Hogusra 20 - Winnebego Bible Portions 1907

¹ Egi Abraham eja gixanarena sanig wiorojanjera hapahi egi Kadesh egi Shur hojakenainja jhina egi Gerareja ma‐wakuruxena.

² Egi Abraham hijawira Sarah wagena ne hinug‐hajabshana. Egi Abimelex Gerar hung harninera rewagigianaga egi Sarah rus‐hirena.

³ Eshi Maura Abimelex hirajina haheregi hihantehina, egi wagena: Horuxujre, jasgegi shjekjanena hinug waragishurusga hawau, hikhana‐juisha herena.

⁴ Eshi Abimelex inke hinugjega hiwusunsh‐nina, egi wena: Hirukanara jasge wangshig howajehi phira hishge d’ewaranashe?

⁵ Jasge inke shesge hingarnishe ne hinug‐hajabshana, egi hinugjane hishge exji wena: Ne wang‐hajabshana. Inke washa hirohire hauni egi inke wai‐aishana‐nai dusnina.

⁶ Egi Maura wagena hohanteja: Hoja hiaperessana inke najge hashinira washa hirohire de‐e un wash’unira. Ne nishge hiwusharnina washa woishana inke hinagish’unikje. Esge inke hinugjane hikio ningiginina.

⁷ Esge wangjega hijawira hokaraik’une, e prophet hisha herena egi gikaraj ningigikjena egi nina‐simbjena. Egi inke horakaraik’unigi hiraperes‐janena jasgegi shjekjanena, nenineanaga egi washinira harnaj.

⁸ Esge Abimelex hainixjinig kikawa‐ana egi ware warnira harnaj wagigorna egi washa de‐e harnaj nux‐hopox warnineja wawogiragshana. Egi wankshigra naxirera rokanainena.

⁹ Egi Abimelex Abraham gigorna egi wagena: Jagu hinagish’uwishe? egi jagu hirohireisha ningiungaja, washa woishana rokanaisha hiraji hirana egi hungma harnira. Washa hinagish’une inke un‐phinigaja.

¹⁰ Egi Abimelex Abraham wagena: Washa jagu hashjagaja washan de‐e wash’ushe?

¹¹ Egi Abraham wena: Jasgegi Mau nakewera ma‐degi inke harni‐hairaniguni, hiarege esge, egi d’ewinekjane hijawihara hawau.

¹² Egi hisgexji ne hinug‐hajabshana, jajiga hinugra herena eshi inke naniga e hinug hinina, egi hakhanakshana.

¹³ Egi herena, jaja Maura jajiga hojhieja nige‐howarewira, hinugjane wagena: Howoxete de‐e egi hapahi janti hingigiaje, higu ma‐jinja hihigieja waigaje, ne wanghajabshana.

¹⁴ Egi Abimelex jhasga rusanaga egi je‐waruti egi wang ware egi hinug‐ware egi Abraham wawok’una egi hijawira Sarah hokaraik’una.

¹⁵ Egi Abimelex wena: Horuxujre ma‐harnira joweraregi‐nankshana, hajinja raiphingi jhire.

¹⁶ Egi Sarah wagena: Horuxujre rakhinubra shurasgara hogihi‐xeteisha wak’una, horuxujre de‐e hishja hiraruka hish’unkjera, jarnaga harnikishu‐uankhi jowehireja egi higu hajinja heregi, deshesge hirawena.

¹⁷ Egi Abraham Maura gikarajshana, egi Maura Abimelex rushja‐hina egi hijawira egi hinugware warnira, egi shige ninkjang harninena.

¹⁸ Jehowa Abimelex hojhieja herera harnaj ning‐hoshura wawornagissena, Sarah Abraham hijawira hawau.