Johnga 2 - Winnebego Bible Portions 1907

¹ Egi hamb hidanihanegi eja khikanag hirekjane Kanainja Galilea mowagaxeja, egi Jesus hiunira hijaunjena.

² Egi Jesus egi shige hironaganankhi wagigoirena khikanageja.

³ Egi nishujra hikirujis‐hirena, Jesus hiunira (Jesus) wagena: Nishujra jushguninena.

⁴ Jesus hiunira wagena: Hinugra inke eja washa worniunianjena, howagix harnira kheni jinina.

⁵ Hiunira waranaka wawagena: Jagura hisha hinigawigishi u‐wianje.

⁶ Egi eja ini rexra akewe hajena, houra sheguhirege Judra kikurusha wouinena, ejaxji metreta nup dani hokipineguni hishankirara (metreta hishankira pexjobra shagowi, shige pexjobra haruwang hokipinena).

⁷ Jesus wawagena: Ni‐rexnanka nira hoixji woshuwire. Egi hoixji woshuirena ihaijipa.

⁸ Egi wawagena: Hisge hinishwinane woruj hirukanara hagarnirawire. Egi harniahirena.

⁹ Egi woruj hirukanara rajgarna nira nishuj uinera, hajinja howajigi inke hiperesnina (egi waranaka nira haguahiregi she‐eshi hiperesnankshana) woruj hirukanara hinugkhanaikjanega gigorna,

¹⁰ Egi wagena: Wangra jarnagagre jeghounegi nishujphi wogaireshununa, egi jaja wangra jarnighirega inke phixji wogairanishununa, nunige nishujphira eotaragaja.

¹¹ Jesus wowakanjangra jegjikerehina Kanainja Galilea mowagaxeja, egi hiperes‐hirekhi gloria harnira, egi hironagananka harnaxguinena.

¹² Hagregi de‐e Kapernaum eja howarena, E‐reanaga egi hiunira egi wakhinubra egi hironagananka, egi inke eja hahi hamb roha uiranina.

¹³ Egi Pasxa woruj Judra harninera herekorohorna egi Jesus Jerusalemeja howarena,

¹⁴ Egi wohokhuhojixeteja wiena shesgera she‐eja jera egi jhasgara egi rujgesgara wawiruwinankshana, egi shura hoikirujana minagnankshana.

¹⁵ Egi wagina xununig wigipsinsh hisha kik’uanaga, harnaj jangra wowahasshana wohokhuhojixetejanaka, egi shige jhasgara egi jera, egi shura hoikirujana wawaxuna, egi shurahashura hakarashu wot’unena.

¹⁶ Egi wawagena rujgesga wiruwinanka, washanagre hijahi waniuwine. Inke Jajiga hojhira woruwihojhi u‐winine.

¹⁷ Egi hironagananka wowagaxra wewinena: Hiwarnuxshagi hishuna jhi‐hashinira jebwinena.

¹⁸ Esge Judra hornihairena egi wagairena: Jaguisha wijanti hinagigikjanihawishe, washa de‐e sh’une?

¹⁹ Jesus horniharna egi wawagena: Wohokhuhojhixete de‐e maisinsh‐hiwire egi hambra danihangi rojahakanagnana.

²⁰ Esge Judra wairena: Ma kerepana‐jopanaga‐akewehashana wohokhuhojhixete de‐e uinena, egi hamb danihakira rojanakanaikjaneshe?

²¹ Wohokhuhojhixete ajane rora wakaragena.

²² Jaja Jesus d’arnagra eja kikawa‐a niambra, hironagananka wewinena deshesge wawigera, egi harnaxguinena wowagaxra, egi hoit’e Jesus arnihera.

²³ Shegunegi Jerusalem eja hira Pasxa worujeja, roha harnaxguna rash harnira, hajairera wowakanjank una.

²⁴ Egi Jesus inke washa wigexjinina wankshigra harnaj wawiperesjege esge,

²⁵ Egi inke hisha hogiragninana wankshigra jasgarnagra, wankshigra jasgarnagra wiperesjege esge.