Hoixgara 7 - Winnebego Bible Portions 1907

¹ Egi nabhoruxaj hirukana hungra wena: Washa de‐e shesgeshe?

² Egi Stephan wena: Wangra hikhinubwira egi hianjniwira, harnaxguwine. Mau glorianagra hianj‐hihiwira Abraham janti‐gikhina, Mesopotamia eja uniharegi kheni Xaran eja jhini,

³ Egi wagena: Ma‐hashininegi hihinabre, egi washawararegi, egi ma‐nige himanigitaikjanera eja hokaware.

⁴ Egi Xaldera mainja hihinabshana egi Xaran eja jhina, egi epa, jaja hianjra d’egi ma‐degi hoixanana, horajhiharajane eegi.

⁵ Egi inke washa hoishjane hok’unina, inka, inke sihakerekjera reshge, shesgarnunige harnikjaneshe mangirajshana, egi su warnira hageja wankshiginegi, kheni ninkjang washa harninijanunige.

⁶ Egi Maura deshesge ena: Su warnira horaje‐hirena mainjahi, egi wankshignanka warnihi wauinena egi washoshishig wagiuinena ma hogihijop.

⁷ Egi wankshig‐howajehira eja warnihinankhi hawewahakjanena Maura ena. Egi hageja hihinab‐hirarnaga egi ma‐degi waigirairekjanena.

⁸ Egi rohira horeishankira khi hok’una majera. Egi Abraham Isaak hagarninena egi hamb‐hiraruanga‐hainja majairena, egi Isaak Jakob hagarninena, egi Jakob Patriarx nup‐hashanara wagarninena.

⁹ Egi Patriarxra Josephga kiwassainena egi Egipteja wiruwinena, eshi Maura hakishu‐unihena,

¹⁰ Egi haweja harnaj wawakaraishena, egi najojaine egi wowanaiksab, hok’una Pharaoh jowehieja, Egipt hungra, egi Pharaoh Joseph hirukana una Egipteja egi jhi earnira harnaj.

¹¹ Egi eja dokewehira jina Egipt‐mara harnaj egi Kanaan egi hawera rokanainena. Egi hianj‐hiwahiwira inke waruj hikieranina.

¹² Egi jaja Jakob naxgungi Egipt‐eja waisgab‐nankhi jegjira hianj‐hiwahiwira rewagigina,

¹³ Egi hinupahana hahiregi Joseph wakhinubra hipereshirekhina, egi Joseph washawahira Pharaoh hiperes‐hina.

¹⁴ Egi Joseph rewagigina, egi hianjra Jakob hirajikjege egi washawahira harnaj, wankshigra kerepana‐shagowi‐anaga‐saja‐hashanana.

¹⁵ Egi Jakob Egipt‐eja hina egi d’ena e‐hereanaga egi hianj‐hiwahiwira.

¹⁶ Egi Sixem‐eja warniahirena egi warnaxi‐hoshueja wot’umbhirena, e Abraham Emmor hinigwahira shura wawigiruwina Sixem‐hianj‐hirera herena.

¹⁷ Egi jaja womangirajra hambra hiwusunsh haregi e Maura Abraham wihogigira, wankshig Egipt‐eja‐nanka worohaxji harena,

¹⁸ Unank’u hung hijanesha nashina, e Joseph inke hiperesnina.

¹⁹ E wouphi hiu wakirana washiwahiwira, egi hianj‐hiwahiwira washoshishig wagiuna, ninkjang xununigra warninera nige wot’unewahina d’ewahinainge.

²⁰ Moses wankshig‐hoinga eja, Maura jowehieja mashja ninkjang phisha herena, egi hianjra hojhieja wi daniha hakaraninena.

²¹ Egi jaja nige hot’unairegi, Pharaoh hinugra rusarnaga egi xetehina e hinig‐hikjege.

²² Egi Mosesga Egipt‐wankshig washoiperes harninera harnaj hiperessana, egi rokanana hoit’era egi woshgara.

²³ Egi jaja ma‐kerepana‐jopahangi, wakhinubra Israel ninkjangra wawoma‐karakhini rekjehire najgera jijena.

²⁴ Egi hisha washa wowonk hirawe‐hinank’u hajarna, karashigshana egi gikarakjena hawehinanka, egi Egiptwankshigjega d’ehina.

²⁵ Wakhinubra hiperes‐hirana hirege wauna, Maura jasgehinara Mosesga hiuanaga wawakaraishenara, eshi inke naxguiranina.

²⁶ Egi haini joweja wirahina kikitagnank’u egi waroxina rashguni wahinai, wena: Wangra, rakhikhinubwigaja jagu‐u washa wowonk rakik’uwishe?

²⁷ Eshi hisha hikiwusunshra washa wowonk giunjega nige howahas‐shana wena: Peshe wirukana niushe, egi hae‐hinakjawi‐niushe?

²⁸ Nishge d’einakjaneshe xjanane Egipt‐wankshig hisha d’erara shesge.

²⁹ Egi Mosesga gias‐shana deshesge e‐gi, egi hijahi hereisha herena Madian mainja, eja wangra nup hagarninena.

³⁰ Egi jaja ma‐kerepana‐jopahara haixagi mojaina Sinai xeja Jehowa waxopiniwarajire harnira pej janti‐gikhina xatabeja.

³¹ Egi jaja Mosesga hajagi khorena hajaga, egi hiwusunsh howarena horuxuj, Jehowa hora hirajina, wena:

³² Hianjwaraga Mau harninera newinena Abraham Mau harnira egi Isaak Mau harnira egi Jakob Mau harnira, egi Mosesga gissassana egi inke horuxuj ruxurugnina.

³³ Egi Jehowa wagena: Waguje hashinira kurushorojre, ma harnanashirajega ma wakanjang nige herena.

³⁴ Wajhajena, wajharna Egipt‐eja wankshig warnira hawarnagra, egi harnagra warnaxgu hajina egi tarnaga wawakaraishekjanena. Egi hure Egipt‐mainja howareningigikjanena.

³⁵ Moses de‐e, e wajis‐hirena, wairena: Peshe wirukana egi hae‐hinakjawi‐niushe? E Maura regigina wirukana egi wawakaraisheisha, waxopiniwarajire nab hiu e xatabeja jantingikhina.

³⁶ E harni wihinabshana, washa wowakanjank egi washa woijanti Egipt‐mainja wagiuna egi te‐shujeja egi mojainainja ma‐kerepana‐jopaha.

³⁷ Moses de‐e erena, e Israel ninkjangra wawagena: Prophet hisha Jehowa Mau hashinira warakhinubeja nashi ningikerekjanihawina hiakisgeisha e harnaxguwiaje.

³⁸ De‐e erena, mojaina hostoeja waxopiniwarajire hakishu una, E hokit’airena Sinai xeja, egi hianj‐hiwahiwira wakishu, E Mau hoit’e niambra hokuinera egi rus‐anaga wangokunkjawige.

³⁹ E hianj‐hiwahiwira inke giuiranina, eshi wajis‐hirena, egi najge warninera shige hakja Egipt‐eja howakarairena.

⁴⁰ Aaron wagairena: Mau hinkikunkjawina wangajogini hirekjawina, Moses de‐e e Egipt‐mainja harni wangihinabwira jasgehigaja waungi inke hinperes‐winige.

⁴¹ Egi hamb‐eja je‐ningsisha uinena egi nabgiruxaj hirena maukikuinera egi wogishawarnankshana wore nab warninera uinega hawau.

⁴² Egi Maura hijahi hopahikikerena, egi wagirushjanehina wangregi worohankhi gikarajra. Prophet wawagax harnieja wagaxangra shesge: Israel hojhi raniwira wanoijge d’ehire nab‐hinagishuruxajwishe egi hunak’uwi ma‐kerepana‐jopaha mojainanegi?

⁴³ Egi Molox jhi‐harnira shuruswina, egi Remphan mau hashiniwira wiragoshge harnira woijantira she‐e e wagikaraj wash’uwina, egi Babilon hawinjeja harninihahikjanihawina ena.

⁴⁴ Egi hianj‐hiwahiwira waipere‐hijhi‐wohokhu‐hojhira harniranihena mojainainja shesge hinshige, E Moses hogiragshana hokiwagaxra jasge hashjare exji herehiaje higena.

⁴⁵ Waipere‐hijhi de‐e hianj‐hiwahiwira harni‐wagigiregi Joshua hakishu harni‐hajirena jaja hirarujeja herera ma harninera harninegi, e Maura wawahassana hianj‐hiwahiwira hishja jowehireja, Dawidga wankshighoinegi hipa uinena.

⁴⁶ Dawid Maura jowehieja najojaine hiena, egi gikarajshana Jakob Mau harnira hojhira hienainge.

⁴⁷ Eshi Salomon jhixeteisha giuna.

⁴⁸ Eshi Eshana Xetera inke wohokhu‐hojhixete nab hiuine hojhininana, prophetra shesge ena.

⁴⁹ Wangregiagre waminag harnira herena, egi mara sihakere harnira herena, jhi jaguisha hinagish’unkjanihawishe, Jehowa ena, egi hajainja ma‐hoxgasigi harnira herekjaneshe?

⁵⁰ Jasge inke nab harnira hiauanaga washa de‐e harnaj waunishe?

⁵¹ Jashe gsaj‐harajane, egi najgera egi shige nuxhopoxra inke majharni‐harajane, hoishib Naxirag Wakanjangra shawajis harajena, hianjwarawiga shesge hirera nishge sh’uanajawina.

⁵² Prophet hajinjajega hianjwarawiga inke hawehiranishe egi d’ewahirena? Jarnaga Phi de‐e jikjanegi horaghirera, E shegunegi himanagra egi d’ehira neninewina.

⁵³ Ne woehira harniningigirawina waxopiniwarajire woshga harninera hereguni hirewahi, egi inke sh’uni harajena.

⁵⁴ Jaja washa de‐e naxguinegi, najge warninera wamakunug hireguni hirewahina egi hi‐harusge‐sgexji hirena.

⁵⁵ Egi Stephanga Naxirag Wakanjangra hoixjinjena wangregi horuxuj‐jena egi Maura gloria harnira hajarna egi Jesus Maura nab‐hoishorohieja nashinje hajarna.

⁵⁶ Egi wena: Horuxujwire, maxira ruhas hajharna egi Wankshig‐hinigra Maura nab‐hoishorohieja nashinjena.

⁵⁷ Egi mashjaxji uwainena egi nux‐hopox warninera wakawasunsh hirena egi hagakiraha harnaj harnihimbhirena.

⁵⁸ Egi jhinag jangeja hot’unairena egi ini hirojinena, egi wihohinanka waini warninera wang‐hojinjisha si‐hieja wakshuirena, rashra Saul higairena.

⁵⁹ Egi Stephanga ini hirojinena Maura gikarajnank’u, wena: Hirukanara Jesus naxirag harnira rusre.

⁶⁰ Egi huporo‐himinagshana egi mashja hit’et’ena, Hirukanara washa woishana de‐e inke washurnianje, egi jaja deshesge e‐gi, nana.