Hogusra 49 - Winnebego Bible Portions 1907

¹ Egi Jakob hinig‐wahira wakaragigorna egi wena: Stokhiwine, e hornigitagi‐kjawina joweregi jasge horawe‐kjawira.

² Sto‐khiwianaga egi harnaxguwine Jakob hinig‐hire raniwira egi hianj‐rawiga Israel harnaxguwine:

³ Ruben ne jeg‐jhuine harninina, maishjanegi harnira neninena egi jeg sh’un shuna homashja harnieja, gish’aghirera ne jorni ninena, homashjara neshana hiraninjerana.

⁴ Hixga worniwategshana ni hirakisgena. Inke jowera ninenikjanena, hianjraga homig harnieja rahige esge, homig harnira shishig‐rana hihageja rahige.

⁵ Simeon egi Lewi kikhinub‐hirena, wigijgux warninera washa wowonk hiu wirokhu warninena.

⁶ Naxirag harnira inke woehi harnineja hinikjanena, hosto harnineja hoish’ag harnira inke eja niharnikjanena, wogiteg hirera wang d’ehirena egi jera manira rush’agwahirena.

⁷ Wogiteg harninera washoshishig howarnana, rokanage esge, egi howogiteg harninera wowonk wauinege esge, Jakob eja khiruje wahakjanena egi Israel eja hoerairekjanena.

⁸ Juda neninena warakhinubra ningish’ag hirekjera, nab hashinira jashe‐eja warukoisjanena hokikje‐warajabra, hianjraga ninkjang warnira joweraija wakhurekjanena.

⁹ Juda shung‐shishig ning hisha herena, hinig‐haxji, washa warnarashe‐arnaga ronikana rajijena, khushi minganaga shung‐shishig wakerej‐sh’una egi shung‐shishig hinug hikisgena, peshe wahas ruxuruikjeshe?

¹⁰ Skeptra inke Juda khirujarni‐kjanena egi shige woehi wogara inke si hojakenainja khirujarni‐kjanena Shiloh jigi ejipa, wankshigra she‐e harnaxguinekjanena.

¹¹ Shungxete‐najawaxete ningra habsinsh‐hueja kurusgij‐jikjanena, egi shungxete‐najawaxete hinigra habsinshhu phixjieja kurusgij‐jikjanena. Wonashi warnira nishuj hik’un rushakjanena egi waini warnira habsinsh wa‐i wirushakjanena.

¹² Hishjasu ewarnira nishuj hishuj‐hirekjanena, egi hi ewarnira jewasni hisgairekjanena.

¹³ Sebulon teja hogiaseja jhikjanena egi wajra e hauninekjanena, egi Sidon eja hipa harnikjanena.

¹⁴ Issaxar shungxete‐najawaxete mashjaisha herena wak’in hojakenainja hura shib‐harnikjanena.

¹⁵ Egi hoxgasigi she‐e phira hajarna egi mara phira egi khushi hinejra harnianaga wak’inkjanena egi wanihi ware unkjanena.

¹⁶ Dan wankshig ewarnira wawirukana‐kjanena Israel howajehi warnira hisha herekjanena.

¹⁷ Dan wakhaisha herekjanena nagu‐jejejanank egi Adder mowe nagu‐ejanank, she‐e shungxete sikainja haraxjagnana, shung‐haminagra hageja hoshibre hinana.

¹⁸ Hirukana harnixji wankshig‐hoi hashinira hape hajena.

¹⁹ Gad, e manape horniheisha hakiraire‐kjanena, eshi hahi hiroageja wawarna‐kjanena.

²⁰ Asher eja howahi waruj earnira shinkjanena, egi hung woruj eja howajikjanena.

²¹ Naphtali jhaisha herena shgare un egi hera shja nashina.

²² Joseph na‐akarajge wojaisha herena. Na‐akarajge wojaisha ma‐ihijejeja haxebisha herena, akarajge warnira ini‐nawajag sanig‐eja howa‐hiarairena.

²³ Shesgarnunige waguj‐phira wogiteg hirekjanena egi guj hiranaga, egi hosh’ig‐hirekjanena.

²⁴ Shesgarnunige majgu earnira gishjani‐hekjanena, a warnira nab e warnira mashja wahirekjanena Jakob Mau harnira nab homashja harnira waunkjanena. Jhasga hirakaraija howajikjanena E Israel inixete harnira.

²⁵ Mau hianjraga harnira, E ningijire‐kjanena, egi Homashjara harnaj harninagra eja howaji E naj‐hornijankjanena wangregi howaji naj‐hironi‐jankjanena, egi washa phi khuhanegi nankhi naj‐wironi‐jankjanena, egi was‐eja washophi howajikjanena, egi waujganag‐eja washophi howajikjanena.

²⁶ Hianjraga naj‐woja warnira hijairana hianj‐wahara harninera e worujis‐shana, manegus xe‐hoshejainja najwiroja she‐e Joseph nassu harnieja jekjanena, egi jaborniha harnira e wakanjank‐hirekjanena wakhinubra horogeja.

²⁷ Benjamin shungjang hisha herena, wanoijge d’ehisha herekjanena, hainixjinig wanoijge d’ehira ruj‐janena, egi hoxjarnagi wanoijge d’ehira wawikiwe‐ninekjanena.

²⁸ De‐e harnajra Israel wankshig howajehi nup‐hashanara hererena. Egi de‐e hererena hianj‐hirera wawirokit’era egi naj‐wawirojana. Jarnaga hajawinga jasgeshana naj‐hiroja phi hirawigi, naj‐wawirojana.

²⁹ Egi un‐washina egi wawagena: Wankshig warnieja sto‐winena, hianj‐wahara wakarakishu hinxawire, nishhopoxeja Ephron max harniejajera Hittit wankshig hisha.

³⁰ Nish‐hopoxra Maxpelah mainja‐jera, e Mamre joweja jena Kana‐an mainja, e Abraham Ephron Hittit wankshig‐hisha max harnira giruwina, hokixaire ma harnikjege.

³¹ Eja Abraham xairena, egi hijawira Sarah, egi eja Isaak xairena egi hijawira Rebekah, egi eja Lea haxena.

³² Max ruwinga egi nish‐hopox hijajega Heth ninkjangeja horussana.

³³ Egi jaja Jakob hinig‐wahira un‐washira rashjangi, si warnira homing‐eja wawokshurna, egi d’ena, egi stoirena wankshig warnieja.