Hogusra 46 - Winnebego Bible Portions 1907

¹ Egi Israel gixananena washara jarnaga harnigi harnaj hakarani, egi Be‐er‐sheba eja hina, egi hianjra Isaak Mau harnira nab‐giruxajshana.

² Egi Maura Israel haheregi washanja hirokit’ena egi wena: Jakob, Jakob, egi Jakob wena: Eegi hajena.

³ Egi wena: Maura ne‐winena, hianjraga Mau harnira. Egipt‐eja howarera inke nakawarnine, eja wankshighowajehi xete niunkjanege.

⁴ Egi Egipt‐eja harnikishu hahikjanena, egi jasgegi shige hakja harnini hakirikjanena. Egi Joseph nab harnira hikuanaga hishjasu washinira warnigi‐waisgabkjanena.

⁵ Egi Jakob Be‐er‐sheba‐eja nashinena. Egi Israel hinig‐wahira hianj‐hirera Jakob harutirena egi xununig warninera egi hijawi‐wahirera warutirena, e Pharaoh wawirutirekje hu‐wagigira.

⁶ Egi je warninera wakaraninena egi jhi‐woirokhu warninera, e Kana‐an mainja waruxurug‐hirera, egi Egipt‐eja hahirena, Jakob egi su warnira harnaj wakarakishu.

⁷ Hinig‐wahira egi hinig‐wahira hinig‐wahirera wakishu, hinug‐wahira egi hinig‐wahira hinug‐wahirera, egi su warnira harnaj Egipt‐eja warnijina.

⁸ Egi de‐e Israel ninkjang warnira rash warninera hererena, e Egipt‐eja hahirera, Jakob egi hinig‐wahira: Jakob jeg‐jhuine harnira Ruben.

⁹ Egi Ruben hinig‐wahira, Hanox egi Phal‐lu egi Hesron egi Karmi.

¹⁰ Egi Simeon hinig‐wahira: Jemuel egi Jamin egi Ohad egi Jaxin egi Sohar egi Sha‐ul Kana‐anit wankshig hinugisha hinigra.

¹¹ Egi Lewi hinig‐wahira: Gershon, Kohath egi Merari.

¹² Egi Juda hinig‐wahira: Er egi Onan egi Shelah egi Phares egi Sarax, Eshi Er egi Onan Kana‐an mainja d’airena. Egi Phares hinig‐wahira de‐e hererena: Hesron egi Hamuel.

¹³ Egi Issaxar hinig‐wahira: Tola egi Puwah egi Job egi Shimron.

¹⁴ Egi Sebulon hinig‐wahira: Sered egi Elon egi Jale‐el.

¹⁵ De‐e Lea hinig‐wahira hererena, e Mesopotamia‐eja Jakob wagarnina egi hinugra Dinah hirassa hagarninena. Hinig‐wahira egi hinug‐wahira harnajra kerepana‐danianaga dani‐hashanana.

¹⁶ Egi Gad hinig‐wahira de‐e hererena: Siphion egi Haggi, Shuni egi Esbon, Eri egi Arodi egi Areli.

¹⁷ Egi Asher hinig‐wahira de‐e hererena: Jimnah egi Ishua egi Isui egi Beriah egi hinug‐khinub hirera Serah. Egi Beriah hinig‐wahira de‐e hererena: Heber egi Malxiel.

¹⁸ De‐e Silpah hinig‐wahira hererena, e Laban hinugra Lea hok’ura egi de‐e Silpah Jakob wagarnina, naxiragra kerepanaish‐anaga hakewe‐hashanana.

¹⁹ Jakob hijawira Raxel hinig‐wahira de‐e hererena: Joseph egi Benjamin.

²⁰ Egi Joseph Egipt mainja Manasseh egi Ephraim wagarninena, Potipherah nab‐horuxaj hirukanara On eja hereisha herera hinugra Asenath e wagarnina.

²¹ Egi Benjamin hinig‐wahira de‐e hererena: Belah egi Bexer egi Ashbel, Gerah egi Na‐aman, Ehi egi Rosh, Muppim egi Huppim egi Ard.

²² De‐e Raxel hinig‐wahira hererena, e Jakob wagarnina, naxiragra harnajra kerepanaish‐anaga jop‐hashanana.

²³ Egi Dan hinig‐wahira de‐e hererena: Hushim.

²⁴ Egi Naphtali hinig‐wahira de‐e hererena: Jase‐el egi Guni egi Jeser egi Shillem.

²⁵ De‐e Bilha hinig‐wahira hererena, e Laban hinugra Raxel hok’ura egi Bilha Jakob de‐e wagarnina, naxiragra harnajra shagowina.

²⁶ De‐shenaga naxiragra Egipt mainja Jakob wakishu jina, ro warnieja howahirera, Jakob hinig‐wahira hijawiwahirera hirassara, naxiragra harnajra kerepana‐hakeweanaga egi hakewe‐hashanana.

²⁷ Egi Joseph hinig‐wahira Egipt‐eja wagarninera naxiragra nupiwina. Jakob hojhira naxiragra harnajra Egipt‐eja hajirera kerepana‐shagowina.

²⁸ Egi Jakob Juda jowera howare‐gigina Joseph hirahikjege, Goshen mara wagiunena Joseph himagiraikjege. Egi Goshen mainja hahirena.

²⁹ Egi Joseph hiraruti harnira hirushja karagina, egi Goshen e howarena hianjra Israel haki‐hikjege, egi jaja hikipagi nat’umbshana egi jashe‐eja s’i xagshana.

³⁰ Egi Israel Joseph wagena: Gajanga rashguni jhekjanena, hishja hashinira hajhage wankshig‐shin‐rajege esge.

³¹ Egi Joseph wakhinubra wawagena, egi hianjra hojhira: Tarnaga egi Pharaoh wagitaikjanena egi wagekjanena, wakhinubra egi jajiga hojhira Kana‐an mainja unagra hiraijirena.

³² Egi wangra wanoijge hirakara hirena, wang wanoijge harninena egi jhasga warninera, egi je warninera wakarani‐hajirena egi jarnaga washara harninegi harnaj.

³³ Egi herekjanena, jaja Pharaoh ningigowigi egi wekjanena: Wore jagu un‐raniwishe?

³⁴ Washekjawina: Ware washinira wanoijge nihirena, hixununig wireja hipa, ne‐winewige shige hianj‐wahawira, Goshen mainja hajhikjawina, Egipt wankshigra wanoijge hirakarara harnaj wawowasherenanke esge.