Hogusra 43 - Winnebego Bible Portions 1907

¹ Egi dokewehira manaka rokanana.

² Egi wauinena, jaja waisgabra jebi‐hiregi Egipt‐eja howarnihakirirera, hianj‐hirera wawagena: Shige rawire, waruj hingiruwi rawire.

³ Egi Juda hokit’ena wagena: Wang‐jega hasohixji hakihaha hingawina, wena: Inke hishjara hinshjarnikjanihawina rakhinubwira inke harakishu rajiwinigi.

⁴ Hakhinubwira hakishu re‐hinagigiwigi tawianaga egi waruj ningi‐tuwinkjawina.

⁵ Eshi inke reragiginigi, inke tanikjanihawina, wangjega waigawina, hishja harnira inke hashjani‐kjanihawina rakhinubwira inke harakishu rajiwinigi.

⁶ Egi Israel wena: Jagu‐u washinohire de‐e hinagish’uwi, wangjega horagi‐sharagwi shige hisha rakhinubwigi?

⁷ Egi wairena: Wang‐jega washara harnaj hingiwaxwina egi washokhi warniwira harnaj wiwaxshana, wena: Jasge hianj‐rawiga niamb‐nakshe, hisha shige rakhinubwishe, egi jagushana hiwaxra wagitagwina, egi jasge hawianaga hiaperes‐winashe, rakhinubwira harnijiwiaje ekjanegi.

⁸ Egi Juda hianjra Israel wagena: Hojinjinigra hakishu reingigire, egi nashiwinge egi tekjawina, e wankshighiinkjawina egi inke hit’arnikjawina, ne‐winewianaga egi ne‐ninege egi shige xununig hiwarniwira.

⁹ Hiakipagax hajekjena, hina‐karatakjena inke harnigarni hakirinigi, egi inke joweraija ningikerenigi, egi hageja manegus hoshishigra hinuisjena.

¹⁰ Inke hinusirij‐winigi shejana jasgegi hinupahana hinkiri‐winana.

¹¹ Egi hianj‐hirera Israel wawagena: Jasgegi shesgekjanegi, de‐e uwine: Managre eegi jagu phixji harni hajegi woshu washiniwieja hoshu wang‐jega wagarnirawire hok’u. Balsam wikinira hisge egi hesig‐danishura hisge, washa tegra hisge, egi Mirrhra egi panja jexi egi almond panja.

¹² Egi shura hijane ruswige, egi shura pa washiniwi ihaijanank washini rakiriwira shige warni‐rawire, ningete hikaraishana wauineguni.

¹³ Egi hishge rakhinubwira ruswige, egi nashiwine egi shige wangjega eja howarawire.

¹⁴ Egi Mau homashjara harnaj harninagra najojaine ninkjena wang‐jega jowehieja, egi rakhinubwira gugigikjena egi Benjamin. Ninkjang jushguni harnikjege waungi, ninkjang jushguni harnikjanegaja.

¹⁵ Egi wangnanka wogara warus‐hiranaga egi shurara nupihi harni‐harairena egi Benjamin, egi nashiranaga egi Egipt‐eja howarairena, egi Joseph jowehieja nashinena.

¹⁶ Egi jaja Joseph Benjamin hakishu hahirera hajagi, jhi hirukana harnira wagena: Wang de‐e jhieja warnikarare, egi wanoijge d’ehige egi hirushja wahire, wangnagre wirarojonjegi waruj wakishu haunkjanena.

¹⁷ Egi wang‐jega una Joseph jagu ushira, egi wang‐jega wangnanka Joseph hojhieja warnigina.

¹⁸ Egi wangnanka naxirairena, Joseph hojhieja warnihagirege esge. Egi wairena: Jegeja pa hiwarniwieja shurara hoshu hakja hiwarningiwira, esge eegi wangarni hokawairawigaja washa hirakira wangogini‐kjanihawina, egi wangarni‐jimp‐kjanihawina, egi wang warnihi wangaukjanihawina, egi shige shungxete‐najawaxete hiwarniwira.

¹⁹ Egi Joseph jhi hirukana harnira hirahirena, egi hokit’airena jhirob‐eja.

²⁰ Egi wairena: Hirukana phira, hisgexji jorni waruj ruwi‐rashana wagiu hajiwina,

²¹ Egi wauna, jaja hikiware hojhieja hagiwira para wakuruewina egi horuxujre, wangra jarnagara shura warninera pa ihaija nankshana shura warniwira hosgingrera harnaj karak’u, egis hige harnaj warni‐hajiwina.

²² Egi shura hijane harni‐hajiwina waruj hiruwi. Inke hiaperes‐winina shura warniwira peshe pa warniwieja woigishuwigi.

²³ Egi wena: Rashguni‐wire, inke naxirawinine, Mau hashiniwira egi hianj‐rawiga Mau harnira woga hornik’uwina pa washiniwieja wornigishuwina. Shura washiniwira warni‐gituswina. Egi Simeon harni wawigihinabshana.

²⁴ Egi wang‐jega wang‐ananka Joseph hojhieja harniwoikewegi egi ni wawogarna egi sira wakurushairena egi shungxete‐najawaxete warninera waruj wogarna.

²⁵ Egi wogara eegi washuirena Joseph wirarojonjegi kirikjanege, egi waruj hirekjane naxguinege.

²⁶ Egi jaja Joseph kirigi, wogara hagarni‐hahirena jhieja warni‐hokawairera egi jowehi mainja wakhu‐himphirena.

²⁷ Egi Joseph wawigiwaxshana wankshig‐hoira jasgarnankhi, egi shige wena, hianj‐rawiga wanaishguni‐nankshe wangnunig hisha hosharag‐wira? Jasge higu niambanakshe?

²⁸ Egi hornihairena: Ware hashinira hianj‐hawira wankshig‐hoira phinakshana, higu niambanakshana. Egi wakhuirena egi mainja‐himp‐hirena.

²⁹ Egi woruxujshana egi khinubra Benjamin hajarna hiunira hinigra, egi wena: Jasge de‐e rakhinubwi xununa hereshe, hunagi‐sharagwira? Egi wena: Maura naj‐hornigijankjena, hinig haxji.

³⁰ Egi Joseph xapge hihinabshana najgera takaj huge wakhinubra woxete wahige, egi hoxag hornina egi jhi hakohi earnieja hoikewena egi eja xagshana.

³¹ Egi hishjara kurusharna egi hihinabshana egi mashja khina egi wena: Warujra hija hashuwire.

³² Egi injab hija hagishuirena egi wakhinubra injab hija wagishuirena, egi Egipt wankshigra e hakishu waruj hirera shige injab wagishuirena, Egipt wankshigra inke Hebraer wankshig hakishu waruj hiraninana, washa de‐e Egipt wankshigra mashja hoshig hiranara esge.

³³ Egi jowehieja minag wagigirena, jowarera jorni minag‐gigirena hirakiruxera hirakiruxe minag wagigirena xunuxjieja hipa, egi wangnaka khoranankshana.

³⁴ Egi waruj phixji ruijanera darnaga rewagigina, eshi Benjamin waruj phixji harnira hijanenanka warninera sajaha wawiraijera harnina egi rajgainena egi wogishawa hakishu uinena.