Hogusra 42 - Winnebego Bible Portions 1907

¹ Egi jaja Jakob Egipt‐eja waisgabra ju‐ankshe aire naxgungi Jakob hinig‐wahira wawagena: Jagu‐u horakishuruxuj hashanakshe?

² Egi wena: Horuxujwire, Egipt‐eja waisgabra ju‐ankshe aire naxguna, eja howarawire, egi eja washa hingiruwiwine, e nia‐ambwianaga egi inke jharnikjawina.

³ Egi Joseph kerepanaisha wakhinubra Egipt‐eja waisgab ruwi harairena.

⁴ Eshi Benjamin Joseph khinubra, Jakob inke kikhinubnanka hakishu re‐wagiginina, wena: Nigete washoshishig hungiwege.

⁵ Egi Israel hinig‐wahira waisgab ruwi hajirena hisge hahiregi horogeja, Kana‐an mainja mara dokewehiake esge.

⁶ Egi Joseph manaka hirukanajena, egi e ma‐eja waruj wankshig‐nanka harnaj wawigiruwijena. Egi Joseph wakhinubra hahiranaga egi jowehieja wakhu‐hirena hishjara mainja herehi.

⁷ Egi Joseph wakhinubra wajarna egi wawigina, eshi hijahi wagikhina, egi hit’e mashja wawirokit’ena, egi wawagena: Hajinja horawara‐jiwishe? Egi wairena: Kana‐an mainja wawajiwina waruj ruwi.

⁸ Egi Joseph wakhinubra wawigina eshi hinke higiranina.

⁹ Egi Joseph washa hihante‐nihera wawewina e wawihantera, egi wawagena: Waishja raniwina. Managre nige gihas‐nankhi hashjara‐jiwina.

¹⁰ Egi wagairena: Inka‐a hirukana harnixjiwi, eshi waruj ruwi hajirena ware washinira.

¹¹ Harnaj wangra hishankira hinig‐wiwina, wang wogisog harniwina, ware washinira inke waishja hiranina.

¹² Egi wawagena: Hinka‐a, eshi managre nige gihasnak hashjara jiwina.

¹³ Egi wairena: Ware washinira kikhinubra nup‐hashanawina, wangra hishankira hinig‐wahina Kana‐an mainja hereisha, egi horuxujre, xunuxjira hianj‐hawira hamb de‐e hakishu unakshana, egi hisha inke nige niharnina.

¹⁴ Egi Joseph wawagena: Shesgegaja hinigajawira, waishja raniwina hinigawira.

¹⁵ Washan de‐e hiu hiniunjhakjanihawina: Hisgexji Pharaoh niamb‐anakshana, egi inke rakarani‐kjanihawina rakhinub wixunura jigishana.

¹⁶ Hisha karawige, rakhinubwira harnijikjena, egi jhihornanisse hirekjawina, hisge washawigi hinperesikjawina, egi jasge washa wogisog hornishu harajegi. Inke shesgarnigi, hisgexji Pharaoh niamb‐anakshana, jasgegi waishja raniwina.

¹⁷ Egi harnaj hamb daniha wornassena.

¹⁸ Egi Joseph hamb hidani‐hanegi wawagena: Mau nakewe harnina esge washan de‐e u‐winge, niambwire.

¹⁹ Wang wogisog raniwingi, warakhinubwira hisha jhiregi rusgijwire jhi‐wornasse hojhi hashiniwinegi. Eshi hijanera rakerekjawina, jhi‐worajhiwira dokewe‐hinankhi waisgab wagarni karawire.

²⁰ Eshi rakhinubwi xunuxjira hingarni‐jiwiaje. Deshesge rawigi jagu hishawira hisge washawinana, egi inke shjanikjawina. Egi shesge hirena.

²¹ Egi wakigairena: Hisgexji wigishana hiniwingaja hinkhinubwira hawau, hajawina naxirag earnira najgetegra rokanara, jaja najokija wanga‐shiwiregi, egi inke harnaxguwinina, esge hawexji de‐e wangirajiwina.

²² Egi Ruben horniharna egi wena: Jasge inke hornigitagwinishe, wahena: Inke ninkjangra washa woishana giuwinine. Egi inke harnainaxgu‐winina? Esge horuxujwire wa‐i earnira hinawe hajena.

²³ Egi inke hiperes‐ninankshana Joseph warnaxgujera, hit’eperes hiu wawokit’ajege esge.

²⁴ Egi hijahi howaranaga xagshana. Egi shige wawirakirina egi wawokit’ena, egi Simeon wagirus‐shana, egi jowehireja rusgij‐shana.

²⁵ Egi Joseph pa warninera waisgabra hoixji woshu wa’shina, egi hakja wangananka harnaj shura warninera painja wawogishuirena, egi nagu‐eja ruj‐hirekjera wawoga wa’shina, egi deshesge wagigina.

²⁶ Egi shungxete‐najawaxete warninera waisgab k’inwagigirena egi hakarairena.

²⁷ Egi hisha para kuruena hikiware hojhieja shungxetenajawaxetera harnira waruj hokarak’unkjege shurara hik’ena, horuxujre pa ihaija nakshana.

²⁸ Wakhinubra wawagena: Shura harnira hunkaraik’un hirena, egi horuxujre pa harninegi‐nankshana. Egi hik’ingirena egi naxirairena, wakigairena, jagu‐u de‐e Maura wanga‐wagiuwishe?

²⁹ Egi Jakob hiragirena hianj‐hirera Kana‐an mainja, egi jagushana howairegi harnaj hogirag‐hirena wairena:

³⁰ Wangra e ma hirukanajera hit’e mashja hiroikit’awina, egi mara haishja hahiwi hiraina‐iwina.

³¹ Egi wagawina: Wang wogisog harniwina, inke waishja harniwinina.

³² Kikhinubra nup‐hashana harniwina hianj‐hawira hinigwahira. Hisha inke nige‐niharnina, egi xununa hamb de‐e hianj‐hawira hakishu unakshana Kana‐an mainja.

³³ Egi wangra e mara hirukanara waigawina tegi howahi hiniperes‐janihawina wang wogisog raniwingi, warakhinubwira hisha hakishu hauanjekjena, egi waruj rus‐wianaga jhi worajhiwira dokewe‐hinankhi egi karawire.

³⁴ Egi rakhinubwi xunura hingarni jiwiaje, gajanga hiniperes‐hikjanihawina inke waishja raniwinigi eshi wang wogisog raniwira, egi rakhinubwira hornikaraik’ukjanihawina, egi ma‐egi washoikirujana rakerekjawina.

³⁵ Egi wauinena para manra wakara‐giregaja, horuxujre, wangra jarnagaka pa warnineja shurara harushinankshana. Egi jaja e hereanaga egi hianj‐hirera shura harushinanka wajairegi naxirairena.

³⁶ Egi Jakob hianj‐hirera wawagena: Ninkjang jushguni hinawina, Joseph inke nige niharnina egi Simeon inke nige niharnina egi Benjamin shurusnanash’iwi, washan de‐e harnaj wonajgetegra hiraijina.

³⁷ Egi Ruben hianjra hokarakit’ena wena: Hinigwahara hinuwinke d’ewahiaje inke harnigarni hakiriningi. Nab harninegi horushjarehira, egi shige harnigarni hakirikjena.

³⁸ Egi Jakob wena: Hinig‐hara inke harnikishu ranikjanihawina, khinubra d’ena egi inekhi hotarna, horawasharawiga eja washoshishig howegi, egi najura san najgeteg rokana wanaxomigra jawehina‐kjanihawina.