Hogusra 4 - Winnebego Bible Portions 1907

¹ Egi Adam hijawira Ewa hikaraperes‐shana egi waujganagshana, egi Kain jhuna, egi wena: Jehowa eja howaji wang‐hisha harnigaja.

² Egi shige khinubra Abel jhuna. Egi Abel jhasga hirakaraisha herena, eshi Kain max‐hikishereisha herena.

³ Egi hagoreisha hahi wauinena, Kain mainja washa haxebhiga shesge Jehowa nab‐higiruxaj‐shana.

⁴ Egi Abel hishge jhasga hornihe harnieja jorni jhuinesha hoshiura hagarnihina. Egi Jehowa Abel egi nab‐hiruxaj harnira najogija hiroruxuj‐shana.

⁵ Eshi Kain egi nab‐hiruxaj harnira inke najogija horuxujnina. Egi Kain mashja wogitegshana egi wakhujinakshana.

⁶ Egi Jehowa Kain wagena: Jagu‐u wonigitegshe? Egi jagu‐u shawakhushe?

⁷ Inke de‐shesgarnina, phi ragi, ningish’ag hiranana, egi inke phi ranigi washa woishanara jhirobeja ningigiakshana egi washa woishanara roniguankshana, eshi warnaje.

⁸ Egi Kain khinubra Abel hokarakit’ena. Egi wauinena jaja maxeja hahiregi, Kain khinubra Abel hakirana egi d’ehina.

⁹ Egi Jehowa Kain wagena: Hajinja rakhinubra Abel niheshe? Egi wena: Inke hiaperesnina, jasge ne‐hakhinubra hirakara hajeshe?

¹⁰ Egi Jehowa wena: Jagu sh’ushe? Rakhinubra wa‐i harnira manegi howahi hingi‐uwana.

¹¹ Egi higuana managre washoshishig howenikjanena, e ishab‐anaga egi rakhinubra wa‐i harnira rajgana nab hashininegi howahige esge.

¹² Jaja max horashugi howarehi‐kjanare epa homashja harnira inke harnigi xebnikjanena. Ruxaire‐ranianaga egi hojaina horaje ma hihagregi ranikjanena.

¹³ Egi Kain Jehowa wagena: Hawe harnira xetegaja inke hiwanuxshagi un‐duxurugnina.

¹⁴ Horuxujre, hamb de‐e managre hishjarnieja hishawahas‐shana, egi hishja hashinira nuangi‐xawankjanena, egi ruxaire harnianaga egi hojaina horajekjanena, higu hisha hiegi d’ewinkjanena.

¹⁵ Egi Jehowa wagena: De‐e hawau higu peshe Kain d’ehigi, shagowiha hawinsh wagikarakje hirekjanena. Egi Jehowa Kain wijanti una, nigete hisha hiegi d’ehirege hirege.

¹⁶ Egi Kain Jehowa hishja jowehieja hihinabshana, egi Nod mainja jhina, Eden wiaxebhueja.

¹⁷ Egi Kain hijawira hikaraperes‐shana, egi waujganagshana egi Xanox jhuna, egi Kain jhinag hisha una, egi jhinagra rash rajgi hinigra rash harnira hanigigina Xanox higena.

¹⁸ Egi Xanox Irad hagarninena, egi Irad Mahuiael hagarninena, egi Mahuiael Methusael hagarninena, egi Methusael Lamex hagarninena.

¹⁹ Egi Lamex nupiwi khanakshana, hisha rashra Ada higairena egi hijanena Silla higairena.

²⁰ Egi Ada Jabal harnina, e waiperi hijhi hojhira shesgera hianj‐hirena egi je harninegi shesgera.

²¹ Egi khinubra rashra Jubal higairena, e nainawa rujiwijiwira egi hishushug harnira shesgera harnaj hianj‐hirena.

²² Egi Silla hishge Tubalkain harnina, e mas‐si egi maswirokhu uisha herena. Egi Tubalkain hinugjabra rashra Naema higairena.

²³ Egi Lamex hijawiwahira wawagena Ada egi Silla. Ho harnira naxguwine, Lamex hijawi‐niwina hoit’e harnira harnaxguwine, wangra hisha hingishanagi d’e hakjanena, huintekhi hojinjira hisha d’ehakjanena.

²⁴ Egi Kain shagowi hawinsh wagikarakje hirekjanegi jasgegi Lamex kerepana‐shagowi‐anaga egi shagowi hashana hawinsh wagikarakje hiranana.

²⁵ Egi Adam hijawira hikaraperes‐shana, egi hojinjinig hisha jhuna egi rashra Seth higena, wena: Maura su hijanesha hunk’ungaja Abel hornakshi, e Kain d’ehira.

²⁶ Egi Seth hishge hojinjinig hisha hagarninena, rashra Enos higena, epa wankshigra Jehowa rash harnira wihokhu hajia‐rairena.