Lukga 12 - Winnebego Bible Portions 1907

¹ Waunaka eja jaja wankshigra hogihixete rohaxji stogi, harnakishi uinena, Jesus hironaghirera wawagena: Inke washinjahina hisha hikisgarnina hirakikarawiaje Pharisera winawohi harninera, hipokrisira herena.

² Washanisha harukainegi hahi harnaj jantinekjanena, egi jarnaga washara nuxawangi hahi wawiperes‐hirekjanena.

³ Esge higu jagura hokawaseja hisha hishawigi, hohambeja naxguinekjanena, egi higu jagura hisha jhieja nuxhopoxeja horakit’awishge, hisha jhi‐hihageja horaikjanena.

⁴ Egi hijakoroniwina hinigawina: Inke nakawawinine rora d’ehirera, egi hageja inke washanisha u‐ruxurughiranikjanena.

⁵ Eshi hornigitaikjanihawina peshe nanakewekjawira: Nakawawire, e hageja d’ewahijera, homashja harnijera pej‐shishigeja wot’une, hisgexji wanigawina nakawawire.

⁶ Inke Sparora saja shurashujra nup hiruwinanishe, egi Maura inke hisha wakikununi‐nina?

⁷ Egi naju washiniwi rareshge harnaj waikarab hirena, esge inke naxirawinine, Sparora rohaxji hiraijera hirakisge harajena.

⁸ Egi shige hinigawina: Higu peshe wankshig jowehireja harnaixgungi hokarakhi, hishge Wankshig‐hinigra Maura waxopiniwarajire warnira jowehireja hokaraikjanena.

⁹ Eshi higu peshe wankshig jowehireja khibaikingi, hishge Maura waxopiniwarajire warnira jowehireja khibahakinkjanena.

¹⁰ Egi higu peshe Wankshig‐hinigra hakira hit’egi, git’urairekjanena, eshi hisha Naxirag Wakanjangra hakiranaga raxjashgunigi, inke git’uranikjanena.

¹¹ Egi jaja wohokhu‐hojhieja harniniahi rawigi egi woehieja egi washinukanainja, inke washinawinianje, jasgerakjanegi egi jagu worninagihakjanegi egi jagu hi’shekjanegi.

¹² Naxirag Wakanjangra nigiguiskjanena howagixeja jagu hi’shekjegi.

¹³ Egi worohanka eja hisha wagena: Wawagax‐hajawagigira, hakhinubra hokit’are sh’agwahawira washaninera khiruje hakinkjawina.

¹⁴ Egi (Jesus) wagena: Wankshigra, peshe waehi hiushe egi washa khirujewagigi harnianaga khiruje ningigikjanihawishe?

¹⁵ Egi wawagena: Horuxujwige, hirakarauwine hitajenaira, wankshigra hisha hitajegishi inke she‐e wankshighi‐ininana.

¹⁶ Egi washa hisgera wirokit’ena, wena: Wang hitajeisha max harnigi washara rokanaxji axebhigi.

¹⁷ Egi khikewewina, wena: Jasgehakjaneshe? Inke jhi hijunigaja hajinja maxra wakshukjaneshe?

¹⁸ Egi wena: De‐shegu hakje, waisgab‐hojhira hakurushearnaga egi xetehakje, egi eja maxra harnaj wakshukje egi washa warnira.

¹⁹ Egi naxirag harnira wagekje: Naxiragra, washara roha hashinina ma rohaxji hokipi, hasohiune, warujre, rajgane egi wogishaware.

²⁰ Egi Maura wagena: Inke warnainijunina, hahe de‐e wankshghoi hashinira nigirus‐hirekjanena, egi washa storaga peshe warnikjaneshe?

²¹ Shesgekjanena washa sto‐kinga, egi inke Maura eapahi hitajenige.

²² Egi hironaghirera wawagena, esge wanigawina: Wankshighoi hashiniwira inke najge wokarajiwinine, jagu raijanihawigi, egi shige inke rora, jagu hoshawaxuikjanihawigi.

²³ Waruj‐jane inke e hiraijeranina, wankshighoira e hiraijerana egi wainira inke e hiraijeranina, rora e hiraijerana.

²⁴ Kaxira woruxujwire: Inke max hoshuninankshana egi inke max hikishere‐ninankshana, egi shige inke makuha egi shige waisgab‐hojhi juninankshana egi Maura waruj wogajena. Jasge inke ne hiraijaira niphiwinishe, wanigra hornirujis hirawishe?

²⁵ Egi hajanga najge wornijiwishge hoserejra si‐isha hijominagkhi ruxurugnashe?

²⁶ Inke washa xununigra hisha u‐shuruxurugwinigi, jagu‐u washinjahi najge wornijiwishe?

²⁷ Woruxujwire Lilira (nanigra) hogura jasganagra, e inke waraninankshana egi shige inke waini khik’uninankshana, hisgexji hornigitagwina, Salomonga glori harnira harnaj, wikikaxgishge inke de‐e hisha hikisgarninana.

²⁸ Egi Maura xawinagre waini shesge wagiuna, e hamb de‐e maneginagre, egi hainigi jhitakaj‐hi rogeja wot’urairanana, hiraijeraxji waini nigiuwina? Jowexjinig harnaxgu hashanagre.

²⁹ Egi jagu raijanihawigi inke hiwaxwinianje, shige jagu sharajgakjanihawigi egi inke warna‐ina wakhibahinine.

³⁰ Wankshig manegirera washa de‐e harnaj rogunankshana, egi Hianjrawiga hiperesnankshana washa de‐e wawish’unkjanihawira.

³¹ Eshi Maura hungma harnira ruxurug‐naixjiwina, egi washa de‐e harnaj hijornigishukjanihawina.

³² Inke naxirawinine, hornihe xununigwira, Hianjrawiga hungma harnira hornikuwingi giphinara esge.

³³ Jagu hashiniwingi, wikuruwiwine, egi wanajojaisgeja wawogawire, pa kik’uwianaga inkaga sh’agenikjena, washa jexira wangregi wakshuwire e inkaga horujisnikjena, eja inkaga wamanuke warus‐ruxurug‐hiranikjanena, egi shige inkaga wikiri washa‐waishgahiranikjanena.

³⁴ Hisgexjina hajinja washa jexira nigiginangwigi, eja najge washiniwira nangikjanena.

³⁵ Hikipiragwiaje egi hiratashakerehi washiniwira ta‐e wakarakerewiaje.

³⁶ Egi wankshigra hung harninera hakarapenagra shesge hiwiaje, hinugkanag worujeja howakirikjanera, jaja kirianaga egi gikokhi, higuana giruhas‐hirekjege.

³⁷ Wogishawairekjanena ware de‐e, e hungra jaja kirianaga, hikinak’u‐hiegi. Hisgexjina hinigawina E hikipirakjegi egi minag‐wagigianaga waruj‐hirekjanena, egi huanaga wawagirekjanena.

³⁸ Egi wirakara hinup‐eja jigi, shige wirakara hidanieja jigi egi hikinak’u‐wiena wogishawarnakshana ware de‐e.

³⁹ Egi de‐e hipereswire, jhi‐hirukanara hiperesgajeregi wamanukera howagix hajinja jikjanera, hirakaranana egi inke jhi hojhira gixux hokawarninana.

⁴⁰ Esge nishge hirakarawire Wankshig‐hinigra howagixeja jikjanena inke shesge hirarani harajau.

⁴¹ Egi Peter wagena: Hirukanara, washa hisgera de‐e hunagisharagwishe, nigeshge harnaj wawarageshe?

⁴² Egi Hirukanara wena: Peshe ware hirukana wanaiksab egi wogisogra herejeshe, e hirukanara warera wawirukana giginana, warujra wawokaraika janana hijarnajexjinga?

⁴³ Ware she‐e wogishawaxjijena, e hirukana harnira jaja kirigi shesge hijau hiegi.

⁴⁴ Hisgexjina hinigawina hirukanara jarnaga washara harnigi harnaj hirukana giginana.

⁴⁵ Eshi ware she‐e najgera wakarag‐arnana, hirukanara s’i inke kirini sheshi, egi wangwarera wawoji jiranana egi hinug warera, egi warujanaga egi rajganaga jarnignana.

⁴⁶ Warajega hirukana harnira kirikjanena hambeja inke karakjamb nijau egi howagix hajinja kirikjanegi inke hiperes nijau, egi nupihi makunug‐hirekjanena, egi woirowe harnira hokaraikunkjanena inke harnaxgunira wakishu.

⁴⁷ Egi ware she‐e, e hirukana harnira woshgara higiperesgi, egi inke hikorohornigi, inke shige woshgara e heregiginigi, rohaxji hojinekjanena.

⁴⁸ Eshi hisha inke hiperesnigi, egi washara hisha u‐anaga hojinephingi, e watagnig hojinekjanena. Egi hisha roha hok’uinegi, e washara roha karakjamb‐hiranana, egi wankshigra hisha washara roha harnigigiregi e hiraijera gitairekjanena.

⁴⁹ Hajire pej managre egi harnianjina, naixjina higuana ta‐esheshi.

⁵⁰ Niwawaxura hiu nihiwaxuinekjanena egi hoteg hijuanjau waishibjanena.

⁵¹ Managre rashgunira hagarni hajiguni hirarawishe? Inka‐a, hornigitagwina, eshi nupihi khinekjanena.

⁵² Esge epa eja saja hajawigi jhi‐isha khiruje khinekjanena, dani nup hakirakjanena egi nup dani hakirakjanena.

⁵³ Hianjra hinigra khiruje kinkjanihawina, egi hinigra hianjra hakarakirakjanena, hiunira hinugra hakarakirakjanena, egi hinugra hiunira hakarakirakjanena, hikorokera hinugjegra hakarakirakjanena, egi hinugjegra hikorokera hakarakirakjanena.

⁵⁴ Egi hishge wankshignanka wawagena: Jaja wioireregi maxiwi haxeb hashjawiga, higuana wa’sha wishununa: Nishu guhena, egi shesgeshununa.

⁵⁵ Egi jaja wiorojanjeregi maintajehira huhi hashjawiga, wa’shawishununa: Takaj jikjanena, egi shesgeshununa.

⁵⁶ Hipokrit raniwira, maxira egi managre hashjawiga hambra jasgekjanega hirapereswina egi jasgegaja wankshighoi de‐e inke shewesiwiwini?

⁵⁷ Egi jagu‐ungaja inke woehi‐rakik’uwinishe jagu phiankhi?

⁵⁸ Jaja hisha haeraki sheregi hirukanainja, nagueja sharashegi sh’uxjianaga rakhishib nanash’inana, e inke waehi eja harnini hinikjege, egi waehira warukoseja ninushjarehinana, egi warukosnanka jhiwornasse hojhieja hornit’urairanana.

⁵⁹ Hornigitagshana, inke hirahishanabenikjanena jaja harnaj shurashujra hiroweragigigishana.