Hogusra 44 - Winnebego Bible Portions 1907

¹ Egi Joseph jhi hirukana harnira ushina wagena: Wangnagre pa warninera warujra hoixji wogishure, jarnaga k’in ruxurug hiregi, egi wangnaka harnaj shura warninera pa ihaija wogishuaje.

² Egi ni‐wirajga harnira, ni‐wirajga shura‐sgara hija hokereaje xunujega pa iha harnieja egi shura waisgab hiruwira. Egi Joseph jagu era shesge hina.

³ Egi jaja hambgugi, wangra kere‐wagigirena ereranaga egi shungxete‐najawaxete warninera.

⁴ Egi jaja jhinagra hagixeb‐hiranaga, egi kheni hari hagirani Joseph jhi‐hirukana harnira wagena: Xapgigige, wangra waruxare, egi jaja waworaxeregi, wawagaje, jagu‐u washophi ningiuwina washoshishig woirowe hinagigiwishe?

⁵ Jasge inke de‐e herenishe, hirukana harnira worajgana e hiwakanjank khinjera? Washa de‐e sh’uwine washa wowonk sh’uwina.

⁶ Egi wawoxerena, egi hoit’e de‐e wawigena.

⁷ Egi wagairena: Jagu‐u hirukana harnira hoit’e de‐e wa’eshe? Hisgexji ware washinira inke shesge hiraninana.

⁸ Horuxujre, shura pa iha waniwieja hiaewira Kana‐an mainja howaji shige warnigarni hajiwina. Jasge hawianaga hirukana hashinira hojhieja shura‐sga egi shurasi manuwishe?

⁹ Ware washinara hajanga harnianje hish’egi d’ekjena, egi hishge hirukana harniwira wang‐warnihi hinikjawina.

¹⁰ Egi wena: Egi jagu hishawire shesgekjena, hajanga harni hiaegi warnihi harnikjanena, egi hijane raniwira inke wigishana raninikjawina.

¹¹ Hikuhe wangnaka harnaj para wakurushib‐hirena egi wangnaka harnaj pa warninera wakuru‐erena.

¹² Egi hornina egi xetejega eja jeg unena egi xunujega hiroagni howahas‐shana, egi niwirajgara hiena Benjamin pa harnieja.

¹³ Egi wainira wakurugas‐hirena egi shungxete‐najawaxetera k’in‐wagigiranaga egi hakja jhinageja howarairena.

¹⁴ Egi Juda egi wakhinubra Joseph hojhieja hahirena, higu hija unjege, egi jowehi mainja himp‐hirena.

¹⁵ Egi Joseph wawagena: Jagu houisha de‐e waragish’uwishe? Wang jasgeisha wau hajera, hiperes phi raniwigaja, washa nuxawara waiaperes duxurug hajera?

¹⁶ Egi Juda wena: Hirukana harnira jagu hiagekjawishe? Jagu hihekjawishe? Egi jasge hawianaga hakishib hikjawishe? Maura hiegaja ware washinira wigishana hirera. Horuxujre hirukana harniwira warnihi warnira winewina, ne‐winewianaga egi hisha niwirajgara harnije hierera.

¹⁷ Egi Joseph wena: Hisgexji inke deshesge harninana, eshi hisha ni‐wirajgara harnije hierera, e warnihi harnikjanena, egi ne rashguni hianjrawiga eja howakarawire.

¹⁸ Egi Juda Joseph hiwusunsh‐jijena egi wena: Hirukana phi harnixji ningitarna naixjina hirukana harnira hoit’eisha hiagesheshi egi inke ware hashinira eja hapahi wogitegnine, Pharaoh hirakisge rajege.

¹⁹ Hirukana harnira ware warnira wawigi‐waxra wena: Hianjwahi nijuwishe egi shige hisha rakhinub‐wishe?

²⁰ Egi hirukana harniwira wagawina hisha hianj hawina, wangnunig hisha, egi ninkjangnig hisha shag‐kaja harnira xunuxjira, egi khinubra d’ena, egi eshana hotarna hiunira warnira egi hianjra wogixetena.

²¹ Egi ware washinira wawaragena: Hingarni jiwiaje, hajhakjena.

²² Egi hirukana harniwira wagawina: Hojinjinigra hianjra inke d’una hu‐phinina, e hianjra d’una hugi, hianjra d’arnana.

²³ Egi ware washinira wawaragena: Inke rakhinubwi xununa hashini‐rajiwinigi hishja harnira inke hinupahana hashjarni‐kjanihawina.

²⁴ Egi herena, jaja ware hashinira jajiga eja hagiwira, hirukana harnira hoit’e warnira wagitagwina.

²⁵ Egi hianj‐hawira wena: Shige rawige egi warujra hisge hingiru‐wiwine.

²⁶ Egi wahawina: Inke re‐duxurug‐winina. Hakhinubwi xunura hakishu tekjawigi, tawinana, wang‐jega hishja harnira inke hajarni‐kjanihawina inke hakhinubwi xunura hakishu tawinigi.

²⁷ Egi ware hashinira jajiga waigawina: Hirapereswina hijawihara hojinjinigra nupiwi hingarnira.

²⁸ Egi hisha nige howarera, egi wahena jasgegi ruxaxab hiregaja, epa inke hajanina.

²⁹ Egi shige de‐e hinagishurus‐wianaga egi washoshishig howegi, najura san najgeteg rokana wanaxomigra jawe hinakjanihawina.

³⁰ Esge ware hashinira jajiga jaja eja hagigi egi hojinjinigra inke hakishu hagiwinigi egi hojinjinig‐jane wankshig‐hoi harnira hianjra wankshig‐hoira hagarnijena.

³¹ Waunkjanena, jaja hojinjinigra inke hakishu hagiwini hajagi d’ekjanena. Egi ware washinira, ware hashinira hianj‐hawira najura san najgetegra rokana wanaxi homingeja jawe hakjanihawina.

³² Ware hashinira wikika‐wagaxshana hojinjinigra hawau jajiga eja wahena: Inke harnigarni hakirinigi egi hageja washa woishanara manegus jajiga hirawewinkje hihena.

³³ Esge ningitarna ware hashinira hojinjinigra hornakshin’kjena hirukana harnira warnihi hiunkjena egi hojinjinig wakhinubra wakarakishu kere‐gigire.

³⁴ Jasge harnaga jajiga eja wawakerekje egi hojinjinigra inke hakishu hakaranigi. Ningete jajiga washa hoshishighowe hirahi hajaige.