Hoixgara 3 - Winnebego Bible Portions 1907

¹ Egi Peter egi Johnga hakikishu wohokhu‐hojhixeteja howarairena gikaraj houna herege howagix hishankijushgunieja herena.

² Egi wangisha ejanakshana, hiunira jungi epa manira rushagshana, e ruanankshana. E wohokhu‐hojhixeteja jhirob hajaphira higairera, eja t’umb‐hireshununa hambhokahi, wawagitashununa jarnaga wohokhu‐hojhixeteja hokewega.

³ E wajarna, Peter egi Johnga wohokhu‐hojhixeteja hokewe hikorohoiregaja, wawagitarna.

⁴ Egi Peter egi Johnga hakishu horuxujwina, wagena: Hunuxujwire.

⁵ Egi waworuxujina washok’uinekjanihe karakjampshana.

⁶ Egi Peter wena: Shurasgara egi shurasira hijushgunina, eshi jaguisha harnira hornik’unkjanena: Jesus Kristus Nasaretheja herera rash harnira hiu, nashine egi manine.

⁷ Egi nab‐hoishoroija harukossana, egi nashingigina, egi higuana si warnira egi sikaho‐kshukshuna shjainena.

⁸ Egi damp‐jiranaga nashina egi manina, egi wohokhu‐hojhixeteja wakishu hokewena, manijena, egi da’dampshana egi Maura rajankjena.

⁹ Egi wankshigra harnaj hajairena, manijera egi Maura rajankjera.

¹⁰ Egi higirena erera watarnakshunura wohokhu‐hojhixete jhirob hajaphi higairera eja, egi mashja khorairena egi xixhirena wangjega washa giuinega.

¹¹ Egi wang manirushag rushjahirega Peter egi Johnga wakishu unjena, wankshigra harnaj wastoirena jhiakohisha Salomon harnira higairera eja, mashja khorairena.

¹² Egi Peter wajagi, wankshigra wawagena: Israel wankshig raniwira, jagu‐u de‐e nikhorawishe, egi jagu‐u hu‐shuruxuj harajeshe? Ne homashja harniwingi egi wowakanjank harniwingi waunguni hirarawishe, wang de‐e manira?

¹³ Abraham egi Isaak egi Jakob Mau harninera, hianj‐hiwahiwira Mau harninera, glori‐gigirena Hinigra Jesus, E shurushja‐rerawina egi khibarawina Pilatus jowehieja jaja girushjanehina‐ira.

¹⁴ Eshi shawajiswina Wakanjang hisha herera egi Phisha herera, egi roraguwina wankshig‐d’ehisha herera hornik’uinekjawige.

¹⁵ Egi wankshighoi howajira d’erawina, E Maura kikawa‐agigina d’arnagra eja howakiri, wihohira newangerewina.

¹⁶ Egi rash earnira, harnaxgunge wauna egi rash earnira hiu wang de‐e shja hirare, e hashjarajena egi hiragiwina, harnaxgu wangagiuwina waunge de‐e rushjaxjina jowerawiregi unjane.

¹⁷ Egi shegunegi, hikhinubwira wornigixetewina, hiaperes‐shana, inke hirapereswinige wash’uwingaja, egi shige washinrukana washiniwira.

¹⁸ Egi washa de‐e, Maura jornineja horagshana, prophet warnira harnaj horag‐wagigina, Kristus jasgegi hawekjanera, shesge hina.

¹⁹ Esge najgera‐karategwire, egi wakshawine, washa woishana washiniwira wanigit‐’unekjawina, niambwahira Hirukanara hishjahieja howajikjanena.

²⁰ Egi Jesus Kristus jinigigikjanihawina, E jornineja hornikhuwina.

²¹ E wangregi rus‐hirena, washara jarnagaki harnaj hoishibregi epa Maura horagshana prophet wakanjank warnira harnaj horag‐wagigina, managre jinagra epa.

²² Mosesga wogisogji hianj‐hiwahiwira wawogiragshana: Hirukana Mau hashiniwira prophet‐hisha kikawaaningigikjanihawina warakhinubwieja, wai‐uanjane shesgera, E harnaxguwianje, higu jagura hisha hinigawigi.

²³ Egi herekjanena, naxiragra jarnaga prophet de‐e inke harnaxgunigi, maisinsh‐hirekjanena wankshig horogregi.

²⁴ Egi prophetra harnaj Samuel epa egi jarnaga hageja herera, jarnaga hit’at’airera hishge hambnagre jornineja horaghirena.

²⁵ Prophetra ninkjang warninera neninewina, egi Maura hianjiwahiwira rohira hikisge wakhina (ninkjangra neninewina), jaja Abraham wagena, egi su hashinira waunkjanena wankshigra maneginagre harnaj washophi hirajirekjanena.

²⁶ Ne jorni hiranijiwina, Maura Hinigra Jesus kikawaahina, egi hugigianaga wogishawaniwina, washa woishana ura harnaj wakshanigigiwina.