Hogusra 37 - Winnebego Bible Portions 1907

¹ Egi Jakob hajinja hianjra mawakuruxenihera Kana‐an mainja ma eja jhina.

² De‐e Jakob hokijhu harnira herena. Joseph ma kerepanaish‐anaga‐shagowi‐hashanahanegi wakhinubra wanoijge hirakara wakishu una, egi hojinjinigra Bilha hinig‐wahira wakishu una, egi Silpah hinig‐wahira wakishu una, hianjra hijawi‐wahira, egi Joseph hianjra wakhinubeja worag shishig hagarnikirina.

³ Egi Israel Joseph hiraijera wogixetena ninkjang warnira harnaj horujis‐hirena, shag‐regi hagarninege esge, egi wonashi hokeresh rohaisha giuna.

⁴ Egi jaja wakhinubra hajairegi, hianj‐hirera Joseph hiraijera wogixetera, wakhinubra horujishiregi, Joseph hoshig’hirena, egi hinke wanaishguni hokit’e ruxurug hiranina.

⁵ Egi Joseph hohanteisha hihantena, egi wakhinubra wawogirag‐shana, egi she‐e hawau hiraijera hoshig’hirena.

⁶ Egi wawagena: Naixji harnanaxguwi‐sheshi hohante de‐e hiahantena.

⁷ Horuxujwire, max‐eja waisgab hinusgij hajera egi horuxujwire waisgab horusgij harnira kikawa‐ana egi roja nashina, egi horuxujwire waisgab horusgij washiniwira hogigix nashinena egi waisgab horusgij harnira giwakhu hirena.

⁸ Egi wakhinubra wagairena: Jasge hung harniniwianaga, hinshurukana‐kjanihawishe? Egi shige hiraijera hoshig’hirena, hohante harnira hawau, egi hoit’e warnira.

⁹ Egi shige hohante hijaneisha hihantena egi wakhinubra wawogirag‐shana, egi wena: Horuxujwire shige hohante hisha hiahantena, egi horuxujwire, hambwira egi hahewira egi wiragoshgera hishankira‐hashana hiwakhuirena.

¹⁰ Egi hianjra hogiragshana egi wakhinubra wogiragshana. Egi hianjra Joseph najisgina egi wagena: Hohante jaguisha hereshe hirahantere? Jasge newine‐anaga egi hiuninaga egi warakhinubra hirani‐hiwianaga mainja ningipa‐khukjawishe?

¹¹ Egi wakhinubra khiwassa hirena, eshi hianjra jagu are wewinakshana.

¹² Egi wakhinubra Shexem‐eja hianj‐hirera wanoijge warnira wirakara harairena.

¹³ Egi Israel Joseph wagena: Jasge hinke warakhinubra Shexem‐eja wanoijge hirakara harairanishe? Hure, eja howare ningigikjena egi Joseph wagena: Egi hajena.

¹⁴ Egi wagena: Naixjira sheresheshi egi wajare warakhinubra harnaj wanaishguni hiranihegi, egi shige wanoijge hornihera wanaishguni hiranihegi, egi hungirag shige kiriaje. Sheshegu nigeoware‐gigina Hebron hosunsheja rena. Egi Shexem‐eja hina.

¹⁵ Egi wang‐hisha hiena egi horuxujre ma‐eja manunijena. Egi wang‐jega hiwaxshana wena: Jaguisha horanirajeshe?

¹⁶ Egi wena: Wakhinubra wawarni‐hajena, naixjira hunagi‐sharag‐sheshi hajinja wanoijgera wawira‐karanankhi.

¹⁷ Egi wang‐jega wena: Eegi nige howarairena, Dothaneja howaine‐kjawina aire warnaxguna. Egi Joseph wakhinubra waruxarena, egi Dothan‐eja wawiena.

¹⁸ Egi jaja hari rahau hajairegi, kheni wawiwusunsh hini, khikarahe hirena d’ehirekjege.

¹⁹ Egi wakigairena, horuxujwire hantega huhena.

²⁰ Huwine egi d’ehikjawina, egi mopox‐eja hot’unekjawina, egi hiwekjawina wanoijge shishig ruj hireguni, egi hajakjawina hohante warnira jasgaire‐kjanegi.

²¹ Egi Ruben de‐e naxguna, egi wawakaraishena egi wena: Inke d’ehinikjawina.

²² Egi Ruben wawagena: Inke wa‐ira xu‐hiwinine, eshi mopox tegi hot’unawire, mojainanegi heregaja, egi inke nab hat‐umbwinine, wawakaraishe nai wena, hianjra shige hokaraik’unkjege.

²³ Egi herena, jaja Joseph wakhinubra wawirahigi, Joseph wonashira girushoroj hirena, wonashi hokeresh roha harnira, hornashinjegi.

²⁴ Egi rus‐hiranaga egi mopox‐eja hot’unairena, egi mopoxjega manra jena, inke ni hoshurnijena.

²⁵ Egi minag‐hiranaga waisgab ruj‐hirena. Egi woruxuj‐hirena egi wajairena Ishmaelitra horniheisha Gileadeja howaji, wanoijge‐huxashogra wakarani, washa teg egi Balsam egi Mirrha k’inankshana Egipt‐eja howe warni harairege.

²⁶ Egi Juda wakhinubra wawagena: Jaguisha hinuxuruig‐kjanihawishe hinkhinubwira d’ehiwigi egi wa‐i harnira harnuxawawingi?

²⁷ Huwire egi Ishmaelit‐eja hinwi‐ruwinkjawina, egi inke nab hiwarniwira hat’umb‐nikjawina, hinkhinubwira heregaja egi ro harniwira herege. Egi wakhinubra gigiphinena.

²⁸ Egi Midianitra wang‐waruwira e howairena, wakhinubra Joseph mopox‐eja ant’umbhirena. Egi Joseph Ishmaelit‐eja wiruwinena, shura‐sgara kerepananup hiruwinena, egi Joseph Egipt‐eja harniahirena.

²⁹ Egi Ruben mopox‐eja hakja‐kirina, egi horuxujre Joseph inke mopox‐eja ninakshana. Egi waini harnira kurugas‐shana.

³⁰ Egi wakhinubra wiragina egi wena: Hojinjinigra inke hijarni‐nakshana, egi ne hajinja wawatekjaneshe?

³¹ Egi Josephga wonashi harnira rus‐hiranaga egi jarnax‐ning hisha d’ehi‐rarnaga egi wonashina wa‐ieja howajgainena.

³² Egi wonashi hokeresh rohana harnike‐rewagigirena, egi hianj‐hirera hagarni hagirena, wairena: De‐e hiaewina. Horuxujre hinigraga wonashi harnira hereanaga nigeshge inke shesgarnishe?

³³ Egi higina, egi wena: Hinighara wonashi harnira herena. Wanoijge shishig ruj‐hireguni, hojia Josephga ruxaxab‐hiregaja.

³⁴ Egi Jakob wainira kurugas‐shana egi waiperi‐sasag ninjra hirowejana, egi hinigra hamb rohaxji gixagshana.

³⁵ Egi hinig‐wahira harnaj egi hinug‐wahira harnaj nashirarnaga rukheg‐hirena. Eshi rukheg‐hirera roxina egi wena: Hinig‐hara hagixag hajau wanaxi homig‐eja hahikjanena. Deshesge hianjra Joseph gixagshana.

³⁶ Egi Midianitra Joseph Egipt‐eja wiruwinena Potiphar ruwina, Pharaoh jhi‐hirukana harnira egi Pharaoh manape hira‐karairera hungra herena.