxgu.

² Egi Pharisera egi wowagax hiperesra haehinankshana, wairena: Wang de‐e washa woishana ura warusjena egi waruj wakishu unjena.

³ Egi Jesus washa hisgera de‐e wawigena, wena:

⁴ Wankshig raniwira hisha jhasgara hogihisha hashiniwingi, hisha xawarnihigi, jasge inke kerepana‐hishankijushgunianaga‐hishankijushguni‐hashananka mojainainja washuarnaga egi xawarniga horni rarninashe, jaja hiegishana rushjarnana?

⁵ Egi jaja hiegi, hinej hihageja hakanaganaga wogishawagnana.

⁶ Egi jaja jhieja gigi hijakorowahira sto‐wahinana egi wawikiwusunsh jhira, wawagarnana: Wogishawa hinkishu uwine, jhasga harnira, xawarnira hiak’ege esge.

⁷ Hinigawina, shesgarnakshana wangregi herera hiraijera wogishawarnankshana washa woishana ura hisha najgerakarateka, kerepana‐hishankijushgunianaga‐hishankijushguni‐hashana wankshig phira e inke washa woishanana najgerakarategra hiuninanka she‐e worujis hiranana.

⁸ Egi shige hinug jagurisha shurasgara kerepanaisha harnigi, hisha xawarnihigi, jasge inke hiratashakerehira hisha tae hininashe, egi jhira gisinshninashe, egi hornina uxjianaga jaja hiegishana rushjanashe?

⁹ Egi jaja hiegi hijakoro wahira egi wawikiwusunsh jhira sto‐wahinana warnana: Wogishawa hinkishu uwine shurasgaisha xawarnihara hiak’ege esge.

¹⁰ Esge wanigawina: Eja wogishawarnankshana waxopiniwarajirera Maura jowehieja, washa woishana ura hisha najgerakarateka.

¹¹ Egi Jesus wena: Wankshig hisha nupiwi hinighina.

¹² Egi xunujega hianjra wagena: Jaji jarnaga washara harnigi hunkaraik’une, egi washara khiruje wagigina.

¹³ Egi inke hambra rohani hageja hinighire xunujega washara harnaj sto‐wakaragiarnaga egi ma‐harixji hikiwararena, egi eja hahi washa warnigi wowonk hishena wahina.

¹⁴ Egi jaja harnaj shena wahigaja, ma‐eja dokewehira rokanainena, egi waruges jijena.

¹⁵ Egi rarnaga egi ma‐eja hereisha eja herekhina, egi xguxguishe hirakara regigirena.

¹⁶ Egi xguxguishe washa ha rujnankhi warogiguxjina, egi inke hisha hok’uinanina.

¹⁷ Egi jaja warnaina gikirigi, wena: Warera roha jajiga narnianaga, warujra hina‐uinanaga egi roha hakhinineshununa egi dokewehi‐jehiakowho!

¹⁸ Nashianaga egi jajiga eja wawakerekje, egi wagekje: Jaji wangregirera washa woishana hagiungaja egi joweraregi,

¹⁹ Egi inke hinupahana hinig higikaraj phianinigaja, wanigitekjena ware hiune.

²⁰ Egi nashianaga, egi hianjra eowakerena. Egi higu harixji karaha‐u, hianjra hajarna, egi najogijana, egi nuwangshana, egi jashera nat’umbanaga iokiwankshana.

²¹ Egi hinighirajega wena: Jaji wangregi herera washa woishana hagiungaja egi joweraregi, egi inke hinupahana hinig higikaraj phianinigaja.

²² Eshi hianjra ware warnira wawagena: Waini phixjina warnijiwire egi wogiaxugwire, egi nabhirusgij hisha nabeja hogiwaxugwire, egi waguje hojangigiwire.

²³ Egi je‐ningsi shina hagurawire egi d’ehiwire, egi hiwaruijawina, egi hiwogishawakjawina.

²⁴ De‐e hinighara d’egajerera egi shige niambgejini esge. Xawarnigajerena egi hierena. Egi wogishawa hajiarairena.

²⁵ Egi hinighire xetera max‐eja unjena, egi gurna egi jhira hiwusunsh kirigi, nawara warnaxguna egi washira.

²⁶ Egi warananka hisha gigorna egi higiwaxshana washa de‐e jagu‐u waunankhi.

²⁷ Egi wagena: Rakhinubra kirina, egi hianjraga je‐ningsi shina d’ehina, wanaishguni egi shja kurusge esge.

²⁸ Egi wogitegshana egi inke hijokawanina. Esge hianjra hihinabshana egi hijokewenangi‐ina.

²⁹ Egi horniharna hianjra wagena: Horuxujre, ma rohaxji warnigitegaja, inkaga u‐washi hashinira hiningishananigaja, egi inkaga jarnaxningra hisha hunak’unina, e hijakoro‐wahara wogishawa wakishu haunana.

³⁰ Eshi higu jaja hinigra de‐e kirigi, je‐ningsi shina d’eragigina, e washa washinira shena wanigigina hinug wowonk’geja.

³¹ Egi wagena: Hinighaxji, hoishib hinakishu sh’una, egi jarnaga washanira newashinina.

³² Hisgenaje hiwauwinana hiwogishawawigishi egi hingiphiwigi, de‐e rakhinubra herera d’egajerena, egi shige niambshana, egi xawanigajerena, egi shige hierege esge.