Hogusra 5 - Winnebego Bible Portions 1907

¹ Wawagaxra de‐e herena Adam hokijhu wowagax harnira. Hamb‐eja Maura wankshigra gussana, Maura hoikawankhina.

² Wangra egi hinugra wagus‐shana, egi washophi howe warogiguna. Egi hamb‐eja jaja wagusgi rashra wankshigra wigena.

³ Egi Adam mogihishanaga egi kerepana‐daniha hashana wankshig ingaja egi hojinjinig hisha hagarninena hikarakisgena hoikawankshana egi rashra Seth higena.

⁴ Egi Adam hamb warnira, Seth harnianaga hageja ma hogihi‐haruwanga‐hanegi, egi hinigwahi jhuna egi hinugwahi.

⁵ Egi Adam hamb warnira harnajra ma hogihi‐hishankijushgunianaga egi kerepana‐dani hashanaha wankshigina egi d’ena.

⁶ Egi Seth ma hogihishanaga egi saja‐hashanaha wankshig‐ingaja egi Enos hagarninena.

⁷ Egi Seth Enos hagarnirarnaga hageja ma hogihiharuwang‐anaga egi shagowi hashanaha wankshig‐ingaja egi hinigwahi jhuna egi hinugwahi.

⁸ Egi Seth hamb warnira harnajra ma hogihi‐hishankijushguni‐anaga egi kerepanaishanaga‐nuphashanana egi d’ena.

⁹ Egi Enos ma kerepana‐hishankijushguni‐gaja egi Kenan hagarninena.

¹⁰ Egi Enos Kenan hagarnirarnaga hageja ma hogihiharuwang‐anaga kerepanaishanaga‐saja‐hashanaha wankshig‐ingaja, egi hinigwahi jhuna egi hinugwahi.

¹¹ Egi Enos hamb warnira harnajra ma hogihi‐hishankijushgunianaga egi saja‐hashanahana egi d’ena.

¹² Egi Kenan ma kerepana‐shagowiha wankshig‐ingaja, egi Mahalalel hagarninena.

¹³ Egi Kenan Mahalalel hagarnirarnaga hageja ma hogihi‐haruwang‐anaga egi kerepana‐jop‐hashanaha wankshig‐ingaja egi hinigwahi jhuna egi hinugwahi.

¹⁴ Egi Kenan hamb warnira harnajra ma hogihi‐hishankijushguni‐anaga egi kerepanaisha‐hashanana, egi d’ena.

¹⁵ Egi Mahalalel ma kerepana‐hakewe‐anaga egi saja‐hashanaha wankshig‐ingaja egi Jared hagaruinena.

¹⁶ Egi Mahalalel Jared hagarnirarnaga hageja ma hogihi‐haruwang‐anaga egi kerepana‐daniha‐hashnaha wankshig‐ingaja egi hinigwahi jhuna egi hinugwahi.

¹⁷ Egi Mahalalel hamb warnira harnajra ma hogihiharuwang‐anaga kerepana‐hishankijushguni‐anaga egi saja‐hashanana, egi d’ena.

¹⁸ Egi Jared ma hogihishanaga‐kerepana‐hakewe‐anaga egi nuphashana‐hangaja egi Xanox hagarninena.

¹⁹ Egi Jared Xanox hagarnirarnaga hageja ma hogihiharuwangaha wankshig‐ingaja egi hinigwahi jhuna egi hinugwahi.

²⁰ Egi Jared hamb warnira harnajra ma hogihi‐hishankijushguni‐anaga kerepana‐hakeweanaga egi nup‐hashanana, egi d’ena.

²¹ Egi Xanox ma kerepana‐hakeweanaga egi saja‐hashanaha wankshig‐ingaja egi Methusalah hagarninena.

²² Egi Xanox Methusalah hagarninarnaga hageja Maura hakishu manina, ma hogihi‐danigaja egi hinigwahi jhuna egi hinugwahi.

²³ Egi Xanox hamb warnira harnajra ma hogihi‐danianaga kerepana‐hakeweanaga egi saja‐hashanana.

²⁴ Egi Xanox Maura hakishu manina, egi inka‐washinina, Maura rusge esge.

²⁵ Egi Methusalah ma hogihishanaga kerepana‐haruwanganaga egi shagowi‐hashanaha wankshig‐ingaja egi Lamex hagarninena.

²⁶ Egi Methusalah Lamex hagarnirarnaga hageja ma hogihi‐shagowianaga kerepana‐haruwanganaga egi nuphashanaha wankshig‐ingaja egi hinigwahi jhuna egi hinugwahi.

²⁷ Egi Methusalah hamb warnira harnajra ma hogihihishankijush‐gunianaga kerepana‐hakeweanaga egi hishankijushguni‐hashanahana, egi d’ena.

²⁸ Egi Lamex ma hogihi‐shanaga kerepana‐haruwanganaga egi nuphashanaha wankshig‐ingaja hojinjinig hisha hagarninena.

²⁹ Egi rashra Noah higena, wena: De‐e e wangarukhegkjanihawina wore hiwarniwieja egi washa wojexi hawe harniwieja manegi howajira, e Maura hoshishig‐howe hira.

³⁰ Egi Lamex Noah hagarnirarnaga hageja ma hogihisajanaga kerepana‐hishankijushguni‐anaga egi saja‐hashanaha wankshig‐ingaja egi hinigwahi jhuna egi hinugwahi.

³¹ Egi Lamex hamb warnira harnajra ma hogihi‐shagowi‐anaga kerepana‐shagowi‐anaga egi shagowi‐hashanahana, egi d’ena.

³² Egi Noah ma hogihi‐sajahangaja egi Shem hagarninena egi Ham egi Japhet.