Hogusra 35 - Winnebego Bible Portions 1907

¹ Egi Maura Jakob wagena: Nashine egi Bethel e howarare, egi eja jhiaje. Egi Altar hisha Maura giuanje E eja janti‐ningikhina, Esau rakhinubra ragigiasregi.

² Egi Jakob hojhira wagena egi jarnaga hakishu u‐ankhi harnaj, mau‐kikura wat’unawire washini‐harajegi egi sgewire, egi waini hijahi howaxugwire.

³ Egi hinashiwinge egi Bethel howairekjawina, egi eja nab‐haruxaj haura Maura hagiunkjanena, E hamb hawe haruieja hornigi‐harna, egi hinkishu una nige wawatera.

⁴ Egi Jakob wok’uinena mau‐kikura jarnaga harninankhi harnaj egi worushig warninera harnaj, waworushig‐nankhi, egi Jakob nuxawa washurna naro khuhainja Shexem hiwusunsh.

⁵ Egi gixanainena, egi Maura eja wornakewe jhinag hogigix hinanaganka wirajirena, esge Jakob hinig‐wahira inke waruxairanina.

⁶ Deshesge Jakob Lus‐eja hina, Kana‐an mainja herena, Bethel higairera, e hereanaga egi wankshigra jarnaga hakishunankhi harnaj.

⁷ Egi eja nab‐haruxaj haura una, egi ma‐she‐e El‐beth‐el higena. Maura eja jantin‐gikhinge esge, khinubra gigias niharegi.

⁸ Egi Deborah Rebekah harniunihera d’ena, egi Bethel hirorokhueja xairena na‐noisha khuhainja, egi najega rashra nano‐xagra higairena.

⁹ Egi Maura Jakob shige jantin‐gikhina Mesopotamiaeja howakiri‐anaga hagregi, egi washophi howe rogiguna.

¹⁰ Egi Maura wagena, Jakob rashra hinigairena, egi rashra joweregi hinupahana inke Jakob hinigairanikjanena, eshi Israel rashra hinigairekjanena, egi rashra Israel higena.

¹¹ Egi Maura wagena: Mau homashjara harnaj harnira winena, wojage egi woroha harare, jhinag howajehi egi jhinag howajehira hornihe ronihakjanena, egi ro hashinieja hungra haxeb‐hirekjanena.

¹² Egi mara Abraham egi Isaak wak’ura ne hornik’unkjanena egi su hashinira hag‐raija herera mara wak’unkjanena.

¹³ Egi Maura wangregi howakerena hokit’arnaga ma‐eja.

¹⁴ Egi Jakob wijanti una hajinja hokit’era, inisha wijanti‐kerena, egi washa‐rajga nab‐hiruxaj hihageja hawaxuna, egi wikini hihageja hawaxuna.

¹⁵ Egi Jakob ma hajinja Maura hokit’era rashra Bethel higena.

¹⁶ Egi Bethel eja gixanainena, egi Ephrath hiwusunsh hahirena egi Raxel wakegrakena, egi wojexi harusshana.

¹⁷ Egi herena, wojexi harus‐nank’un, egi ninkjang hornagra wagena: Inke naxiranine, hojinjinig de‐e shige hashinikjanena.

¹⁸ Egi herena naxirag harnira nige‐howararegi d’ehikorohora Raxel rashra Benoni higena, eshi hianjra rashra Benjamin higena.

¹⁹ Egi Raxel d’ena, egi Ephrath nagueja xairena Bethlehem erena.

²⁰ Egi Jakob warnaxi homigra wijantisha eja kerena. Raxel warnaxiomig harnira wijantira hamb‐de‐e hijajena.

²¹ Egi Israel gixanana, egi Edar jhi hankshi hawinsheja jhi kik’una.

²² Egi herena Israel ma‐eja jhigaja, Ruben ranaga egi Bilha hakishu mingshana hianjra hijawi wakuruxe harnira, egi Israel naxguna. Egi shegunegi Jakob hinigwahira nup‐hashanana.

²³ Lea hinig‐wahira de‐e hererena: Ruben, Jakob jorni hagarninera, egi Simeon egi Lewi egi Juda egi Issaxar egi Sebulon.

²⁴ Raxel hinig‐wahira de‐e hererena: Joseph egi Benjamin.

²⁵ Egi Bilha Raxel hinug‐ware harnira hinig‐wahira de‐e hererena: Dan egi Naphtali.

²⁶ Egi Silpah Lea hinug‐ware harnira hinig‐wahira de‐e hererena: Gad egi Asher, de‐e hererena Jakob hinig‐wahira Mesopotamia eja wagarninera.

²⁷ Egi Jakob hianjra Isaak hirahina Mamre eja Arbah jhinag‐eja, Hebron higairena, eja Abraham egi Isaak mawakuruxe hirera.

²⁸ Egi Isaak hamb warnira ma‐hogihishanaga kerepana‐haruang‐hashanana.

²⁹ Egi Isaak hokikurushagshana egi d’ena, egi wankshig warnira eja stoirena, shagjina egi wankshig‐ina hipanana. Egi hinig‐wahira Esau egi Jakob xairena.