Hogusra 3 - Winnebego Bible Portions 1907

¹ Egi wakhara eshana hiraijera wapakanagshana woishjankera, wanoijge Jehowa Maura waura maneginagre. Egi hinugjega wagena: Maura hisgexji shesge hinigawishe, max‐regi nara jarnagakhi inke harnaj warajnikjanihawishe?

² Egi hinugjega wakhanka wagena: Max‐regi na‐nagre hasra harnaj wahaijanihawina.

³ Eshi Maura wena, max kissagregi naisha‐jegi hasra inke haj‐nikjawina, inke shige hiakiornikjawi jekjanihawige.

⁴ Egi wakhanka hinugjega wagena: Jasgegi inke shjarnikjanihawina.

⁵ Maura hiperes‐jinakshana, hamb hajinja rajgi, higuana hishjasura ningihais‐kjanihawina Maura hirakisge‐kjanihawina, washophira egi washoshishigra hiraperes‐kjanihawina.

⁶ Egi hinugjega hajarna na‐jega ruj phinjera, egi hajara giphina, egi na‐jega roguesgena wanaiksab wahikjanege, egi hinugjega has‐nanka hisge russana egi ruj‐shana, egi hikanara hishge hisge hok’una egi ruj‐shana.

⁷ Egi hishjasura hinuinke gihas‐jijerena, egi hipereshirena nanoka nangra, egi Fig‐na‐ab wirakirujag hirarnaga hiranuxawa kik’uinena.

⁸ Egi Jehowa Maura hora naxguinena max‐eja howemaniankshana hamb‐hosininegi. Egi Adam egi hijawira, Jehowa Maura jowehieja max na‐horogeja nugixawainena.

⁹ Egi Jehowa Maura Adam giwarna egi wagena: Hajinja ranisheshe?

¹⁰ Egi wena: Max‐eja hora nanixgura, naxitena, nanoka hauanjege esge, egi nuaxawana.

¹¹ Egi Maura wena: Peshe hornigiragshe nanokarajegi? Najera raj‐sare, unishira inke raj‐nikjege?

¹² Egi Adam wena: Hinug hunak’ura hakishu hauanjera, e najera eja rus‐anaga hunk’una, egi haj‐shana.

¹³ Egi Jehowa Maura hinugjega wagena: Jagu‐u de‐e wash’ushe? Egi hinugjega wena: Wakhara hingishjankena, egi haj‐shana.

¹⁴ Egi Jehowa Maura wakhara wagena: deshesgerage, esge hoshishig horawekjanena jenanka harnaj horogeja, egi wanoijge ma‐hihagejananka harnaj horogeja, nixa hashinira himashinikjanena egi jajaixji wankshig‐shingi majushishig raijanena.

¹⁵ Egi hokikjekijab ninkjanihawina nenine‐anaga egi hinugjane, egi su washinira egi hinugjane su warnira. Egi nassu hashinira nanixux‐hirekjanena, egi sikerejgeja hasharaxjaikjanena.

¹⁶ Egi hinugjega wagena: Wonajgeteg junikjanena, hotegini jhu harawekjanena. Ninkjang rajhungi wojexi harawekjanena, egi hikanara‐gashana rorakaragu‐kjanena egi hininukanakjanena.

¹⁷ Egi Adam wagena: Hijawinaga harnanakaraxgunge egi unishira naisha inke raj‐nikje hinigera raj‐shana, esge manegi hoshishig‐howenikjanena ne‐warakik’unge, jajaixji wankshig‐shiranishegi harawexjingishana waraijanena.

¹⁸ Napahira egi shige waxagra manegi harni‐gixebjanena, egi manegi xawi‐abxetenagre waraijanena.

¹⁹ Hishjara hotanikakajingishana waraijanena, jaja hakja makax raingi epa, eja hornirus‐hirena. Makaxranina, egi makax shige ranikjanena.

²⁰ Egi Adam hijawira rashra Ewa higena, niambnagre e harnaj hiunihirege esge.

²¹ Jehowa Maura wauna Adam egi hijawina washa hawonashi wawagiuna egi wogiwaxugshana.

²² Egi Jehowa Maura wena: Horuxujwire, Adam wangikisge jijewina washophira egi washoshishigra hiperessana. Egi jasgegi na‐niambra hishge rusanaga ruijanege egi manegus niaimbjanege,

²³ Esge Jehowa Maura Eden max‐eja hihinab‐gigina maxagijikjege, eja horus‐uinajera.

²⁴ Egi Adam jangra howahassana. Egi Eden maxnaka sanig wiaxebhueja, eja Xerubim unwagigirena, egi wigijgux pahisha higu‐hajinja herera eowaresha, na‐niambjega inkisha hiwusunsh‐nikjege hirakara waunjena.