Hogusra 18 - Winnebego Bible Portions 1907

¹ Egi Jehowa jantigikhina Mamre nanojaija wirarojonjeregi jhirobeja minagnank’u.

² Egi woruxujgaja egi wajarna, egi horuxujre wangra dani jowehieja hirarexji nashinankshana. Egi jaja wajagi jhirobeja rarnaga hikipa hornuwangshana, egi mainja himpshana.

³ Egi wena: Hirukanara joweraregi najhojaine hiakienagi, inke hinxanine ningitarna ware hashinira wau hajena.

⁴ Ningitarna, nira hisge harnigarni hajirawigi egi sira warakurushawigi egi na khuhanegi xgasigiwire.

⁵ Egi waisgabdujra nige harnigarni hajikjawina, manishjakjawina, hagnigi sherekjawina, shesge wagiu ware hashiniwinegi rajiwina, egi wairena: Shesge hire, hisharajane.

⁶ Egi Abraham hikuhe jhieja hoikewena Sarah hiragina egi wena: Xapge higige waisgab phira horuj dani une wasibge egi duj‐wahire.

⁷ Egi Abraham je‐eja hornuwang‐shana egi je‐ningsi phisha harnikirina egi wang hojijisha hokuna egi hikuhe hikishereshina.

⁸ Egi Abraham hirawaxiri egi je‐wasni harnijina egi je‐ningsi hikisherera egi jowehireja wagishurna. Egi na kuhainja hikijahireja nashina, egi waruj‐hirena.

⁹ Egi wagairena: Hijawiraga Sarah hajinja unakshe? Egi wena: Horuxujwire jhieja‐nakshana.

¹⁰ Egi wena: De‐shejanegi ma joweregi jasgegi hiranijikjanena, egi horuxujre hijawinaga Sarah hojinjinigra hisha harnikjanena. Egi Sarah naxguna jhirog‐ejananka jhirobeja howahi, e nankehieja jera.

¹¹ Egi Abraham egi Sarah sh’aghirena egi ma rohainena, egi Sarah rushjana hinug woshgara.

¹² Esge Sarah wakixja‐nakshana wena: Hishagjianaga hageja hakishu haminkjane hirukana harnira hishge sh’agjegaja.

¹³ Egi Jehowa Abraham wagena: Jugu‐u Sarah hikshashe wena, hisgexjishe ninkjang hisha harnikjaneshe hishag‐hajane.

¹⁴ Jasge washanisha Jehowa wogijexishe? Houna higiregi de‐shejanagi ma joweregi hirani‐jikjanena, egi Sarah hojinjinig hisha harnikjanena.

¹⁵ Egi Sarah kibakhina, wena: Inke hiakshanina, wanakewege esge. Egi wena: inke shesgarnina, hiraksharna.

¹⁶ Egi wangananka eja nashi‐harairena egi Sodom e hapahi hirena, egi Abraham wakishu hahina nagueja.

¹⁷ Egi Jehowa wena: Jasge Abraham harnuwangixawakjeshe jagu haunkjanera,

¹⁸ Abraham jasgegi wankshig howajehi rokana xeteisha herejijekjanege egi manegi wankshig howajehira harnaj eja howahi washophi howairekjanege.

¹⁹ Hiaperes‐ginigaja, u‐washikjanegaja ninkjang warnira egi hojhieja herera, hag howarehiga, she‐e Jehowa woshga harnira giuinekjanegaja, phi‐hiranaga egi wogisogra hiuinekje, e Jehowa Abraham jagu mangiraj‐nihera herekje.

²⁰ Egi Jehowa wena: Sodom egi Gomorah uwanra rokana warnanke egi washa woishana warninera hisgeja rokanainena.

²¹ Eja wawatena, egi hajakjanena jasge‐hinankhi uwa hiraihira iuke shesgarnigi hiaperes‐hikjanena.

²² Egi wanganaka eja harairena, egi Sodom e hapahirena, eshi Abraham Jehowa jowehieja higu nashinjena.

²³ Egi Abraham hiwusunsh howarena egi wena: Jasge hishge phira wowongra wakishu maisinsh warakjaneshe?

²⁴ Nigete phira kerepana‐saja jhinageja niheguni, jasge hirassa maisinsh warakjaneshe egi inke manaka shegu unagraninashe phira eja kerepana‐sajanka hawau.

²⁵ Jasgegi inke de‐shege ranishgunina phira egi wowongra wakishu d’ewahira, egi phira wowongra hikisge wahi phinana. Inke shesge raninana manegi woehi hirukanara harnaj phihi‐ninankshe.

²⁶ Egi Jehowa wena: Sodom eja phira kerepana‐saja hiaegi jhinagrogeja, manaka harnaj e hawau niambwahakjanena.

²⁷ Egi Abraham horniharna egi wena: Horuxujre, Jehowa wakit’e hajegaja ne majushig egi raxoj hajanunige.

²⁸ Nigete phira saja hirujis‐hankuni kerepana‐sajankjera, jasge saja hirujisanka jhinagananka harnaj maisinsh‐rakjaneshe. Egi wena: Kerepana‐jopanaga‐sajahashana hiaegi inke maisinsh‐harnikjanena.

²⁹ Egi shige hokit’ena, egi wena: Nigete kerepanajop eja hish’ege. Egi wena: Kerepana‐jop‐hahanka hawau inke haunikjena.

³⁰ Egi wagena: Hirukanara inke wogitegnine, egi hiat’et’ekjena. Nigete kerepana‐dani eja hish’ege. Egi wena: Iuke haunikjena kerepana‐dani eja hiaegi.

³¹ Egi wena: Horuxujre Hirukanara wakit’e hajanegi. Nigete kerepana‐nup eja hish’ege. Egi wena: Inke maisinsh‐harnikjena kerepana‐nubra hawau.

³² Egi wena: Hirukauara inke wogitegnine, egi hiroagra shige hiat’et’ekjena. Nigete kerepanaisha eja hish’ege. Egi wena: Inke maisinsh harnikjena kerepanaishanka hawau.

³³ Egi Jehowa kerena, Abraham hokit’era rashjangi. Egi Abraham jhieja howakerena.