Hogusra 8 - Winnebego Bible Portions 1907

¹ Egi Maura Noah egi washa niambra harnaj egi jera harnaj wawewina e waj‐eja wakishu ura. Egi Maura ma hihagra maintajehi howehina egi nira raxuwakerena.

² Ma‐i hoshewejananka egi wangregi nija jhirobra hornassairena, egi wangregi nishu howajira harushjahina.

³ Egi nira mainja hashuaka hokiwaksha hossagankshana egi nira raxona, hamb hogihishanaga kerepana‐saja hashanahainja.

⁴ Egi wi hishagowieja hamb kerepanaishanaga hishagowi‐hashanaija wajra Ararat xe hihageja hiwusharna.

⁵ Egi nira hoishib hokurujis rahena wi hikerepanaishainja hipa. Wi hikerepanai‐shainja hamb jornieja xe hissawara jantinena.

⁶ Egi herena hambra kerepana‐jopahangaja Noah wajhirohambra ruhassana e ura.

⁷ Egi Kax‐isha regigina, e rarnaga egi kirina, nira ma hihagregi hashuakhi raxoxji ejipa.

⁸ Egi shige rujge‐sgaisha regigina hajakjege nira raxoakhi ma hihagra.

⁹ Eshi rujge‐sgajega siroku harnira inke hornashi higienina, egi hakja kirina hirakirina waj‐eja, manaka harnaj ni hashuake esge. Egi nabra haxeb‐hirehianaga egi russana egi waj‐eja howakirigu hina.

¹⁰ Egi hambra shagowiha hapena, egi shige rujge‐sgara waj‐eja hihinab‐gigina.

¹¹ Egi rujge‐sgara hoxjarnanegi hirakirina, egi horuxujre, Oliw ab‐hisha rawax rawakirina, de‐shesgera Noah hiperessana mara ni hashuagra raxora.

¹² Egi hambra shagowiha hiraijera hiwusharna, egi rujge‐sgara regigina e inkaga shige hakja hirakirinina.

¹³ Egi herena ma hogihi hirakewe‐hainja egi maishangaja, wi jornieja hamb jornieja, mara ni hashuagra wusshana. Egi Noah waj‐anka hirarukana russana egi hajarna.

¹⁴ Egi wi hinupahainja, hamb kerepananup‐anaga hishagowi‐hashanainja mara wus‐shana.

¹⁵ Egi Maura Noah hokit’ena wena:

¹⁶ Wajregi hihinabre, ne‐ninearnaga egi hijawiraga, egi hinig‐waraga egi hinig‐waraga hijawi‐wahirera wakishu.

¹⁷ Harniwihinabre washa niambra jarnaga harakishu sh’ura, rora harnaj, ahuirassara egi jera egi washa kikurutira jarnaga ma hihagregi kikurutiakhi, e manegi howe horajairekjena egi wojairekjena, egi ma hihagregi worohankjena.

¹⁸ Egi Noah hihinabshana egi hinigwahira egi hijawira egi hinigwahira hijawi‐wahirera wakishu.

¹⁹ Wanoijgera harnaj, washa kikurutira harnaj, egi ahuirassara harnaj, egi washa jagu ma hihageja kikurutiakhi howajehi hokirajra waj‐eja hihinabhirena.

²⁰ Egi Noah nab‐horuxaj ha’uisha Jehowa gi’una, egi wanoijge sge rusanaga egi ahuirassa sge egi nab‐hiruxaj daxuhira daxuhirena nab‐horuxaj ha’ueja.

²¹ Egi Jehowa horupanana pana phira. Egi Jehowa najge harnieja wena: Inke shige hinupahana managre washoshishig howe harnikje wankshignagre eja hawau, wankshignagre najgewarninera wowewira shishig hirege, xununig hiregi epa. Inke shige washa niambra harnaj d’ewahara, shesge harnikje.

²² Jajaixji mara nihegi, max‐hoshu hoshura egi maxhikishere, egi sinihira egi takajra, egi dogra egi manira egi hambra egi hahera inkaga harushjanikje.