Hogusra 40 - Winnebego Bible Portions 1907

¹ Egi herena washa de‐e hagregi, Egipt hungra rajga hok’u harnira egi waisgab‐duji harnira hirukana harninera Egipt hungra eja washa hikaraishana hirena.

² Egi Pharaoh ware warnira nupiwi eja hapahi wogitegshana, rajga woga hungra egi waisgab‐duji hungra wakhirana.

³ Egi jhi‐wawornassena, jhi‐wornasse hojhi hungra hojhieja wornassairena, hajinja Joseph hornassa‐nagra eja.

⁴ Egi jhi‐wornasse hojhi hirukana hungra Joseph wawirakaragigina egi wawagirena. Egi jarnahangi wawornasse hiregaja.

⁵ Egi hinuinke hohantera hishashana hihantewina, hahe hishankira, Egipt hungra rajga wogara egi waisgab‐duji warnira e jhi‐wornasse hojhi‐ejanagra, washara hishashana hihante hirena, egi hohantenanka washara hishashana wagairena.

⁶ Egi Joseph haininegi wangnanka wawirahina egi waworuxujshana, egi horuxujre, najgeteg‐nankshana.

⁷ Egi Joseph wawigiwaxshana Pharaoh ware warnira e hirukana harnira hojhieja wakishu hornassa‐nagra, wawagena: Jagu‐u hamb de‐e horuxujra najgeteg hashanakshe?

⁸ Egi wagairena: Hohante hiahantewina egi inke hirorag junina. Egi Joseph wawagena: Jasge hiroragra inke Maura earninishe? Eshi wawoigiragwire.

⁹ Egi rajga woga hungra hohante harnira Joseph hogiragshana, egi wagena: Hohante harnira, horuxujre, habsinsh‐huisha joweharegi nashina.

¹⁰ Egi habsinsh hujega akarajgera dani nashina, egi hoxerera jinak‐hirena egi hogiaj‐shana egi hoijigra hasra roju‐hirena.

¹¹ Egi Pharaoh worajga harnira harniajena egi habsinshra watus‐anaga Pharaoh worajga harnieja wawotuxginkshana, egi worajgara Pharaoh harni‐hagigina.

¹² Egi Joseph wagena: De‐e hiroragra herena: Akarajgera dani hajega hambra danihana.

¹³ Hambra dani‐hajane Pharaoh gisij‐ninkjanena egi worera shige hornikaraik’unkjanena egi Pharaoh worajgara harni‐ragigikjanena, rajgawagigi ranishunura shenisgekjanena.

¹⁴ Eshi hiwewianje jaja hophi horawegi, egi naixjina washophi hinagish’usheshi, egi Pharaoh eja hunagaje, egi jhi‐tegi hihinab‐hingigikjena.

¹⁵ Hisgexji mainunank‐hirena Hebraer mainja egi shige eegi inke washanisha haunigaja jhi‐hornaisairena.

¹⁶ Jaja waisgab‐duji hungra hajagi, hiroragra phira, Joseph wagena: Nishge washa hiahantena, horuxujre napa sgara dani nassu hihagregi hakerena,

¹⁷ Egi napa hihag‐jieja‐jega washa duj hokiraj hoshujena Pharaoh rujera, egi she‐e wanigra waruj‐hirena napainja‐nagra nassu hihagregi‐jera.

¹⁸ Egi Joseph horniharna egi wena: De‐e hiroragra herena: Napara dani hajega hambra danihana.

¹⁹ Hambra danihajane Pharaoh nassura ningirusikjanena egi naija hoijgeni‐kanaikjanena, egi ro hashinira wanig ruj‐hirekjanena.

²⁰ Egi hambra dani‐hangaja herena Pharaoh hamb hojuine harnira, egi ware warnira harnaj waruj wagigina, egi rajga woga hungra egi waisgab‐duji hungra gisijwahina ware warnira horogeja.

²¹ Egi rajga woga hungra worera shige karak’ungigina, egi e ni‐wirajgara Pharaoh harnigigina.

²² Eshi waisgab‐duji hungra hoijge‐kanakshana, Joseph hiroragra jasge wogiragra shesgairena.

²³ Eshi rajga woga hungra inke Joseph wewinina eshi wakikununina.