Hogusra 15 - Winnebego Bible Portions 1907

¹ Egi washa de‐e hageja Jehowa hoit’e Abram washanja higiu hirajihina, wena: Abram inke naxiranine, hinuwang hashinira Newinena egi woirowe rokana xete hashinira Newinena.

² Egi Abram wena: Jehowa Maura jaguisha hunakunkjaneshe, hashjarajena ninkjang jushguni hauanjera, egi Elieser Damaskus eja herejane e wajhiregi hoishjarera earnikjanegaja?

³ Egi Abram wena: Horuxujre inke su hunak’unina, egi horuxujre, jhi harninegi hisha wankshig‐ingi she‐e hoishjare harnira harnikjanena.

⁴ Egi horuxujre Jehowa hoit’e harnira hirajina, wena: De‐e inke hoishjare hashinira harninikjanena, eshi hisha ro hashininegi hihinab‐hikjanera e hoishjare hashinira harnikjanena.

⁵ Egi jangeja harnihina egi wena: Wangregi horuxujre egi wiragoshgera waikarabre, jasge waraikarab shuruxurugshe? Egi wagena: Deshesge su washinira hirekjanena.

⁶ Egi Abram Jehowa harnaxguna, she‐e hawau phi gigikarabshana.

⁷ Egi wagena Jehowa Newinena, E Ur eja Xaldea mainja harnihi‐nihinabra ma de‐e hornikuna hashinikjege.

⁸ Egi wena: Jehowa Maura, jasgeharnaga hiapereshikjaneshe harnikjanegi?

⁹ Egi wagena: Jewi wajeg ma danihara hisha hingarnijiaje, egi jarnax hinug ma danihara egi jhasga wang ma danihara egi rujgesgara hisha egi rujge wajegra hisha.

¹⁰ Egi washa de‐e harnaj wagarnihina egi kissag wamakunugshana egi homakunugra ag hakikinag injab jinag wahina eshi wanigra inke wamakunugnina.

¹¹ Egi jaja wanig wanoijge d’e rora wirajiregi Abram wawahas‐shana.

¹² Egi jaja wira hire hikorohogi Abram naxjina, egi horuxujre hishjakiruja rokanaxji naxiresge hirajina.

¹³ Egi Jehowa Abram wagena: Wogisog hirapereshikjena, su washinira ma hijahi hererena inke e harniranira, egi warnihi warninekjanena, egi ma hogihi‐jopaha hawe wahirekjanena.

¹⁴ Egi hishge wankshig howajehi she‐e warnihi warnijega, woehi harnieja wat’untekjanena, egi hageja (wankshig washinira) washara rokana harni‐hihinab‐hirekjanena.

¹⁵ Egi rashguni hianjwaraga eorawara‐kerekjanena. Egi shagji nixairekjanena.

¹⁶ Eshi wankshig‐hoi hijop‐eja shige hakirirekjanena. Amoritra wigishana harninera kheni hoixjininanke.

¹⁷ Egi wauna jaja wira hiregi, egi hokawas‐shana, horuxujre, jhitakaj‐hi xina egi pej tae homajarnaka hojakena hirera howarnankshana.

¹⁸ Egi hamb‐eja Jehowa Abram rohira hikisge khina, wena: Su washinira ma de‐e wagarna, Egipt nishanag‐eja hura nishanag xeteja hipa, Euphrat ni‐eja.

¹⁹ Kenitra, egi Kenisitra egi Kadmonitra,

²⁰ Egi Hetitra egi Pheresitra egi Rephaimra,

²¹ Egi Amoritra egi Kana‐anitra, egi Girgasitra egi Jebusitra.