Johnga 7 - Winnebego Bible Portions 1907

¹ Washa de‐e hageja Jesus Galilea mainja howeunjena. Inke Judea mainja howeuna inijena, Judra d’ehinainanke esge.

² Egi Judra woruj na‐abjohijhi harninera here‐hikorohorna.

³ Wakhinubra esge wagairena: Nigeowarare, egi Judeaeja howarare hironinag‐hirera hishge hajairekjena wore hashinira rak’ungi.

⁴ Egi inke hisha washa unga nuxawa unijena, egi e harusharani hiperes‐hire nankik’injena. Washa de‐e shesgeragi, manegiherenagre eja kikawahare.

⁵ Wakhinub‐rashge inke harnaxguinanina.

⁶ Egi Jesus wawagena: Howagix harnira kheni hingirenina eshi howagix hashiniwira hoishib hinigire harajena.

⁷ Manegirera inke hornish’ig ruxurug hirawinina, de‐eshi hush’ighirena wawagitagra manegiherera wore harninera shishig hireshe hihera esge.

⁸ Woruj‐degi howarawire, inke woruj‐degi wawatanikjanena shegunegi, howagix harnira kheni hingirexjinige esge.

⁹ Egi hoit’e de‐e wawigarnaga Galilea‐eja unjena.

¹⁰ Egi jaja wakhinubra hijowarairegi, egi hishge worujeja howarena inke harusharani, eshi nuxawanisge waunena.

¹¹ Egi Judra horninena woruj‐eja, egi wairena: Hajiuja unjeshe?

¹² Egi eja wankshigra haehixjinakshana. Hota warnakshana, wang phisha heregaja. Hijanera warnakshana, inka, eshi wankshigra waishjanke‐jegaja.

¹³ Eshi hankeisha harusharani higarnijena Judra wanakawairege esge.

¹⁴ Egi ejaxji woruj‐xete hambanaka hokissageja, Jesus wohokhu‐hojhixeteja hokewena, egi washa wagigussana.

¹⁵ Egi Judra khorairena, wairena: Jasgehigaja wang de‐e wowagaxra hiperes, inkaga wawagax‐hajanigaja?

¹⁶ Jesus wornigiharna egi wena: Wogus harnira inke nearninihajena, eshi earnina hisha huingigira.

¹⁷ Hisha woshga earnira unkjegi, wogusra hiperesikjena jasgegi Maura earnigi, nishge nearnira wagajegi.

¹⁸ Peshe hit’at’arnaga ewakigegi, gloria hokini wajanana. Eshi e she‐e gloria hoginigi hugigira, wogisogra erena, egi inke washa shishigra hishinja niharnijarnana.

¹⁹ Jasge Mosesga inke woehira hornik’uwinishe? Egi inkisha woehira ragish’uwinina. Jagu‐u howe d’einananashiwishe?

²⁰ Wankshigra hornihairena egi wairena: Waxopinishishig hashinina, peshe waunjeshe d’eni‐nainakhi?

²¹ Jesus horniharna egi wawagena: Worera hishankira haura egi harnaj nikhorawina.

²² Mosesga majera unigigiwina, inke Mosesga eja howajinina, eshi hianjwarawiga eja howajina, egi Sabath hambeja wangra manajawina.

²³ Wangrisha Sabath hambeja majaire rusgi, inke Mosesga woehi harnira girusheraninana, wogiteg‐niwishe Sabath hambeja wangisha harnaj rushjahara esge?

²⁴ Inke woehi uwinianje jasge hashjawigi, eshi woehi shuwigi woehira wogisog hiwiaje.

²⁵ Egi Jerusalem‐eja herera hota wairena: Inke erejanishe hisha d’ehinainera?

²⁶ Horuxujwire, harusharani hit’at’ajena, egi inke washingarninakshana. Washinukanara hisgexji hiperesnankshe, de‐e hisgexji Kristus waunjegi?

²⁷ Eshi wang de‐e hajinja howajira hinperes‐hajena, jajanagi Kristus jikjanegi, inke hisha hiperesninana hajinja howajikjanegi.

²⁸ Egi Jesus mashja hit’et’ena wohokhu‐hojhixeteja washa wagigusjena, ena: Hinaperes‐harajawina egi hiraperes‐harajawina hajinja wawajira. Egi inke Ne kik’uwauanjinina, eshi E huingigina wogisogra herena, E inke hirapereswinina.

²⁹ De‐eshi hiaperessana, eja wawajige esge, egi E huingigina.

³⁰ Egi rus‐hiunjaxjinena, egi inke hisha nab‐rehinina, howagix earnira kheni higirenige esge.

³¹ Egi wankshigra roha harnaxguna, egi wairena: Jaja Kristus jigi hiraijera wowakanjangra unkjaneshe, wang de‐e unjane worujisjaneshe?

³² Jaja Pharisera naxguinegi wankshigra washa deshesge E haehinankhi, Pharisera egi nabhoruxaj hirukana hungra ware warninera rewagigirena harukos‐hirekjege.

³³ Esge Jesus wawagena: Jowexjinig harnikishu hauanjena egi hisha huingigira E wawakerekjanena.

³⁴ Hunanikjanihawina egi inke hish’enikjanihawina, egi hajinja hauanjegi inke eja rahi shuruxurug‐nikjanihawina.

³⁵ Esge Judra ewakigairena: Hajinja howarekjanegaja, inke hienikjanihawishe? Hellenos horogeja hoeranagre eja howarekjege, Hellenitra washa wagiguisjege wegaje.

³⁶ Jaguawau de‐e weguni, hunarnikjanihawina egi inke hish’enikjanihawina are. Egi hajinja hauanjegi inke hija hi‐shuruxurug‐nikjanihawina?

³⁷ Egi hamb hirowagra xetera herera worujxeteja Jesus nashianaga egi mashja hit’et’egi, wena: Hisha iwusgi eegi howahugigiwire, egi rajgankjena.

³⁸ Hisha harnaixgungi, wowagaxra agra shesge, nishanag niambra nira nixaeja xuinekjanena.

³⁹ Egi de‐e hit’at’ajane Naxirag wagena, jarnaga harnaxgungi she‐e rus‐hirekjanena. Naxirag Wakanjangra kheni wogarnijena, Jesus kheni glorianijege esge.

⁴⁰ Egi wankshigra roha hoit’e de‐e naxgunegi, wairena: Hisgexjingaja de‐e prophetra eregaja.

⁴¹ Hijanera wairena: Kristus de‐e eregaja. Egi hota wairena: Jagu Galilea‐eja Kristus howajikjaneshe?

⁴² Jasge inke wowagaxra shesge arniankshe Dawid su warnieja Kristus howajikjanena, egi Bethlehem jhinageja howajikjanena Dawid hounihera eja.

⁴³ Esge wankshigra nupihi khinankshana ewagarnankshana.

⁴⁴ Egi hota harukos roguinena, eshi inke hisha nabrehinina.

⁴⁵ Egi nabhoruxaj hirukana hungra egi Pharisera ware warninera hagiregi, egi wawagairena: Jagu‐ungaja inke hashinina‐kiriwinishe?

⁴⁶ Warananka hornihairena: Inkaga wankshigrisha hit’era shesgarnigaja wankshig de‐e.

⁴⁷ Egi hornihairena Pharisera: Nishge nigishjankewishe?

⁴⁸ Jasge washinukanara egi Pharisera hisha harnaxgushe?

⁴⁹ Eshi wankshignagre inke woehira hiperes‐hiranige hawewarnagi‐inank.

⁵⁰ Nikodemus wawagena (ewauna Jesus haheregi hirahira e hisha waunakshana),

⁵¹ Jasge woehi harniwina hisha Kheni hinaxguwini haehikjanihawishe, egi jagu unjegi hiperes‐harnaga?

⁵² Hornigihairena egi wagairena: Nishge Galilearanishe? Hornianaga egi horuxujre, Galilea‐eja inke prophetra hisha howajinina.

⁵³ Egi harnaj jhi warnineja howakarairena.