Hogusra 23 - Winnebego Bible Portions 1907

¹ Egi Sarah ma hogihish‐anaga‐kerepananup‐anaga‐shagowi‐hashana ma de‐shenaha Sarah wankshig‐ina.

² Egi Sarah Kiriat‐Arba eja d’ena. Higu erena Hebronra Kana‐an mainja. Egi Abraham Sarah najgerateghina egi gixagshana.

³ Egi Abraham d’eharnieja nashinena, egi Heth hinigra hokit’ena, wena:

⁴ Hijahi here harnina egi ninkuruxe hajena, ma hokixera nige hunk’une horog‐rawiregi, d’eharnira hakaraxegjena inke hajajanikjena.

⁵ Egi Heth ninkjang warnira Abraham hornigi‐hairena, wagairena:

⁶ Naixguwine, hirukanara, Maura, hung harnira wash’unajegaja horog hawiregi, warnaxi‐hoshu warniwira gijainja d’e hashinira karaxare. Warnaxi‐hoshu warninera hinkisha hiraja hirani‐kjanena, d’e hashinira rakaraxegjegi.

⁷ Egi Abraham nashina egi ma‐eja wankshig‐nanka jowehireja wakhuna, Heth ninkjang warnira jowehireja.

⁸ Egi wawokit’ena, wena: Wowewi hashiniwira heregi, d’e harnira haxekjanena, inke hajajanikjege, naixguwine, egi Ephron Sohar hinigra hingiraxurugre,

⁹ Max‐pelah‐eja nish‐hopoxjera rus‐hingigikjena, e harnijera, max‐earnira hoshejainja jena, shurara jarnaga hikisgegi rus‐hingigikjena, harnikjena ma‐hokixe horograwiregi.

¹⁰ Egi Ephron Heth ninkjang warnira horog‐hireja jhina. Egi Ephron Hittite wankshigra Abraham hornigiharna Heth ninkjang warnira jowehireja, jarnaga jhinageja hereakhi harnaj, wena:

¹¹ Inke shesgarnina hirukana harnira, naixgune: Maxra hornik’una egi nish’hopox hijajega hornik’una, wankshig warnira hinig‐wahirera jowehireja hornik’una, d’e hashinira xare.

¹² Egi Abraham ma‐eja wankshig‐nanka jowehireja wakhuna.

¹³ Egi Ephron hokit’ena ma‐eja wankshig‐nanka jowehireja, wena: Naixjira harnainaxgu‐sheshi. Maxra shura hirowe‐ningigikjena, hingirusre, egi d’e harnira eja hakaraxeg‐jena.

¹⁴ Egi Ephron Abraham hornigi‐harna wagena:

¹⁵ Hirukana harnixji, harnaixgune: Ma‐naka Shekel shura‐sgara hogihi‐jop hikisgena, eshi jagushe hojakena hihiregi, esge d’e hashinira karaxare.

¹⁶ Egi Abraham Ephron harnaxguna. Egi Abraham Ephron shura‐sgara hikirua higiuna, jarnagashe era Heth hinig‐wahira jowehireja, Shekel shura‐sgara hogihi‐jop, waruwira shura warus‐nagra shesgera.

¹⁷ Egi Ephron max harnira, Max‐pelah eja nagra, Mamre jowehieja‐nankshana, maxra egi nish‐hopoxra eja nankshana, egi nara jarnaga max‐ejaki harnaj, ugra hogigixanki harnaj, she‐e wogisog‐hirena

¹⁸ Abraham harni‐gigirena Heth ninkjang warnira jowehireja, jhinag eja jarnaga hereaki harnaj jowehireja.

¹⁹ Egi de‐e hageja, Abraham hijawira Sarah xena, Max‐pelah max‐eja nish‐hopoxeja, Mamre joweja, higu erena Hebronra Kana‐an mainja.

²⁰ Egi maxra egi nish‐hopox hijajega she‐e wogisog‐hirena Abraham harnigigirena ma hokixe harni, Heth hinig‐wahira wauinena.